日月堂

Open Now

Now Closed

今日同媽咪出咗去食飯，我哋今次就揀咗一間觀塘樓上嘅台灣野。去到都算多人要等位，始終係工廈，等位都有啲熱，如果大家想去可以預先book枱。<紅燒半筋半肉麵，$75>呢個牛肉麵好好食，佢話湯唔會太濃亦都唔會太淡，有好香嘅牛肉，同時之間亦都有極輕微嘅辣，食落好惹味。牛筋同牛肉都整得好腍同好入味，好食！<炸鹽酥雞，$48>鹽酥雞炸得好香脆，入邊嘅雞肉仲好嫩滑。不過略嫌咸左少少。<宜蘭花枝丸，$38>呢個花枝丸都好好食，炸得好香脆，入邊真係有花枝粒，而且仲好彈牙。<手工滷肉飯（小），$35>呢個滷肉飯都幾好食，唔錯。<荔枝綠茶（凍）（半價加配），$15>超級大杯嘅荔枝綠茶，唔算好甜，荔枝味同綠茶味嘅比例調教得唔錯。<香芋奶茶（熱），$22>香芋奶茶都係唔係好甜，幾好，奶味同香芋味夾得好好。整體而言，我好推薦呢間台灣菜，性價比高又好味。