霜瀛

Open Now

Now Closed

呢個月出bonus係值得對自己好啲，邀請埋屋企人嚟到上環蘇杭街食omakase。舖頭位於酒店3樓，有七至八個位沿着吧枱，另外後邊有間VIP房。晚餐有醐set 同醍 set 嘅選擇，主要分別係前者有四款刺身，sushi六件，後者有六款刺身。最後決定了醐set ，似乎都已經好夠食。刺身交碟魚好有印象，連埋魚皮同魚子一齊食好fresh好香口。另一種刺身有煙燻氣味既櫻花木鏗魚加紫菜甜醬，兩秒食晒。熟食有八爪魚，唔算係全熟，有少少生保持入口質感，上面有木之芽葉 refreshing。sushi包括北海道金綫鯛，葉血引魚，活赤貝，白蝦柚子汁同埋飄雪米鹽 toro。拖羅嘅粒鹽好正，鹽慢慢有融雪效果，睇咯已經唔捨得食。整體壽司好新鮮，活赤貝咬落仲有一絲絲彈牙嘅肉質。最後個湯係舞茸菇，全家人飽到捧住個肚好happy。