Video
Read full review
2023-03-18
1669 views
今晚老婆要返學，又喺得小弟一支公，所以約咗親戚出嚟尖沙咀食吓飯，聚一聚，有幾間心水餐廳俾佢哋揀，佢哋話想食日本嘢，所以，嚟咗「樂酒場」大眾食堂暢食一番。揀呢度仲有個好處，對出就喺尖東站，小弟返屋企非常之方便。餐廳嘅用餐區喺二樓，但上樓梯一刻已經感受到 店家晌裝修上面嘅心思，樓梯兩旁貼滿和風舊式嘅手繪明星海報。而走進餐廳，地方好大，全木系，完全喺昭和時代嘅懷舊風，除咗啲枱櫈都喺復古風格之外，皆因四周圍牆上都貼有好多舊物件、海報……等等，不時都有睇日本嘅晨間劇，都見唔少呢類場景。再加上不停播日本舊歌，頗有氣氛。除咗一般嘅座位，近窗嘅一邊，更設有好大片榻榻米區域，真喺榻榻米式座位，唔喺扮嗰隻（即喺枱下開個窿可以放腳），所以，唔夠「腰骨」嘅朋友就揀番啲正常位好啲。而每個位，或每張枱下面，都放有擺背包或手袋嘅藤籃，其實我哋坐晌榻榻米呢邊，地板都好乾淨，就咗放問枱底都OK。作為居酒屋，食物自然有好多選擇，呢度主打喺啲牡蠣（生蠔）料理，此外，仲包括酒肴（前菜）、海老料理、刺身、沙律、肉料理、海之幸（海鮮料理）、串燒、一品、炒物、揚物、天婦羅、食事、鍋物……等等，真喺有啲花多眼亂。如果諗唔到食乜，可以
餐廳嘅用餐區喺二樓，但上樓梯一刻已經感受到 店家晌裝修上面嘅心思，樓梯兩旁貼滿和風舊式嘅手繪明星海報。
而走進餐廳，地方好大，全木系，完全喺昭和時代嘅懷舊風，除咗啲枱櫈都喺復古風格之外，皆因四周圍牆上都貼有好多舊物件、海報……等等，不時都有睇日本嘅晨間劇，都見唔少呢類場景。再加上不停播日本舊歌，頗有氣氛。
除咗一般嘅座位，近窗嘅一邊，更設有好大片榻榻米區域，真喺榻榻米式座位，唔喺扮嗰隻（即喺枱下開個窿可以放腳），所以，唔夠「腰骨」嘅朋友就揀番啲正常位好啲。
而每個位，或每張枱下面，都放有擺背包或手袋嘅藤籃，其實我哋坐晌榻榻米呢邊，地板都好乾淨，就咗放問枱底都OK。
作為居酒屋，食物自然有好多選擇，呢度主打喺啲牡蠣（生蠔）料理，此外，仲包括酒肴（前菜）、海老料理、刺身、沙律、肉料理、海之幸（海鮮料理）、串燒、一品、炒物、揚物、天婦羅、食事、鍋物……等等，真喺有啲花多眼亂。
如果諗唔到食乜，可以搵侍應哥仔介紹吓，又或參考吓牆上黑板嘅本日推介。順帶一提，呢度嘅服務好唔錯，或許今晚人客太多，招呼好熨貼，適時收拾餐具，不時幫忙添茶。
飲品方面，就梗係唔少得各款酒類，包括有啤酒、Highball（威士忌梳打）、紅白餐酒、燒酎、清酒、雞尾酒，而非酒類嘅選項相對比較少啲。
江戶金魚鉢 $78呢一款雞尾酒喺將水果糖漿加入燒酎度，再加少少鮮果粒、啫喱粒做裝飾，金魚鉢即喺我哋所指嘅金魚缸，賣相金黃亮麗，親友就話幾易入口，嗒落甜甜哋有啲果香，酒味又唔算好重，不過嗒吓嗒吓，唔覺唔覺啲酒精先嚟料。
東京Sangria $78小弟本身幾鍾意飲西班牙果酒（Sangria），而呢杯東京版跟西班牙果酒差唔多，可能用咗啲日本生果啩，總之飲落就幾好飲咁，同樣喺易入口嘅雞尾酒。
樂酒肴前夕 $98嚟居酒屋就梗喺邊食邊飲，晌啲下酒菜中有幾款都想試試，咁就最好嗌呢一款「拼盤」，可以一次過試勻枝豆、酒盜芝士、醬油鳥蛋，而後兩者更喺人氣之選。
樂酒肴前夕
$98
11 views
0 likes
0 comments
酒盜喺種醃漬物，據解說喺搵啲海鮮嘅內臟以鹽醃漬、發酵熟成，再加落啲忌廉芝士，味道幾有驚喜，忌廉芝士口感軟滑，味道濃郁，加咗酒盜（有啲似生嘅螄蚶）鹹鹹鮮鮮，令芝士味更突出。
醬油鳥蛋差唔多等同我哋嘅滷水蛋或茶葉蛋，不過用上鵪鶉蛋，幾醬油漬，再灑上少少芝麻，入口少少冰涼，鵪鶉蛋好有蛋香，帶少少醬油味，用嚟下酒確喺幾唔錯。
牛油果山葵漬 $48平時食牛油果唔係沙律，就喺配多士，第一次伴以山葵同醬油，首先牛油果夠晒熟成，好軟腍，有種入口即化嘅感覺，好似咬落件牛油咁，而味道有點鹹，又有點辣，都幾得意。
雞皮餃子 $58喺推介菜式之一，亦喺好有驚喜嘅一道手工菜，因為以雞皮包住豬肉餡做成好似餃子咁，外層嘅炸雞皮香脆到不得了，又食到餃子嘅肉餡感，而且，好爆汁，唧埋少少檸檬汁，帶點清新檸香，完全唔覺有油膩感。
雞皮餃子
$58
5 views
0 likes
0 comments
刺身五點盛 $280食日本菜最賞心樂事嘅喺每道菜式嘅賣相都做得靚靚，尤其喺刺身，唔單止啲魚生夠新鮮，擺盤非常靚，非常有心思。睇見呢份五點盛，望到都有份喜悅感啦。5款刺身包括帆立貝、油甘魚、三文魚、赤身同生海膽，啲刺身實在高質素，而且各有特色。
刺身五點盛
$280
4 views
0 likes
0 comments
油甘魚喺刺身、壽司嘅常客，魚肉通透，喺新鮮度嘅明證，件件厚切，魚味足，又柔嫩，口感帶少許爽。
香港人就對三文魚情有獨鍾，小弟就無偏愛，不過間中都會食吓三文魚，貪其色澤亮麗，鮮美油潤。
赤身本身色澤紅潤得嚟有光澤，對比拖羅，油份唔太重，肉質細緻柔軟，魚味又夠突出。
海膽色澤橙紅，非常之靚，唔會暗暗啞啞，放進口腔，豐腴之感一拼湧出，口感綿密細膩，仲有種甘甜嘅餘韻。
樂酒場串燒盛盒 $228喜歡食肉嘅可以揀個串燒盛合，如果嫌「夢幻燒鳥盛合」只得雞嘅組合，咁「樂酒場串燒盛盒」就一定好啱你，因為包咗6款肉類，分別有牛柳粒、山藥紫蘇豬腩肉、博多明太子醬燒豬腩肉、雞翼、雞頸肉及香草紐西蘭羊架，份量上2至3個人分都OK，樣樣都試到啲。燒嘅火侯拿捏準確，食落有炭火香，唔會「乾崢崢」。
樂酒場串燒盛盒
$228
17 views
0 likes
0 comments
呢款博多明太子醬燒豬腩肉就襯以明太子醬，食起嚟更惹味，因為啲明太子鹹鹹香香，夾豬腩肉幾OK喎。
雞頸肉喺比較冷門嘅部位，相信一隻雞抽出到嘅肉唔多，而入口好軟腍，有點點炭火香。
雞翼經過處理，攤開嚟燒，所以，食起嚟比較易食，而雞翼燒得好香口，外皮脆口有油香。
牛柳粒未知喺唔喺和牛，但質素唔錯，咬落去好腍滑，而且，肉味濃郁，沾上少少芥辣，真喺好正。
最後要試嘅喺濃味嘅香草紐西蘭羊架，大大件羊架，燒到滿有碳火香，肉質鬆軟，有羊肉獨有香味，卻唔太羶。
鯛魚魚湯泡飯（2人前）$238食事方面，試咗呢個泡飯，話就話二人前，查實4個人都夠食，一大鍋份量十足。送到上枱時，鯛魚仲喺生嘅，所以，要煮一陣，用個漏斗計時3分鐘，一夠鐘熄火開蓋將魚肉浸一浸落啲湯咁就啱啱好，否則魚肉被啲餘熱煮得過熟。
鯛魚魚湯泡飯（2人前）
$238
6 views
0 likes
0 comments
個泡飯好好食，主要喺因為用咗魚湯嚟做，份外鮮甜，加上有好多大蔥、本菇同野菜，而鯛魚好新鮮，味道鮮甜，故此，令到整個泡飯真喺好食。
試咗多款美食，無論炸物、刺身、串燒，抑或食事均有水準，加上環境好有氣氛，招呼到位，如果一大班人嚟啤啤佢，感覺仲正，「樂酒場」喺值得再訪嘅居酒屋，小弟亦都推介咗俾啲哈日嘅朋友仔。
Post
