南瀛水產

去完日本返嚟無耐，好懷念日本嘅磯燒海產。呢間南瀛水產居酒居主打日本地道磯燒，壽司同刺身料理，食材每日新鮮空運到港，相當吸引🤩餐廳裝修以木系為主調，座位寬敞，每張枱都放置一個燒爐♨️而且係有專人負責幫你燒😋，控制火候啱啱好，唔怕自己唔識燒🔥坐定定就食得。✦蟹味噌甲羅燒 $68原隻蟹蓋釀滿豐盛食材，有鵪鶉蛋、松葉蟹膏、蟹肉、蟹籽、蟹味噌同蔥粒。店員將所有食材拌勻後，用溫火慢燒，每一啖都非常濃郁、鮮味滿滿，仲有卜卜脆嘅蟹籽，口感層次更豐富。✦活貝盛合 $428活貝盛合大大盤，有大大隻生蠔、蜆、鮑魚同巨型扇貝。活鮑魚生猛到仲識郁，好似跳舞咁～超新鮮🤩燒海鮮以簡單調味為主。鮑魚彈牙爽口完全唔韌；肥美燒蠔多汁軟滑；蜆同扇貝好鮮甜，完全唔乾身，保留原汁原味。✦南瀛卷 $288賣相好靚，藝術品一樣！卷物上鋪滿三文魚籽、吞拿魚蓉、海膽同大大隻嘅牡丹蝦，海膽非常甘甜，入口即溶，奶油般嘅口感，加上爆汁嘅三文魚籽，感覺好幸福～✦牛肉烏冬 $98半生熟嘅日本牛肉，大大片入口非常柔軟嫩滑，牛味極為香濃，用上幼身稻庭烏冬，口感彈牙，湯頭都好鮮甜。✦雲呢拿千層蛋糕 $68蛋糕不太甜，味道不錯，飯後甜品一流。✦白桃燒酎