La Parrilla Steakhouse

講起阿根廷，唔係得波經可以講嘅，原來香港係有阿根廷餐廳，本以為同中東菜差唔多，今次阿根廷料理初體驗大開胃戒入到嚟格局就似一般好傳統嘅西式扒房，多咗啲南美deco上菜之前先食麵包，類似法包但又有咬口好多，點黑醋同橄欖油食，好似食零食咁過癮食完頭盤麵包，大胃嗌嘅熔芝士都有麵包，對住呢盤熱熔芝士，多多包都唔怕，點芝士一定要拉到大過塊包嘅份量，咁先食得晒呢款芝士有微微鹹香，拉絲力強，一大啖食唔覺膩，包到唔見塊包咁食先至正阿根廷都有炸餃子咁嘅物體，仲以為會喺印度咖喱角咁嘅味，點知裡面嘅牛肉餡，醃得非常特別，其香無比，點隔離嘅蕃茄醬汁食，更上一層樓，下次嚟一定要再叫由於陣間會鋸扒，意粉方面都係嗌雞肉好喇，就咁睇雞胸好似好嚡，但口感係兩回事，煮得好滑身，意粉好掛汁好綿，成盤食都好飽肚終於到主角登場喇，五成熟嘅Hanger即係橫隔膜，都好大份，而且好粉色好嫩身剛剛喺烤爐燒完，一上檯出晒煙太刺激了，食慾為之再振一份steak有六款醬汁，左邊就以蔬菜汁為主，口味較清新另一邊嗰三款係燒烤醬、蒜味忌廉同澀澀地嘅特色芥末，一塊扒多重滋味用唔晒啲醬仲可以嗌份薯條點點佢，同塊扒嘅配搭又夾