Video
Read full review
2022-08-15
1437 views
呢間米芝連推介餐廳我儲咗好耐，難得今晚阿仔同老公嚟觀塘陪我食飯，一於就的起心肝去食印尼餐。餐廳個位置非常之唔就腳，仲要行上一條長命斜路，如果唔係特登要來，一般人應該都唔會揀喺呢度食飯。呢間餐廳細細間，嚟呢度食嘢嘅人似乎都係係熟客。佢哋嘅餐牌非常之簡單，係嗰種一啲都唔花巧，實實在在煮俾你食嘅餐廳。因為老公同阿仔都唔熟悉印尼餐，所以就由我揸fit。嚟得試餐嘅，就諗住嗌多幾樣，食唔晒最多就打包攞返屋企。首先要咗半打沙爹，雞、牛、羊，每樣兩支。呢度嘅沙嗲仲有豬肉的，不過印尼係回教國家，基本上唔會有豬肉沙嗲。啲沙爹味道唔錯，唯一唔係咁滿意的就係佢嘅沙嗲醬係預先撈喺上邊的，唔似其他餐廳會另外上沙嗲醬，俾人客自己沾嚟食。主食要咗印尼炒麵同印尼黃錦飯。坦白講，個黃錦飯味道係可以的，但係比起印尼炒麵就遜色好多。呢個印尼炒麵真係超超超好食，我已經好耐冇食到咁好味，炒得咁香嘅Mee Goreng 喇！另外一個我想念的就係梭多雞湯。呢度嘅梭多雞湯同我心目中嘅都有幾大出入。雖然都叫做足料，但係俾我嘅感覺係佢多汁而唔係一個真正嘅湯，所以有少少失望。既然食得印尼菜，咁就一定要試佢嘅加多加多。唔知道喺唔喺今晚嗌嘅餸太
呢間餐廳細細間，嚟呢度食嘢嘅人似乎都係係熟客。佢哋嘅餐牌非常之簡單，係嗰種一啲都唔花巧，實實在在煮俾你食嘅餐廳。因為老公同阿仔都唔熟悉印尼餐，所以就由我揸fit。嚟得試餐嘅，就諗住嗌多幾樣，食唔晒最多就打包攞返屋企。
首先要咗半打沙爹，雞、牛、羊，每樣兩支。呢度嘅沙嗲仲有豬肉的，不過印尼係回教國家，基本上唔會有豬肉沙嗲。啲沙爹味道唔錯，唯一唔係咁滿意的就係佢嘅沙嗲醬係預先撈喺上邊的，唔似其他餐廳會另外上沙嗲醬，俾人客自己沾嚟食。
沙爹
30 views
2 likes
0 comments
主食要咗印尼炒麵同印尼黃錦飯。坦白講，個黃錦飯味道係可以的，但係比起印尼炒麵就遜色好多。呢個印尼炒麵真係超超超好食，我已經好耐冇食到咁好味，炒得咁香嘅Mee Goreng 喇！
印尼黃錦飯
61 views
1 likes
0 comments
印尼炒麵
74 views
1 likes
0 comments
另外一個我想念的就係梭多雞湯。呢度嘅梭多雞湯同我心目中嘅都有幾大出入。雖然都叫做足料，但係俾我嘅感覺係佢多汁而唔係一個真正嘅湯，所以有少少失望。
梭多雞湯
61 views
0 likes
0 comments
既然食得印尼菜，咁就一定要試佢嘅加多加多。唔知道喺唔喺今晚嗌嘅餸太過相似，所以食落味道都似乎係大同小異。個人嚟講，我會覺得個花生醬唔夠濃郁，事實上佢係偏稀，唔係我鍾意嘅一種醬汁。要讚嘅係啲蝦片，非常有蝦味，係典型嘅印尼蝦片。
加多加多
70 views
2 likes
0 comments
食到呢度，聽到隔籬枱嗌蕉葉燒魚，於是我哋又都要咗一個。上抬嘅時候就知道又係一碟同我心目中嘅燒魚有段距離嘅一碟餸。首先，佢並冇真正燒魚嗰種焦香味，而且呢條魚骨頭多，食落唔係咁方便，總體上打咗折扣，我個人唔會recommend 尼碟餸。
蕉葉燒魚
64 views
0 likes
0 comments
飲品方面我嗌咗一杯珍多冰，都係嗰句，啲chendol 可以做得更好。阿仔就要咗一個榴槤亞塔子冰。亞塔子喺香港不常見，都算係比較特別的食物，加埋榴槤，如果喜歡呢個味道的人應該會對呢杯飲品滿意。
珍多冰
40 views
0 likes
0 comments
榴連亞答子冰
42 views
0 likes
0 comments
總結今餐的經驗，我覺得呢間餐廳叫做尚可以，但係未到值得米芝蓮推介嘅程度。今晚我覺得唯一真正好味嘅就係個印尼炒麵，淨係呢個麵就值得我再次光顧做個回頭客。
Post
