影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
相關文章
好耐都無見住藍田既姨媽，探完佢之後一於試下附近既中式小菜，見外面咁多人排隊，一定唔會錯的！2人套餐足料老火湯（⭐⭐⭐⭐💢）而家食咩都咁貴，難得$300有找食到3餸1湯，真係好抵呀！老火湯十分足料，入面有雞腳、肉粒、瓜，經過多個鐘既老火烹調，所有湯料既味道都滲晒入個湯入面。除左十分清甜之外，一D都唔覺得有味精味，可見餐廳既用心製作。大壹叉燒皇拼玫瑰鼓油雞（⭐⭐⭐⭐⭐）燒味相信大家都一定食過，但好味既真係唔容易找到，但呢間餐廳既燒味就值得推薦！叉燒外面燒得十分香口，上菜時仲食到香脆既焦邊口感，但肉質卻完全唔鞋口，反而十分鬆軟，加上半肥瘦比例，食極唔停。至於油雞，十分多肉，唔會雞骨仲多過肉，雞肉亦都好嫩滑，配上豉油既特有香味，十分好食。燒汁薯仔牛柳粒（⭐⭐⭐⭐⭐）薯仔牛柳粒都係好多人既至愛，但好多時唔係只有十分少既牛柳，就係牛肉太咸又或者太乾。但餐廳就完全無呢個問題，一上碟已經見到好多牛柳，係食肉獸既福音！另外，肉質十分鬆軟，唔會鞋口，每啖都食到香濃牛味。另外要讚係餐廳既調味，好有中式港式既味道，鑊氣香氣爆棚！野菌娃娃菜魚湯浸魚肚（⭐⭐⭐⭐⭐）食左咁多肉，當然要食返D蔬菜平衡下啦，天氣咁乾燥，有呢味魚湯蔬菜魚肚，見到都覺得夠晒養生又滋陰。魚湯十分清甜，加埋娃娃菜煮，有晒魚香同埋菜既甜味。另外魚肚浸係呢個魚菜湯底，浸既濃湯既鮮味，即刻為呢餐中和既所有油膩感，大滿足。~~~~~~~~~~~~~~~~~~~~~~~~~~大壹燒鵝 (啟田大廈) 藍田啟田道51-67號啟田大廈地下1A, 2-4及6A號舖👍出色味道👍地點方便👍環境舒適
繼續閱讀
$65頹飯，燒鵝炭燒雙拼飯，叉燒叫咗半肥瘦叉，出邊一層焦香，入邊好嫩，個燒鵝皮超級脆，跟住個肉多汁，個飯硬咗啲，跟住仲會有少少酸菜完全頹飯，如果想要菜嘅話呢要另外叫，加多$10可以有老火湯。個燒鵝皮超級好食。
繼續閱讀
平時放飯時間都會經過呢一間餐廳。每次都會畀佢嘅下午茶餐牌吸引咗。專買燒味。大逢大節都會見到一條長龍排隊買燒味，非常多人。48蚊連嘢飲，真係非常之抵，CP值極高！！！最好食嘅就係佢嘅大壹炒飯，將燒鵝切碎做一粒粒，再擺啲九層塔落去炒。非常之惹味。每次食下午茶都一定會叫大壹炒飯而且非常之出名，係附近打工仔嘅首選。而去其他嘅燒味都非常之出色，叉燒唔係用梅頭，而係好創新咁樣用咗五花腩位。食落油甘帶香，而且非常軟糯。
繼續閱讀
位於藍田啟田商場對面啟田有時租停車場 🅿️ 方便揸車嘅人士店內卡位闊落亦有大圓枱今日叫咗二人餐$298 餐牌上有好多小菜選擇👍🏽 二人餐無加一服務費 另外包咗二個飯，兩碗老火例湯，今日係飲西洋菜湯消暑降溫，幾好飲🔶蕃茄蛋炒牛肉酸酸甜甜好惹味送飯一流 🥳 蛋滑牛肉質地唔錯🔶啫啫雞煲配有豬潤，呢個菜第二次食超好食豬潤啱啱好，一啲都唔乾，雞就小咗d但二人用ok he 🔶紅酒燴牛尾 牛肉嫩滑 清甜 幾個餸食完唔會好口渴，
繼續閱讀
收工買外賣返屋企，見到評分好似唔錯，諗住試吓，點知瀨咗嘢啊！列牌叉燒，油雞外賣，食左兩舊叉燒無奈放棄了，未食過咁難食嘅！！！早知大家樂好過了！真是唔知d評分點來嘅！
繼續閱讀
您可能會有興趣的...