Vision 8

作為荃灣友咁耐，竟然唔知有呢間餐廳，今餐一遇，相逢恨晚呀呢間疫情過後開返晚市，都仲有咁多捧場客，可見質素係有保證呢間嘅豬毛豬鞍，厚身但好嫩，齋用刀切都切得好暢快黃金肥瘦比例，瘦位都唔會嚡，浸吓紅酒汁真不錯底下有一堆薯片蓉，夠軟夠香口，加上捲心菜仔，成碟係完美比目魚食得出真係香煎，外皮香脆，肉質鮮嫩油香，菠菜忌廉汁係唔容易掌握嘅醬汁，但同天使麵混為一體，令麵身完全入味又唔會變糊，功力不淺呀呢間嘅湯亦非常耍家，龍蝦湯嘅顏色，相信絕對係用龍蝦熬出嚟，香濃嘅程度，加上有蝦肉在內，大胃實在唔需要懷疑野菌忌廉湯嘅濃郁味道，同黑松露油融為一體，要兩碗湯之中揀一碗，不如兩碗都要連沙律都正過人，蜂蜜芥末蛋黃醬感覺清甜，炸洋蔥圈好脆口，燒牛肉一啲都唔韌，停唔到口，送沙律真係幾好麵包都冇揸流攤，製作認真又高汁，尤其薄片麵包烘得脆卜卜，其他麵包都有熱又綿仲有黑松露牛油，食到冇剩原本想食蘋果金寶，最後一份俾隔離檯叫咗，退而求其次食心太軟，連第二選擇都好好味，非常之綿，雲呢拿雪糕質感冰甜而不膩