Video
Read full review
2022-05-19
198 views
.📍Outdark📍#饅頭去旺角 #饅頭食韓國菜其實小編一向唔係對韓國菜有特別大嘅興趣，今次去呢間餐廳主要係為咗慶祝朋友生日(she is a Korean food lover)，所以下面嘅食評大家可以斟酌參考下。------------------------------1️⃣ 香蒜蜜糖炸雞 ($178)炸雞係大件無骨雞件，外皮比坊間其他炸雞香脆，肉質都頗嫩滑😆， 但就唔算特別多汁；味道上感覺以蜜糖香甜為主導，蒜味都濃烈但感覺只係負責提供香味，炸雞嚟講我都係鍾意以鹹味為主嘅多啲；另外仲有大量薯條薯角，但呢點係我眼中反而係扣分位，因為薯仔成本真係好平，而佢哋又唔算炸得特別出色🥴，以呢個價錢嚟講，我寧願佢畀翻多啲炸雞我。◾評分：7.3/10------------------------------2️⃣ 辣炒豬肉 ($268)雖然價錢望落好似有啲進取，但其實呢大碟嘢份量可以比3-4人share，五花腩肉份量充足，唔會淨係得一堆蔥同芽菜呃秤🥺；因為底下有爐頭keep住加熱，所以食物溫度都好足夠，一直都有蔥香散發💕；最吸引人嘅當然係側邊嘅芝士，配上辣炒豬肉入面惹味嘅甜辣醬，除非芝士燶成煎餅，如果
📍Outdark📍#饅頭去旺角 #饅頭食韓國菜
其實小編一向唔係對韓國菜有特別大嘅興趣，今次去呢間餐廳主要係為咗慶祝朋友生日(she is a Korean food lover)，所以下面嘅食評大家可以斟酌參考下。
------------------------------
1️⃣ 香蒜蜜糖炸雞 ($178)
炸雞係大件無骨雞件，外皮比坊間其他炸雞香脆，肉質都頗嫩滑😆， 但就唔算特別多汁；味道上感覺以蜜糖香甜為主導，蒜味都濃烈但感覺只係負責提供香味，炸雞嚟講我都係鍾意以鹹味為主嘅多啲；另外仲有大量薯條薯角，但呢點係我眼中反而係扣分位，因為薯仔成本真係好平，而佢哋又唔算炸得特別出色🥴，以呢個價錢嚟講，我寧願佢畀翻多啲炸雞我。
◾評分：7.3/10
香蒜蜜糖炸雞
$178
35 views
0 likes
0 comments
------------------------------
2️⃣ 辣炒豬肉 ($268)
雖然價錢望落好似有啲進取，但其實呢大碟嘢份量可以比3-4人share，五花腩肉份量充足，唔會淨係得一堆蔥同芽菜呃秤🥺；因為底下有爐頭keep住加熱，所以食物溫度都好足夠，一直都有蔥香散發💕；最吸引人嘅當然係側邊嘅芝士，配上辣炒豬肉入面惹味嘅甜辣醬，除非芝士燶成煎餅，如果唔係都好難唔好食🙈；另外側邊仲有啲紫菜飯、泡菜同醃蘿蔔。整體嚟講我覺得可以一試。
◾評分：7.8/10
辣炒豬肉
$268
33 views
0 likes
0 comments
------------------------------
🔸整體評分：7.6/10
🔸小編回頭率：7/10
Post
