Video
Read full review
2018-07-08
439 views
中午係旺角突然想食日本野，見到番本放題做緊$178加一，同兩個人平時食日本料理都係差唔多價錢，為食既我緊係揀去食放題。搭正中午12點，店內唔算好多客人，被安排坐卡位，有街景睇，坐位闊落，坐得幾舒服。飲品係自己出去雪櫃拎，種類都幾多，由罐裝汽水到支裝茶飲品、紙包飲品、韓國樂天牌飲品大概十幾二十款。好貼心地連熱飲櫃都有。另外想飲酒既話，啤酒、清酒、梅酒都有，不過就要寫紙落單。刺身方面有9款刺身，叫左7款左右。分別係三文魚、象拔蚌、白肉拖羅、赤貝、鯛魚、帶子、甜蝦。刺身方面全部都算厚切。甜蝦放題黎講好大隻，新鮮，多肉，唔會好似食空氣咁。象拔蚌口感爽口。白肉拖羅係其他放題比較小見，食落口感軟硬適中，魚油味香濃。帶子夠厚肉。壽司方面叫左香蔥海膽碎吞拿魚壽司、北寄貝壽司、火炙三文魚壽司、泰式虎蝦壽司、海鰻芝士卷、芥末蜜糖三文魚卷。壽司size唔會太大舊，岩岩好，飯都唔會太多，唔怕食完即刻飽曬。味道方面，最鍾意係火炙三文魚，入口即溶。海鰻芝士卷都好滑，芥末蜜糖三文魚卷既配搭幾特別。食完魚生就講下熱食方面。首先叫既係人參雞湯，暖一暖胃先。雞湯落足料，雞味濃，飲完會有小小人參味回甘。日式清酒煮蜆份量好多
搭正中午12點，店內唔算好多客人，被安排坐卡位，有街景睇，坐位闊落，坐得幾舒服。
飲品係自己出去雪櫃拎，種類都幾多，由罐裝汽水到支裝茶飲品、紙包飲品、韓國樂天牌飲品大概十幾二十款。好貼心地連熱飲櫃都有。另外想飲酒既話，啤酒、清酒、梅酒都有，不過就要寫紙落單。
刺身方面有9款刺身，叫左7款左右。分別係三文魚、象拔蚌、白肉拖羅、赤貝、鯛魚、帶子、甜蝦。刺身方面全部都算厚切。
甜蝦刺身
18 views
0 likes
0 comments
象拔蚌口感爽口。
白肉拖羅係其他放題比較小見，食落口感軟硬適中，魚油味香濃。
帶子夠厚肉。
壽司方面叫左香蔥海膽碎吞拿魚壽司、北寄貝壽司、火炙三文魚壽司、泰式虎蝦壽司、海鰻芝士卷、芥末蜜糖三文魚卷。壽司size唔會太大舊，岩岩好，飯都唔會太多，唔怕食完即刻飽曬。
味道方面，最鍾意係火炙三文魚，入口即溶。海鰻芝士卷都好滑，芥末蜜糖三文魚卷既配搭幾特別。
食完魚生就講下熱食方面。
首先叫既係人參雞湯，暖一暖胃先。雞湯落足料，雞味濃，飲完會有小小人參味回甘。
日式清酒煮蜆份量好多！酒味濃！味道都算鮮甜！
XO醬炒墨魚嘴
11 views
0 likes
0 comments
XO醬味好香之外，加埋洋蔥一齊炒仲有d甜味，墨魚嘴多肉，爽口。
芝士蟹子燒帆立貝
12 views
0 likes
0 comments
滴滴骰骰，食落芝士味唔會太濃，d芝士口感好似蒸蛋。
鹽燒牛舌、五花肉串燒
9 views
0 likes
0 comments
牛舌雖然唔算好大塊，但係燒得岩岩好，好爽口，配埋黑椒一齊燒係絕配啊。
鹽燒黑豚肉火候都係控制得好好，表皮烤得小小脆口，不過我覺得略為鹹左小小。
天婦羅
10 views
0 likes
0 comments
天婦羅方面番本種類都非常多！特別d既有海鰻天婦羅、香草魚柳天婦羅。
天婦羅d炸皮薄身，而且熱辣辣。
虎蝦外脆內軟。鰻魚薄身，會有淡淡鰻魚味。香草魚柳天婦羅既炸皮係有香草係入面。，魚柳非常非常滑啊！入口即溶咁。感覺好似食緊fish and chips個d炸魚。
總括黎講，番本午餐放題選擇十分多，無論係飲品、刺身、日本料理、天婦羅同埋炸物。選擇都比一般放題多，而且有d特別菜式係一般放題比較小見，而且仲有酒飲tim！味道方面同份量都唔錯。$178加一兩個人賣單都係400蚊有找。可以食到咁多野可以話係真。番本啊！
Post
