Video
Read full review
2021-08-15
7306 views
踏入家中老闆既壽辰月活動，當然要由「嘗味名單」中選取一間心儀試一試。家中老闆一話呢間係中環文華既幾好要試，我就一個月前俾個電郵訂位。因為想安排好點，所以電郵問埋有冇泊車位，諗住俾貴貴時租都要型一型佢泊下文華酒店咁。點知餐廳經理好好英文咁回覆我係唔會有咁既安排既，E 嚟 E 去既英文寫得好靚，即刻覺得成單野唔同哂，要認真對待。講返今次午餐，可以用覺得自己型左嚟形容，一到場經理就安排坐係一張二人木桌，同隔離仲有一塊木製屏風隔一隔鄰台咁，即係話俾大家知間餐廳好重視PRIVACY，同埋講話請收細音量。落左單就上兩件飽，大家都一定會對中環酒店西餐廳既餐飽有期望，當然我睇到都已經想食，又嚟有圖有真相: 跟著就係今次三大主角之一既 牛肉他他，連埋有一個雞蛋黃當醬點，另一個就係白蘭地醬。呢個他他入面混左少少酸子之類既西餐配料，一提就提升哂成個他他既味，就咁食都已經好食到不得了，暫時係食過最好既牛肉他他: 主菜，炸魚薯條，英式餐廳食英國午餐。佢地用既魚好好，肉一疏疏，脆粉薄，份量足，優質:家中老闆一直想食TIKKA，就叫左黎試，佢個雞肉好諗，混咖哩一絕，配個長米飯乾身而鬆軟，好好:中間趁晏左少人點，同左
講返今次午餐，可以用覺得自己型左嚟形容，一到場經理就安排坐係一張二人木桌，同隔離仲有一塊木製屏風隔一隔鄰台咁，即係話俾大家知間餐廳好重視PRIVACY，同埋講話請收細音量。落左單就上兩件飽，大家都一定會對中環酒店西餐廳既餐飽有期望，當然我睇到都已經想食，又嚟有圖有真相:
跟著就係今次三大主角之一既 牛肉他他，連埋有一個雞蛋黃當醬點，另一個就係白蘭地醬。呢個他他入面混左少少酸子之類既西餐配料，一提就提升哂成個他他既味，就咁食都已經好食到不得了，暫時係食過最好既牛肉他他:
主菜，炸魚薯條，英式餐廳食英國午餐。佢地用既魚好好，肉一疏疏，脆粉薄，份量足，優質:
家中老闆一直想食TIKKA，就叫左黎試，佢個雞肉好諗，混咖哩一絕，配個長米飯乾身而鬆軟，好好:
中間趁晏左少人點，同左個經理傾左一陣，知道唔少呢間有歷史既酒店既一點事跡，更令我好有FEEL。結果慢慢食，有傾有講咁LUNCH左兩粒鐘先閃人。家中老闆 話滿意安排，部車由佢泊得遠就遠啦，話食完慢慢行吓都好。「老闆俾LIKE，此刻無價。」
Post
