Outdark (Fee Tat Commercial Centre)

Open Now

Now Closed

今晚又同朋友再戰韓國餐啦。鍾意黎outdark,因為呢度又有韓式炸雞、韓式鍋物、韓式飯捲、韓式小食等等，而且味道仲要好味呀。是晚我地早入座，所以唔洗點等位，一般七點打後，人流都開始多了。我地坐低之後，當然有四圍影下相啦。呢個環境好靚，好多星星燈，影出黎好靚，環境好舒服，傾計食野都好開心。睇過餐牌，揀左大家鍾意既野食，之後野食都好快送上了。先講一講呢個魚糕串串鍋，以gas爐加熱住，咁就幾時都可以熱辣辣咁食，唔怕野食凍啦。好貼心。魚糕鍋入面仲有好多唔同配料，分別有好多唔同既魚糕串啦，有圓條狀既、扁身既魚糕串、獅子狗串。鍋內仲有年糕、菇類、粉絲，十分多配料，好好味同飽肚的。而且個魚糕湯都好鮮甜好好味。呢個魚糕串鍋真係性價比好高，好好味又足料。另外仲點了炸蝦飯捲，飯卷惹味，中間既炸蝦脆脆地，蝦肉又彈牙爽口，唔錯，口感都相當唔錯而且又飽肚，豐富。除左炸蝦飯卷外，仲有其他款式既飯卷，總會有款岩自己既。仲有點了一客海鮮炒粉絲。粉絲都係韓國食品中必食既item...韓式粉絲寧捨爽口彈牙，吸埋d汁超級惹味。正呀，又香口又彈牙，好好味。而且海鮮配料都幾多，又有蜆又有蝦，好好味。有野食當然有點埋野飲，我地一