三郎。燒肉

Open Now

Now Closed

尖沙咀依間「三郎。燒肉」主打日本和牛，環境高貴，座位寬敞，私隱度高，今次同家姐兩個人食依餐晚飯，計埋加一服務費，埋單$2545，稍微少貴，不過菜式好豐富。*此餐廳收取加一服務費。五款特選和牛盛合（單點$558），和牛西冷，油脂分布呈雪花紋，食落入口即化；和牛肉眼，食落肉味香濃；和牛牛肋肉，肉質肥美，食落油脂味濃；牛肩肉，肉質厚實；內側後腿肉，略嫌食落口感比較韌。五點季節刺身盛合（單點$598），鯛魚、鰆魚、油甘魚，肉質嫩滑，味道鮮甜；海膽食落好Creamy，味道不腥；墨魚口感爽脆。和牛煲仔飯（單點$298），表面鋪滿和牛、雞蛋、香蔥，和牛食落帶有燒肉汁味道，味道甜鹹，煲底內有飯焦。燒帆立貝（兩隻$178），表面鋪有牛油、醬油，食落好香口。烤和牛肩他他凱薩沙律（單點$138），表面鋪有他他醬，和牛肩肉肉質偏向瘦肉，牛味濃厚，凱薩沙律內有羅馬生菜、紫萵苣、車厘茄、煙肉、焗麵包粒、巴馬臣芝士粉，味道正宗。鹿兒島縣產雞心（單點$78），食落有咬口，配料包括有櫻花蓮藕、芫荽。阿波尾雞中翼（單點$78），雞皮經燒烤後，口感香脆，去骨雞中翼食落啖啖肉。香辣雞翼（單點$68），雞翼即叫即炸，辣度1分，