Video
Read full review
2013-11-11
136 views
慶祝朋友生日, 好多時唔係邊爐就放題聽過番本已經好耐, 但食評好漂忽, 有時D野無謂博, 但見佢呢排OK, 價錢又合理, 決定一試!有訂位黎到唔洗等 (有時真係唔明點解D人會唔訂位慢慢等)有個6人卡位, 都算每人有舒適空間的!坐低, $178, 但有個升級放題, 有赤蝦, 大帶子, 羊架, 加50蚊每位, 我呢D咁鐘意蝦O既人, 當然諗都唔諗就加啦!!一落單, 當然係狂叫刺身先啦, 普通級的刺身好快就到了!咁O既價錢, 一定談不上極品, 但絕對係同級的水準之上, 讚!食食下, 個升級黎到, 個個即刻停晒手, 手機即刻拎晒出黎, 因為個赤蝦真係有夠大隻!!!!玩完一輪, 食喇!!!!!!肉質好好, 我會形容為甜蝦加大版, 但冇左份糖咁甜的甜, 多了一份鮮甜, 而且新鮮度之高係個蝦頭的蝦腦都可以食埋, 我D朋友就唔敢食, 我就食埋, 少少甘苦, 好食!大帶子就張佢片薄左, 明顯係因為成本問題而咁切, 我會話, 味道不變, 但失了食大帶子O個種滿足!但我都係O個句, 咁O既價錢, 要求唔可以太高, 別人也要生存了吧!其實升級放題仲有北寄貝, 油甘魚等, 但赤蝦太吸引, 我全力進攻赤蝦 都要提
聽過番本已經好耐, 但食評好漂忽, 有時D野無謂博, 但見佢呢排OK, 價錢又合理, 決定一試!
有訂位黎到唔洗等 (有時真係唔明點解D人會唔訂位慢慢等)
有個6人卡位, 都算每人有舒適空間的!
坐低, $178, 但有個升級放題, 有赤蝦, 大帶子, 羊架, 加50蚊每位,
我呢D咁鐘意蝦O既人, 當然諗都唔諗就加啦!!
一落單, 當然係狂叫刺身先啦, 普通級的刺身好快就到了!
咁O既價錢, 一定談不上極品, 但絕對係同級的水準之上, 讚!
食食下, 個升級黎到, 個個即刻停晒手, 手機即刻拎晒出黎, 因為個赤蝦真係有夠大隻!!!!
玩完一輪, 食喇!!!!!!肉質好好, 我會形容為甜蝦加大版, 但冇左份糖咁甜的甜, 多了一份鮮甜,
而且新鮮度之高係個蝦頭的蝦腦都可以食埋, 我D朋友就唔敢食, 我就食埋, 少少甘苦, 好食!
大帶子就張佢片薄左, 明顯係因為成本問題而咁切, 我會話, 味道不變, 但失了食大帶子O個種滿足!
但我都係O個句, 咁O既價錢, 要求唔可以太高, 別人也要生存了吧!
其實升級放題仲有北寄貝, 油甘魚等, 但赤蝦太吸引, 我全力進攻赤蝦
都要提一提, 羊架肉質好好, 林滑有肉汁, 但你可以叫師傅唔好咁熟, 我睇佢燒到有9成, 但我食開5成的,
佢黎的時間仲有MINT JELLY, 我大讚, 咁捨得俾MINT JELLY
但呢度MINT JELLY偏甜, 薄荷味不足. 我不喜, 如果不喜歡MINT JELLY 甜的話, 可以唔好點.
蟹粥都係一個較有驚喜的食物, 平時食的放題蟹粥, 我會形容為, 用無味的水蟹放上個白粥面但呢度的, 粥本身都有少少味, 有薑絲, 有菇絲, 蟹亦不是差, 明顯地是有蟹味落左粥度 !
跟住的串燒, 料理, 炸物, 壽司, 款式之多, 係冇可能全部試晒!但本人較欣賞有, 日本蕃薯仔, 細細粒, 味道好, 你有行開街市, 絕對知唔係平野來的.
另外, 雞軟骨棒又係較為成本高的貨, 出去食, 38蚊可能得2-3枝, 呢度任食, 抵讚!
其餘的食物就係你會預計到的味道啦, 都唔多講
炸朱古力香蕉, 必食!!!! 完全係香蕉的香甜, 襯上少少苦的朱古力醬, 出奇地好食!!!!
燒有機菠蘿, 簡單講! 林, 同香甜! 係唔係有機我就唔識分喇, 哈
最後, 一定要講, 我係一個酒鬼, 呢度隻任飲的梅酒好有質素!
總括, 我都食唔少放題, 呢間的性價比非常之高, 由其係升級後, 所以我建議大家, 唔好慳O個50蚊, 慳50, 包你後悔!
Post
