Video
Read full review
2013-08-28
21 views
啱啱喺會展睇完新城音樂會, BB話既然過左海, 就不如試下呢間近日紅爆既一蘭拉麵。諗住都成夜晚11點, 應該會少人D掛.......去到門口見到條人龍, 都好似唔係好長啫....點知諗住排隊時, 有一蘭職員走過黎話, 呢度唔隊尾, 要行到去街尾果度先係隊尾 ...唔係呀化~!街尾? 我望都望唔到喎....原來中間有地舖裝修緊要整機器, 為左條人龍唔好阻住人做野, 條隊被迫斷開兩節, 幸好亦有一蘭職員維持秩序,防止有人在兩節隊中插入。唉~原來我地算漏左今日係Happy Friday , 星期五晚就梗係多人出黎玩...一場黎到, 咁夜又唔知轉咩場好...唯有等下啦.........(當然係愈等愈後悔唔一早走)等左一個鐘, 終於由尾節龍, 跳升到頭節龍。升上頭節龍時, 一蘭職員派左兩張飛仔俾我隊,,,都係用黎防止人插隊架喇,,,張飛仔又細張又冇號碼, 即係又要繼續企喺度等。最後差不多用左兩個鐘頭既時間, 先入到坐。入到去見到好多吉位 , 仲乜咁多位都唔拿拿聲叫人入黎坐...原來佢地人手唔夠,叫唔切,,,所以D人要喺出面等咁耐, 唔怪得條龍郁得咁慢啦。一坐低, 就覺得冷氣唔夠凍, 我地喺出
去到門口見到條人龍, 都好似唔係好長啫....點知諗住排隊時, 有一蘭職員走過黎話, 呢度唔隊尾, 要行到去街尾果度先係隊尾 ...唔係呀化~!街尾? 我望都望唔到喎....原來中間有地舖裝修緊要整機器, 為左條人龍唔好阻住人做野, 條隊被迫斷開兩節, 幸好亦有一蘭職員維持秩序,防止有人在兩節隊中插入。
唉~原來我地算漏左今日係Happy Friday , 星期五晚就梗係多人出黎玩...一場黎到, 咁夜又唔知轉咩場好...唯有等下啦.........(當然係愈等愈後悔唔一早走)
等左一個鐘, 終於由尾節龍, 跳升到頭節龍。升上頭節龍時, 一蘭職員派左兩張飛仔俾我隊,,,都係用黎防止人插隊架喇,,,張飛仔又細張又冇號碼, 即係又要繼續企喺度等。
最後差不多用左兩個鐘頭既時間, 先入到坐。入到去見到好多吉位 , 仲乜咁多位都唔拿拿聲叫人入黎坐...原來佢地人手唔夠,叫唔切,,,所以D人要喺出面等咁耐, 唔怪得條龍郁得咁慢啦。一坐低, 就覺得冷氣唔夠凍, 我地喺出面企左兩粒鐘, 入到黎冷氣唔夠, 仲要俾D射燈射住,,,死得!
即刻開佢個水龍頭飲返幾杯凍水降下溫先~
呢度得一款麵揀, 咁例牌都係叫佢個出晒名豚骨拉麵啦~~~BB話排左咁耐, 個麵梗係要加半個麵底, 加一個麵就$19, 加半個麵$15 ~~我呢D咁精打細算既GF 就梗係叫BB加足一個麵底,兩個share 食咪得囉~分甘同味仲sweet 呀~~另外, 我加左隻鹽水半熟蛋。張order 紙可以俾客人根據自己既口味去揀, 我揀左: 濃度-超濃 , 油膩度-普通, 軟硬度-普通, 秘製醬汁-普通, 再要1分香蒜 , 加白蔥, 叉燒梗係要啦...傻架咩,仲問要唔要...唔要咪乜餸都冇。
等左一段時間...個麵終於黎喇~~~即刻影張相先!
第一, 飲啖湯先, 真係好濃,但飲得太多會覺得咸， 雖然油膩度揀左普通 , 但都有少少油膩。第二, 咬下個麵, 個麵都冇乜特別啦, 軟硬可以自己揀。
第三, 試下個秘製醬汁, 應該係中間紅色果劈醬, 辣辣地都幾夾味,,,奈何本人食辣程度低, 覺得愈食愈辣
第四, 試叉燒, 得兩片咁少,仲要咁薄,,,D叉燒好瘦, 咁佢又唔鞋唔un既, 不過唔夠淋囉
第五, 試下個鹽水半熟蛋, 我用筷子將蛋cut 開一半, 見到裡面個黃溶溶地~賣相相當吸引 , 一咬落去軟綿綿, 口感不錯, 原來係凍既, 同埋食唔到有鹽水味,不過$12隻蛋都幾貴。
整體黎講係好食既, 但唔值得排咁耐, 除非唔駛排隊, 否則都唔會再食。
Other Info. :
好食係好食, 但唔值得等咁耐, 又唔派籌, 想行開一陣都唔得, 加上天氣又熱, 企喺條街一陣都出晒汗啦。搞到身水身汗先食碗麵, 真係乜野mood 都冇晒。我寧願食一風堂, 味道也很不錯, 起碼會派籌, 就算行開左睇下野都得, 如果張籌就到你, 仲會有電話提示。
(The above review is the personal opinion of a user which does not represent OpenRice's point of view.)
Post
