Read full review
2024-01-28
759 views
一家四口+姐姐見到懷舊茶餐廳就入去試吓啦，點知真係得個外表，食物質數非常之平平無奇，直頭可以話差到難食….我叫左星洲炒米，顏色一睇已經唔靚，睇落重濕濕地唔夠乾身，食落去淡而無味，最差係蛋有蛋殼…食到吐返出嚟都見到….第一個已經好失望，第二個係老公叫咖喱牛脷飯，一嚟到顏色唔靚同埋個汁都好稀，老公一食就話淡到不得了冇咖喱味…佢同細仔一齊食話啲牛脷又韌，個汁又淡非常差…，姐姐叫嘅雞絲炒麵啲汁多到不得了都係稀嘅，炒麵得少少脆，由於汁太多麵都整到冧晒，但整體味道都係淡嘅唔好食…最後到大仔叫個焗海鮮炒飯最貴$148（未加一），但係阿仔都係食到中途竟然有蛋殼出現…埋單仲要+1 服務費總數$411，好似食垃圾一樣一啲質素都冇，老公食到一肚氣話唔明白點可以捱到70幾年？食物質素差到咁連一般茶餐廳都好食過佢….一定唔會再有下次😌由於食物一啲都唔好食，所以相都唔想影！
Post