Video
Read full review
2014-06-06
4296 views
放題(All you can eat)是香港其中一種好出名的飲食文化之一，有好多種類，主要以日式為主，因香港人好鍾意食三文魚刺身，甜蝦刺身等等~~難得今次4姐妹齊腳，一於一齊去食放題，擦餐勁既，上黎 Openrice 睇左好多間，最後決定選左呢間──番本，聽個名就已經好想去挑戰佢，返下本先得！早三日已打電話去book左七點半，準時黎到後見到電梯口塞滿哂人等安排入座，勁多人wor，好彩一早book左位者~~一般日式餐廳散叫食物計起上來都幾貴下，好多人都是抱著食夠本的心態去食放題。以往日式放題只有提供一般大路的三文魚，吞拿魚，無殼甜蝦這些較便宜的食物提供，但現在好多新開既日式放題標榜提供高質素刺身，貴價刺身，食物款式多等…所提供的食物級數越來越高，有帶子，大甜蝦等提供。今次呢間番本每人加50蚊即可有升級放題，有赤蝦刺身、北海道帶子刺身、油甘魚刺身、北寄貝刺身、燒羊架、蟹粥、忌廉藍青口，貴價野任叫任食，正！入座後立即係咁寫紙仔落order，唔使10分鐘，刺身已送上枱，睇到都排到好靓。普通刺身：三文魚好靓，油脂分佈平均，食落口好滑，好有魚味，好新鮮。無殼甜蝦雖小，但都好鮮甜，兩條一齊食落口，肉
難得今次4姐妹齊腳，一於一齊去食放題，擦餐勁既，上黎 Openrice 睇左好多間，最後決定選左呢間──番本，聽個名就已經好想去挑戰佢，返下本先得！早三日已打電話去book左七點半，準時黎到後見到電梯口塞滿哂人等安排入座，勁多人wor，好彩一早book左位者~~
一般日式餐廳散叫食物計起上來都幾貴下，好多人都是抱著食夠本的心態去食放題。以往日式放題只有提供一般大路的三文魚，吞拿魚，無殼甜蝦這些較便宜的食物提供，但現在好多新開既日式放題標榜提供高質素刺身，貴價刺身，食物款式多等…所提供的食物級數越來越高，有帶子，大甜蝦等提供。
今次呢間番本每人加50蚊即可有升級放題，有赤蝦刺身、北海道帶子刺身、油甘魚刺身、北寄貝刺身、燒羊架、蟹粥、忌廉藍青口，貴價野任叫任食，正！
入座後立即係咁寫紙仔落order，唔使10分鐘，刺身已送上枱，睇到都排到好靓。
普通刺身：三文魚好靓，油脂分佈平均，食落口好滑，好有魚味，好新鮮。
無殼甜蝦雖小，但都好鮮甜，兩條一齊食落口，肉質好cream，好味！
吞拿魚公認“鞋”架啦，但呢間呢d未算係最“鞋”，可能係解凍時間剛好呱，亦無雪味。
白玉拖羅油脂好勁，本身無咁鍾意食，食左一舊就食唔落啦。
赤貝都好爽口，急凍既，但不會腥，但就一定無新鮮既咁好食，哈哈哈哈…
升級刺身當望到盤升級刺身時，4姐妹一齊 “嘩”左一聲，因赤蝦好大隻呀！果一刻4姐妹立即攞手機出黎係咁影相，哈哈哈哈…
升級刺身黎到我地立即拋棄左普通刺身，進攻呢碟。當然普通刺身都食哂啦~
赤蝦刺身味道鮮甜，肉質彈牙，在口中好感覺好cream，成口都係赤蝦，感覺好幸福好美味，蝦頭內亦很多蝦膏，蝦膏也很鮮味。
帶子刺生雖然片薄片，但一樣很鮮甜，夾兩片一起食更好味。
油甘魚刺生好新鮮，唔會好腥，食落口魚味濃郁，都好肥美下。
北寄貝刺身都好新鮮。
Encore 左兩次升級刺身
日式蟹粥：蟹粥係一鍋上既，本身有一隻蟹蓋，入面有有少許蟹羔，粥內有些菇類如金菇，少許薑絲蔥花調味，令到蟹味很濃郁，非常鮮甜，雖然一大鍋，但一齊share絕對可以食得哂，真係好好味。
日式清酒煮蜆：蜆很新鮮，每一個殼內都有蜆肉，肉粒粒都好飽滿，只有一隻是沒有開口，唔會淨係俾d殼你，抵讚！清酒煮蜆味道適中，酒味不會太濃，好食！
烤有機菠蘿：全場最多纖維既野食，非常甜，叫左好多轉。
和風牛肉粒：好香，有牛味，不會韌。魷魚非常惹味，好食！
燒羊架：自己本身好怕羶味，但好多人話好食，咁膽粗粗叫兩件share黎食下啦。
上枱時已聞到好香既孜然粉，碟旁邊有芥末醬和薄荷醬。食落口肉質幾軟，唔會“鞋”，只有很輕微的羊味，很香很惹味。個人覺得唔使配醬都已OK，因本身已很夠味。
炸物：
睇食評個個都話日式炸芝士年糕好食，咁叫啦，點知真係好芝。炸皮很薄很脆，年糕煙煙韌韌，中間芝士流出黎既，食了半塊已頂唔順啦。剩下半塊食唔落，請原諒我的浪費。
一口芝士豆腐妹妹食既，佢話ok。呢間既食材真係好堅，唔太好芝士既人避免叫啦！
炸吉列蠔的粉不會太厚，蠔肉雖不大，但幾有炸蠔既味。
黃金焗蠔：蠔肉不大，但有好多料一齊去焗，好香，入面不只有蠔，也有其他現料，洋蔥呀果d，很好食，encore 再encore！
川風雞絲麻辣粉：自己本身好鍾意食麻辣粉，睇食評話幾好，一於叫碗黎食。送上枱見到都唔係好大碗，無得選辣既程度，聞到都好香，一開始食有點攻鼻，但食食下會停唔到口。個湯似是用豬骨湯加辣的，呢隻薯粉係我最鍾意既，一般出面都係用紅薯粉的，呢種好似係用蕃薯粉製造既，比起紅薯粉滑身好多，配上呢個湯真係好香好滑，食唔停口。
甜品也有很多款，有雪米磁，杯裝雪糕芒果布丁等等。我地都叫芒果布丁黎食，咁特別。不來係自製既，小小的一個，好香芒果味，而且入面有兩粒芒果肉，好好味。我見隔離枱叫左好多雪米磁，最後拎埋走一路行一路食，不過真的太飽了，食不下了。
以放題來說，呢間的食物種類很多，上菜速度也很快，居然無漏單，真係第一次，我唸係因我地叫既數量唔離譜，所以佢都出齊俾我地。價格雖比一般放題貴，但絕對值得黎食，食物水準也值回票價！
Other Info. :
服務也很好，好快咁幫我地收左d野佢，個碟太多蝦殼都會幫我地換過個碟，又會問我地d野食黎齊未，今時今日香港地有咁既服務，真係抵讚！真係抵你有咁多客既！加油，老細，保持水準。
(The above review is the personal opinion of a user which does not represent OpenRice's point of view.)
Post
