Video
Read full review
2017-08-13
131 views
老婆係一個百分之百的哈韓族，之前幾年暑假我地都會約埋朋友兩公婆去韓國玩玩，俾呢兩位女士去追下OPPA。🙈 今年因為約左其他朋友去日本旅行，所以年度的韓國之旅今年要暫停。為左慰藉一下佢地兩位女士，今晚我同朋友訂左呢間一直人氣高企的韓國餐廳，品嚐一下韓風，當去左韓國啦。😝Bingo & Cook係駱克駅2樓，係地鐵站銅鑼灣廣場出口過對面馬路就到，非常方便。我地訂左7點枱，去到時客人都已經好多，都要稍稍等一下才安排到座位。餐廳樓底好高，裝修有少少工業風，座位唔會太迫，坐得幾舒服。餐牌設計簡約，每個項目都有提供相片，賣相吸引，飲品選擇都好多而且好特別，女士們除左揀自己杯飲品之外，仲幫我地兩個揀埋，因為好多口味佢地都想試。😅老婆揀俾我飲呢杯Blue Lemon Coronarita酒味都幾濃，不過酸酸甜甜都幾易入口。我自己比較喜歡老婆呢杯Peach Ade，蜜桃味好自然而且唔太甜。朋友兩公婆的Cookie & Cream Smoothie同Grapefruit Ade都好有造型，佢地都話味道唔錯。Bingo & Cook的韓式魷魚炸雞好出名，我地當然要點一份啦，份量比預期仲多，4個人每人都要食好
Bingo & Cook係駱克駅2樓，係地鐵站銅鑼灣廣場出口過對面馬路就到，非常方便。我地訂左7點枱，去到時客人都已經好多，都要稍稍等一下才安排到座位。餐廳樓底好高，裝修有少少工業風，座位唔會太迫，坐得幾舒服。
餐牌設計簡約，每個項目都有提供相片，賣相吸引，飲品選擇都好多而且好特別，女士們除左揀自己杯飲品之外，仲幫我地兩個揀埋，因為好多口味佢地都想試。😅
老婆揀俾我飲呢杯Blue Lemon Coronarita酒味都幾濃，不過酸酸甜甜都幾易入口。
Blue Lemon Coronarita
$88
21 views
0 likes
0 comments
我自己比較喜歡老婆呢杯Peach Ade，蜜桃味好自然而且唔太甜。
Peach Ade
$56
24 views
0 likes
0 comments
朋友兩公婆的Cookie & Cream Smoothie同Grapefruit Ade都好有造型，佢地都話味道唔錯。
Cookie & Cream Smoothie
$58
17 views
0 likes
0 comments
Grapefruit Ade
$56
14 views
0 likes
0 comments
Bingo & Cook的韓式魷魚炸雞好出名，我地當然要點一份啦，份量比預期仲多，4個人每人都要食好多先食得哂。炸雞同魷魚都好香脆而且唔會炸到好乾，特別係個魷魚，外脆內軟，配上多款有咸有甜又有酸味的醬料，連唔太喜愛炸野的老婆都食左好多。👍
韓式魷魚炸雞
$180
27 views
0 likes
0 comments
韓式魷魚炸雞
$180
42 views
0 likes
0 comments
牛肉炒粉絲配料都好豐富，當中我特別喜歡洋蔥，吸收哂牛肉的味道，粉絲都好彈牙。
牛肉炒粉絲
$86
18 views
0 likes
0 comments
朋友同我都係芝士控，呢個忌廉芝士雞肉湯麵超啱我地口味，雖然叫做湯麵，但基本上果個稱唔上湯，因為全碗都係拉到絲的芝士，配上質感似烏冬的麵同雞肉，非常惹味，不過真係要4個人先食到，如果得我同老婆兩個人肯定食唔到全碗。
忌廉芝士雞肉湯麵
$106
41 views
0 likes
0 comments
當豬腳上枱時，我地都已經飽左一半，無預計過呢度食物的份量係咁大份，不過呢度的豬腳味道真係唔錯，唔會太咸，配搭韓式醬料夾生菜食完全唔覺得膩，所以最後我地都可以坐碟清哂。
豬腳
$240
86 views
0 likes
0 comments
埋單每位$240，係銅鑼灣品嚐到韓國風味，而且碟碟都咁大份，確係超值。👍
餐牌
Post
