Video
Read full review
2021-10-04
67 views
一直book mark咗呢間台灣野好耐，終於有機會去試。雖然間野嘅位置真係有少少格攝，但係冇嘢可以左到我食台灣嘢！尤其是疫情期間特別掛住台灣同埋台灣食物🥲假期上到去需要等一兩張飛，等嘅位置唔通風但係再行前少少就已經有樓梯，焗嘅時候可以行出去透吓風，不過就自己承受嗌咗飛你聽唔到嘅風險^^等咗10分鐘倒終於入到去，入面環境唔算話好靚，人與人坐嘅空間亦都唔算隔好多，但係坐落都唔係好覺好迫。餐廳可以手寫落單或者電子落單，我就選擇咗手寫落單，店員好貼心會重複多一次你揀咗嘅食物，以免漏單，咁啱得咁橋店員真係睇漏咗一樣食物，我提示返佢，佢都即刻道歉，大家有講有笑。店員嘅態度都十分親切，令我好滿意呢度嘅服務👍🏻首先嚟到嘅係炸排骨便當套餐（午市套餐），有跟前菜，中間就加咗一份甜不辣。排骨有好多嚿，食落唔會好乾仲有少少脆，亦都感覺唔到落咗好多鬆肉粉。肉燥飯都不錯，肉燥同菇份量比例好好，亦都可以撈晒成個飯。而我其實喺香港第一次食甜不辣😂所以味道正唔正宗都不予置評。第二樣嚟到嘅係牛三寶麵，一上菜已經感覺到有少少震撼😂超級大碗，仲要係超好食！牛腱肉同牛肋條嘅口感差唔多，咁當然牛腱肉會再淋啲，無牙阿婆都食到，牛腱
假期上到去需要等一兩張飛，等嘅位置唔通風但係再行前少少就已經有樓梯，焗嘅時候可以行出去透吓風，不過就自己承受嗌咗飛你聽唔到嘅風險^^
等咗10分鐘倒終於入到去，入面環境唔算話好靚，人與人坐嘅空間亦都唔算隔好多，但係坐落都唔係好覺好迫。
餐廳可以手寫落單或者電子落單，我就選擇咗手寫落單，店員好貼心會重複多一次你揀咗嘅食物，以免漏單，咁啱得咁橋店員真係睇漏咗一樣食物，我提示返佢，佢都即刻道歉，大家有講有笑。店員嘅態度都十分親切，令我好滿意呢度嘅服務👍🏻
炸排骨便當
11 views
0 likes
0 comments
首先嚟到嘅係炸排骨便當套餐（午市套餐），有跟前菜，中間就加咗一份甜不辣。排骨有好多嚿，食落唔會好乾仲有少少脆，亦都感覺唔到落咗好多鬆肉粉。肉燥飯都不錯，肉燥同菇份量比例好好，亦都可以撈晒成個飯。而我其實喺香港第一次食甜不辣😂所以味道正唔正宗都不予置評。
牛三寶麵
$80
6 views
0 likes
0 comments
第二樣嚟到嘅係牛三寶麵，一上菜已經感覺到有少少震撼😂超級大碗，仲要係超好食！牛腱肉同牛肋條嘅口感差唔多，咁當然牛腱肉會再淋啲，無牙阿婆都食到，牛腱肉同埋牛肋條都有兩大塊，識落唔係話好重牛味，但係口感已經俾人一種享受嘅感覺。而牛筋都有一大條，食落感覺到好多骨膠原🥰仲有一舊大蘿蔔，不過蘿蔔好似浸咗好耐，色澤都好深，所以有少少鹹😂最貼心嘅係碗麵仲附上少少娃娃菜，喺食得咁多肉嘅同時食返啲菜平衡下。
起司肉鬆蛋捲餅
$40
5 views
0 likes
0 comments
最尾一樣嚟嘅係起司肉鬆蛋捲餅，一大條切開左四夠淋上唔同嘅汁，食唔出係咩味但係兩隻執夾埋一齊又好夾👍🏻蛋餅入面超足料，芝士丶肉鬆加埋蛋，性價比超級高！
總括而言，今次嗌嘅食物味道都十分之好，仲真係食到台灣嘅味道，每一樣野都超晒水準，食完真係會帶着微笑咁離開，同幾個月前食嘅「假台客」相比，簡直一間天堂一間地獄。希望日月堂長做長有，同路人都要一直撐大家💛至緊要係好好食！
Post
