La Parrilla Steakhouse

難得同朋友去中環食lunch,我地揀左啲未試過嘅阿根廷菜，餐廳係樓上舖頭，窗邊高枱位置可以望到街景，幾寫意，我同朋友想涼下冷氣坐左室內，店員有禮招待，我地都快落左order👍🏻🥢餐前麵包好喜歡有啲芝士味道食落口感好好嘅麵包👍🏻🥢Steak Tartare牛肉他他整得好精緻，頭盤黎講，性價比十分高，好足料，食落味道層次分明，洋蔥味道好均勻，每一啖都會有肉同蔥，而且啲香蔥帶到牛肉嘅鮮味，一啲都唔鹹 ，調味啱啱好，值101分！🥢sweet corn soup 🌽 粟米湯好香濃，口感好smooth又夠creamy😋🥢Dry Aged Beef Burguer喜歡Burguer擺盤好簡潔，味道同樣好驚喜，問左店員Burguer包同肉都係Homemade💯 Burguer包食落好soft,表皮夠脆，牛肉外層煎得好香脆，脆嘅程度好似飯焦咁但又唔會乾，仲係好juicy，食得岀唔係冰鮮肉，又係101分！🥢Grilled Spatchcock Chicken烤雞有半隻，燒得好靚，面頭醬汁個蒜香味好惹味，雞肉好嫩滑，連雞胸位置都好滑，好味道呢！整體黎講我同朋友都係一邊食一邊讚，驚喜午餐👍🏻💯