韓松韓國料理 (Closed)

星期五晚要番公司開會，開完會大約八點…一行七人去咗韓松。八點都仲好多人，攞咗飛仔話下一張枱到我地。我地睇住嗰枱走，但反而無叫我地，仲俾咗其他人。於是行去問佢，佢話上面有枱…認真滴汗喎，有枱又唔叫客入。上到去，都係全滿…所以我地要搭枱…餐具好特別，用紙包住，一打開再放喺紙上面。七人各點一樣食物，叫咗炒粉絲、牛肉水冷麵、牛肉炒年糕、牛腩肉、薄切豬腩肉、牛舌同雞肉。仲有個蔬菜籃。個鐵板設計幾好，長方形向下斜，方便卸走啲油，而爐邊就抽油煙…前菜先到，有醬蓮藕、菠菜、大豆芽、泡菜、魚乾同炒菇。醬蓮藕好好食，蓮藕爽口又入味；魚乾同泡菜都唔差。前菜係可以refill ge, 但侍應態度不佳，口說會幫我地refill, 面上卻露出不悅嘅表情…當再次送上前菜時，其中一樣已沒有，個侍應連說兩次“薯仔無晒，薯仔無晒”，說罷就走咗…滴汗！食物是不錯的，調味同肉質都幾好…水冷麵冰凍又酸酸地，啲麵雖然容易黏在一起，但煙韌好味。炒粉絲不會太乾，又炒得入味。年糕軟糯，又有啲煙韌。整體食物質素好，可惜服務有進步空間。