La Kaffa (Closed)

想出去食個brunch，但又唔想行咁遠，所以就去左嘉湖銀座呢間cafe 試下，我都個朋友都食佢既all day breakfast. 叫左一個皇室班尼迪蛋餐同一個火腿芝士鄉村旅館餐。朋友飲hot latte，我飲hokkaido chocolate。朋友話食班尼迪蛋最基本係要d 蛋要流少少出黎，佢話呢個有流出黎，合格！ 而個latte 佢就話普通，但都算好飲既！ 我見到佢個拉花都幾靚既，係有心機。而呢個火腿芝士鄉村旅館餐我覺得都幾好食，份量幾多，如果食brunch 都好飽。個奄列好食，d 野食又唔會好咸。 而個凍朱古力好好飲呀！本身我都好中意飲朱古力，但好似少飲到d 好好好好飲既，我覺得呢個係幾好飲既！如果要係元朗食all day breakfast 起碼都要around 100 蚊，所以我覺得呢個價錢食呢個餐係合理既。另外，呢間店係好似快餐店咁，要自己買野食，之後d 店員先會拎野食俾你既。我覺得都方便既，而d 店員都有善的。下次會試下其他野！