三點三冰室

Open Now

Now Closed

今日同太太又去咗AIRSIDE 嗰度行街，一心諗住食麥記🍟，點知見到間冰室，望落去店內環境十分乾淨企理🥰，座位闊落舒適，而且價錢合理，一於去試下先😆。西冷牛扒餐 $128西冷🥩大件又厚身，熟成度剛好🥰，表面焦香，肉質軟腍無筋😋。餐湯日式粟米湯 - 味道清香味甜，有陣陣粟米香味🌽。伴菜焗薯 - 焗薯🥔好大隻，薯味香甜口感粉糯，再配上酸忌廉醬，更加好食😋。雪糕紅豆冰 (+$21)跟餐特飲半價紅豆冰甜度剛好，紅豆🫘比例多，加上雪糕，感覺非常冰涼透心，配熱辣辣的鐵板餐，真係絕配😍。妙齡乳鴿 $62乳鴿🐦醃得入味，表皮燒得乾身香口，口感嫩滑有肉汁🥰，冰室都可以出到燒味店的水準😍。瑞士雞翼 $62瑞士汁味道香甜，雞翼🐓煮得入味，肉質軟腍😋。南洋喇沙 $75油麵底配喇沙湯🍜，湯底微辣帶陣陣椰香味😍，配料足有爽滑蝦仁、豆卜、熟蛋及芽菜🥰。除咗麥記外🍟，估唔到AIRSIDE都有平靚正嘅選擇😍。