INN - I’m Not Nothing

Open Now

Now Closed

餐廳在荔枝角工廠大廈入面，佈置得好浪漫，勁多打卡位。餐牌有前菜、主菜、意粉/意大利飯、甜品、法式班戟、飲品；加$38可配是日餐湯及餐飲，仲可用半價優惠轉配其他飲品。而家餐廳做緊推廣，每人消費任何意粉/飯或主菜類，都可以優惠價$58，任食辣味茄醬煮藍青口配薯條。是日餐湯係甘筍湯，打得綿密幼滑，濃稠適中，仲有拉花效果。辣味茄醬煮藍青口配薯條：藍青口肉質豐滿，味道鮮甜，配辣茄醬非常惹味；粗薯條炸到金黃酥脆。香煎虎蝦牛肝菌意大利飯：意大利飯煙韌有咬口，加上好creamy既醬汁，好有層次感，虎蝦夠彈牙，廚師好細心，開邊方便我哋食。煙三文魚水牛芝士香草醬扁意粉：扁意粉沾滿香草醬汁，淡味既水牛芝士配甘香既煙三文魚，配搭得宜。總結，食物高質，坐得舒服，服務態度好，愉快既用餐體驗。