Video
Read full review
2019-08-17
310 views
週末想同朋友搵個地方relax下，係網上睇到呢間餐廳嘅環境唔錯，就選擇去呢度hightea~ 😌環境都幾舒服，播住輕音樂，令人心情不期然咁放鬆哂～我地叫左呢個 Afternoon Tea Set ($328 for two)，再有加一服務費～有3款鹹點、3款甜點 (款式視乎供應而定）和一杯飲品，還可以選擇 Tete De Moine 半硬芝士 (鹹點）或者 義大利布袋芝士配天然蜂巢蜜 (甜點)，咁我地就選擇左前者～煙燻三文魚三文治將煙燻三文魚卷得厚厚的，濃濃嘅煙燻三文魚味令到每一啖都有幸福嘅感覺🥰🥰自家煙燻車打芝士薯球外脆內軟嘅芝士薯球，入面嘅薯蓉口感非常細滑 creamy，配上濃郁嘅車打芝士真係好好味！😋馬茲卡彭芝士小點餅乾上嘅芝士口感幼滑，但芝士味唔濃，味道偏淡，主要靠灑係芝士面嘅鹹蛋黃碎去提升個味道～紅桑子芝士蛋糕呢個蛋糕分左3層，每層嘅酸甜度都唔一樣，口感豐富，酸酸甜甜咁好醒胃！核桃朱古力蛋糕作為朱古力控對呢個蛋糕好滿意！底層嘅朱古力有淡淡嘅酒香，質感幼滑，同蛋糕面嘅核桃蓉味道相輔相成～🤩🤩野梅甜甜圈叫得甜甜圈，真係幾甜下😂 佢嘅質感比較 creamy，同我想像中嘅甜甜圈口感有
環境都幾舒服，播住輕音樂，令人心情不期然咁放鬆哂～
Afternoon tea set
$328
26 views
0 likes
0 comments
我地叫左呢個 Afternoon Tea Set ($328 for two)，再有加一服務費～
有3款鹹點、3款甜點 (款式視乎供應而定）和一杯飲品，還可以選擇 Tete De Moine 半硬芝士 (鹹點）或者 義大利布袋芝士配天然蜂巢蜜 (甜點)，咁我地就選擇左前者～
煙燻三文魚三文治
將煙燻三文魚卷得厚厚的，濃濃嘅煙燻三文魚味令到每一啖都有幸福嘅感覺🥰🥰
自家煙燻車打芝士薯球
外脆內軟嘅芝士薯球，入面嘅薯蓉口感非常細滑 creamy，配上濃郁嘅車打芝士真係好好味！😋
馬茲卡彭芝士小點
餅乾上嘅芝士口感幼滑，但芝士味唔濃，味道偏淡，主要靠灑係芝士面嘅鹹蛋黃碎去提升個味道～
紅桑子芝士蛋糕
呢個蛋糕分左3層，每層嘅酸甜度都唔一樣，口感豐富，酸酸甜甜咁好醒胃！
核桃朱古力蛋糕
作為朱古力控對呢個蛋糕好滿意！底層嘅朱古力有淡淡嘅酒香，質感幼滑，同蛋糕面嘅核桃蓉味道相輔相成～🤩🤩
野梅甜甜圈
叫得甜甜圈，真係幾甜下😂 佢嘅質感比較 creamy，同我想像中嘅甜甜圈口感有分別，但味道都唔錯～
Tete De Moine 半硬芝士
店員會係我地面前用刨刀將芝士削成薄薄一片，削成花狀就會放係碟上，削芝士嘅時候飄來陣陣芝士香～☺️
芝士幾鹹香，亦有一點羶味，但可以接受，唯獨食到第2-3朵芝士花嘅時候就會覺得芝士過鹹，要靠碟上嘅提子去中和番個鹹味...
草莓奶酪 & 藍莓奶酪
兩杯味道都偏淡（相比之下草莓奶酪味道稍濃），再加上有冰塊係入面，融冰後味道就更淡了🙈🙈
總結，無論係賣相定係味道都好高質，環境又舒適，店員態度又好友善，會推薦俾朋友～
Post
