Video
Read full review
2023-09-12
38 views
呢間韓國過江龍本身喺韓國已經有成三十幾間分店，依家進駐埋荃灣海之戀，網上見到嘅食物post，菜式好香口，幾吸引，今次朋友終於有時間陪我食！呢間新式韓國餐廳，裝修採用英倫風格，融入車廂概念，門面好大氣，店內一排大玻璃窗望到外面嘅平台種滿綠色植物，好開陽，卡位坐得特別舒服，張枱又夠大！食物、飲品、甜品份量都幾大，所以價錢合理，適合同人share！✔️香辣芝士八爪魚$138本身自己好鍾意食爽口嘅八爪魚，加上辣味同芝士，係無法抗拒嘅組合！一上枱，見到沾滿辣醬嘅八爪魚下層係芝士條，會連埋Gas爐一齊上，侍應會喺客人面前撈勻八爪魚同芝士，散發出香味！八爪魚外層好似有一層脆衣，肉質好彈牙，芝士好厚實份量好多，辣味好惹味、開胃，唔覺得特別濟！✔️半半炸雞$208Menu有介紹呢間餐廳嘅炸雞係韓國空運走地雞，肉質結實，用上二十幾種天然醃料，全手工製造，毫無懸念，一定要試吓啦！炸雞有四種口味：原味、大邱辣醬、蔥絲、蜜味乳酪，半半炸雞可以揀兩種口味，都係毫無懸念，揀咗大邱辣醬、蜜糖乳酪味，兩隻口味各有4件雞，包括雞鎚1件、雞全翼1件、雞胸2件，食落外皮真係脆得來好煙韌，成塊皮好連綿，醬汁食晒喺雞皮上，香口得嚟又
✔️香辣芝士八爪魚$138
本身自己好鍾意食爽口嘅八爪魚，加上辣味同芝士，係無法抗拒嘅組合！一上枱，見到沾滿辣醬嘅八爪魚下層係芝士條，會連埋Gas爐一齊上，侍應會喺客人面前撈勻八爪魚同芝士，散發出香味！八爪魚外層好似有一層脆衣，肉質好彈牙，芝士好厚實份量好多，辣味好惹味、開胃，唔覺得特別濟！
香辣芝士八爪魚
1 views
0 likes
0 comments
香辣芝士八爪魚
0 views
0 likes
0 comments
Menu有介紹呢間餐廳嘅炸雞係韓國空運走地雞，肉質結實，用上二十幾種天然醃料，全手工製造，毫無懸念，一定要試吓啦！炸雞有四種口味：原味、大邱辣醬、蔥絲、蜜味乳酪，半半炸雞可以揀兩種口味，都係毫無懸念，揀咗大邱辣醬、蜜糖乳酪味，兩隻口味各有4件雞，包括雞鎚1件、雞全翼1件、雞胸2件，食落外皮真係脆得來好煙韌，成塊皮好連綿，醬汁食晒喺雞皮上，香口得嚟又好夠味，入面雞肉好嫩滑，仲好熱好Juicy! 大邱辣醬味都幾辣幾刺激、蜜味上面有蜜糖同糖粉，感覺會受女仔歡迎啲！
半半炸雞
1 views
0 likes
0 comments
半半炸雞
4 views
0 likes
0 comments
✔️蜜瓜沙冰$68
食香口嘢真係唔少得大杯飲品，呢個沙冰系列勁大杯，沙冰好幼細，朋友話蜜瓜味好清新，而家嘅天氣仲係好啱飲！
蜜瓜沙冰
1 views
0 likes
0 comments
✔️海鹽焦糖沙冰$68
都係好大杯好吸睛，上面有好大堆cream再加埋朱古力醬點綴。雖然係焦糖味，但唔會太甜，幾啱自己口味！
海鹽焦糖沙冰
2 views
0 likes
0 comments
✔️芒果雪冰$88
呢個雪冰甜品喺網上見到post已經好想試，總共有5種口味！雪冰好大個，適合兩個人食，個樣好靚好啱打卡！雪冰打得好幼細呈粉狀，要盡快食先食到粉末喺口腔融化成冰水嘅口感，好香芒果味又唔會死甜，上面有一球雪糕球，中間有芒果粒同椰果，增加咗成個甜品嘅口感！
芒果雪冰
1 views
0 likes
0 comments
Post
