Cambo ขุนทอง (The ONE)

每次經過都超多人等位嘅Cambo，今日早左少少難得唔使等，就同男朋友入左去食。之前都有食過，今次就試左之前無食既菜式。<活蝦刺身，$99>首先叫左個生蝦刺身，平時都鐘意食，不過無係而間食過。蝦都算新鮮，都爽，而且個汁唔會太辣，調味唔錯。<泰式炒通菜，$62>另外叫左個泰式通菜，而個基本上係食泰國野一定食既菜。通菜幾嫩，而且今次都無之前咁辣咁鹹，但係都好好味。<香茅烤豬頸肉，$76>我自己比較鐘意食豬頸肉，今次就試一試。呢個豬頸肉幾腍，香茅味唔算太重，岩哂我呢啲唔鍾意太重口味嘅人。配返個泰式辣醬惹味啲。<泰式炒粉，$72>最後叫左個炒金邊粉，炒得好乾身，不過唔係太酸，同平時食開酸少少有啲分別。最後食左四樣菜已經好夠飽，而且好滿足。