大漠 (已結業)

羊鞍常見於西餐之中 但做法變化不大想要專注吃一頓羊羊羊 可以選擇的餐廳實在不多這一家是小數當中 評價與人氣不錯的店店子小小 地方淺窄 燈光暗淡二人分到一張小桌子食物還沒來 餐具已佔去一半說實話這裡不是坐着舒服的地方不至於急着吃完走人 還是會慢慢用餐但是吃飽了不會多待想要舒舒服服跟別人談天說地 還是飯後另覓地方吧菜單以富有民族色彩的布包覆店子雖小 但菜式非常多豬雞牛羊鴨海鮮蔬菜變換着烹調方式做出五花八門的菜很適合一大班朋友來吃 【如果不怕迫的話..........清真青椒土豆絲兩個人只能容下兩盤羊 可是只有肉未免太膩點了土豆絲作為緩衝 選這個實在是經驗所致之前兩次到訪 點葉菜類的都是味道怪怪這次就覺得土豆最安全果然失敗乃成功之母 這次點對了土豆絲酸酸辣辣 酸是咸酸菜的味兒非常對我的胃口 輕輕的辣吃起來更惹味土豆絲爽口帶些微汁液 正好緩解過度吃肉的膩鎮店清真古法極品燒羊鞍之前兩次到來都點上這個 兩次也覺得非常好吃然而其他菜式不怎麼樣所以這次決心以吃羊為主 不受其他肉類海鮮誘惑滿懷決心卻換來滿腔失望羊鞍肉太厚又硬 咬起來費勁羊膻味極少 以燒的作法還要不香整體質素低下 實在配不上“鎮店”一詞！

同個食家frd成日周圍食食勻哂油尖旺啲餐廳, 佢今次帶我去啲山卡啦少少既呢間係土瓜灣食新疆菜, 第一次食都幾期待, 聽講啲羊架係招牌菜, 咁一定要試下一坐底睇睇個menu, 真係成份餐牌都係羊咁濟, 我地就嗌左個羊架, pizza 同個炒飯一黎個pizza有啲失望, 同普通係西餐廳食既無乜分別, 只係煙肉變左羊肉咁解個炒飯都普普通通, 冇咩好講個羊架最後先到, 廚房一整好未拎到埋黎已經聞到陣膻味, 最意食羊既朋友一定覺得正, 食落口都幾juciy, 啲膻味唔多唔少, 拿捏得幾好, 中意食羊既朋友一定覺得正

家人喜歡食羊，所以二佬帶隊到大漠食羊羊，入到餐廳，乾淨，地方不大，服務也不錯，開始點菜！燒羊鞍，飯友推介，真心贊！真系必吃之選！羊肋骨，帶點羊 “so” 味，正！羊 Pizza，冇羊味，冇驚喜羊肉面，好大一碗，味道 ok 羊肉串，有孜然粉（有辣有唔辣）有大漠風味羊奶布甸，重奶味，但又冇“so”味，其怪，本人不喜全羊宴，真的不錯！

依到既裝修同平時D餐廳有好大分別,無咩香港既味道,食起上黎可能有D風味喇至於依到既食物選擇都比較多，頭盤就要左依到哈蜜瓜配老虎菜沙律，估佢唔到,非常咁新鮮，好甜既哈蜜瓜加埋依個爽口老虎菜，好夾又夠哂醒胃。食得新疆菜點可以唔叫羊呢，佢依到既燒羊鞍燒七成熟左右，肉質可以保持鮮嫩之外仲幾軟嫁,仲有保留D好多肉汁。至於羊肉串燒都好好食,表面燶燶地，內裏既肉汁好多,又無咩膻味以手抓酥餅配以羊肉，手抓餅既餡料真係爆哂, 有羊肉, 果仁, 花生, 提子乾, 香料, 外表已經夠哂吸引, 食起上黎好有難度, 因為皮身做得好薄同埋比較易變形, 餡料拎起上手個陣有機會出哂黎,但味道口感都唔錯, 有果仁花生的脆, 同時又有羊肉煙韌, 口感夠哂特別,好味道。 

呢晚同朋友黎食晚餐。以前只係食過大漠好抵食的 set lunch, 味道不差，但說不上大驚喜。今次特意黎試晚市，菜式比起 set lunch 更精彩同有特色！大約七點三到，因而訂左位所以唔使等。我地叫左酸奶，羊肉粉絲湯，燒羊鞍和羊肉炒飯。每張枱都有一個餐前小食。是一小碟白菜仔，用芝麻和麻油醃過，蔬菜爽口，麻油香剛好不會「醃過龍」。我一向唔鐘意食餐廳的醃製小食，但呢個我就幾鐘意，因為感覺清新健康唔會過鹹  之後到酸奶。本來以為好似印度餐廳個 d 乳酪飲品咁，但佢係一碗上的，好細碗。  不過佢比較稠身，入面加左好多提子乾和 nuts，食一口已經有滿足的感覺   兩個人分住食其實都夠呢~羊肉粉絲湯的羊羶味最重，可能因為羊的精華都濃縮哂係湯入面啦~羊肉粉絲蘿蔔蔔絲芫茜，口感好豐富 最好食係燒羊鞍。羊肉外層燒得好香脆，肉汁仍然鎖係羊肉入面，夠 juicy   侍應會送上黃薑粉和一種辣粉畀你自己調味，不過我地都係鍾意齋食多 d ~羊肉飯除左紅黃椒同羊肉外，重落左提子乾。飯粒夠乾夠分明。有時食食下食到甜味感覺跟在吃菠蘿炒飯差不多呢~計埋加一，呢餐總共食左 $357。雖說不上便宜，但味道不錯

雖然未到過北彊旅行，但卻被北彊的大漠風情及獨特的草原文化深深地吸引著；偶然也會喜歡到一些有民族特色的餐廳透過食物感受一下當地的文化。今天就來到一間在香港位於土瓜灣頗受歡迎的新疆菜餐廳，大漠。大漠的裝修帶有濃濃關外的味道。木材板鑲在牆上，吊著葫蘆，仿農作物等；陰黃的燈光打在掛牆上的毛毯上，感覺有如草原上牧民的木寨！餐廳的食物選擇眾多，頭盤試了哈蜜瓜配老虎菜沙律，非常fresh，甜美的哈蜜瓜配上爽口老虎菜，味道醒胃。然後點了酸帶微辣的炒土豆絲，很香很滋味。新疆菜當然少不了羊，燒羊鞍烤至七成熟，肉質保持鮮嫩軟腍之餘也保留有豐富肉汁。羊肉串燒至表面微焦，以表面封著內裏肉汁；伴以孜然粉作調味，沒有羊膻味也倍增羊肉的美味。最後點了酥餅，以手抓酥餅配以羊肉，一樂也！店內更有新疆啤酒供應，很特別呢！喜歡民族特色美味的你們可以來一試喔！

如題一出，小弟嗜羊至極！大漠，每年都黎三四次，羊架就一定要叫！每次黎到，介紹唔同既朋友黎食，個個都好滿意。不論係環境，食物同服務，大家都覺得非常好！我個人最喜歡手抓羊、羊叉燒同羊架。一提羊肉湯入面既羊好嫩，有朋友開頭擔心太羶，但出黎唔太羶又岩朋友口味，到最後來到一份羊奶凍，女性朋友們特別喜歡。

因為訂位關係，一行四人無需等位。首先試油酥餅，好厚身但一D都唔油，好味。主菜係羊肉拉麵、羊肉串同招牌羊鞍，全都完全無羶味，非常讚餐廳環境氣氛好，好適合朋友聚會，每樣食物都食得出心機，一定會再去。

極品燒羊鞍餐 (跟飯) $98(好食指數: 7/10)13-11-2013天氣轉涼最中意就係食羊暖下肚。每個午市套餐都包是日餐湯，飲品同羊奶凍。餐湯其實係忌廉湯咁不過帶少少羊味。呢個極品羊鞍無咩羶味，因為佢個汁蓋過哂佢本身既味道，但係肉質ok。什錦羊肉大碗湯麵 $75(好食指數:7.5/10)13-11-2013呢款湯麵真係好大碗！有4塊羊肉擺左係面，皮炸得好脆，好彩無浸到落d湯度。香料醃得好香口好入味，皮同肉融為一體，羊肉反而比較羊鞍更有羶味。麵同湯底不過不失，不過都滲透哂羊肉既味道。羊奶凍 (跟餐)(好食指數:7/10)13-11-2013可能食左太多羶味，呢個羊奶凍就真係食唔出羊奶味，同普通牛奶凍差唔多，只係奶味較淡，不過甜度補救。晚市套餐有$270位，係食全羊宴，我地就未試過，不過喜羊既灰太狼們可一試。

好想試大漠好耐啦！但係有d朋友唔食羊怕"騷"，好難得先搵到腳，鋪位都幾細下，以防無位最好先訂位，我地訂6:30pm係第二檯，坐左陣已經爆滿囉。今次食完之後，食唔到羊的朋友都話呢度d羊唔"騷"仲好好味添。一定要試羊架，好juice好味，大家都認為蒙牛仲"騷"過羊，炒紫椰菜好正，最後黎一個桂花羊奶凍超完美！可以下次多d人去訂埋羊脾。

個人好鐘意食羊,  什麼羊腩煲, 羊架, 羊串, 羊肉片.... 都係心頭好! 可惜身邊朋友及女友都係抗羊之士, 慶幸家人同我一樣都係同一陣線, 剛巧屋企有飯局, 一直有留意的"大漠"終於可以起行一會!在店門口已經飄來陣陣的羊羶味, 一入店這味道更加濃烈. 同行的女友面色亦變得有點意外, 因未有想到味道會勁成咁. 一行5人, 時間尚早, 坐了埋邊的圓枱. 打開餐牌, 都點了一些推介的食物, 裡面裝潢有點異國風情, 弄得像內地的食店, 只係侍應未有穿上什麼少數民族的受飾. 這裡燈光昏暗, 份外有格調, 正正配合主題, 來自"大漠"這股神秘感吧!這2款調味粉跟烤肉, 串燒這類食品係絕配. 手抓餅我只能用滿瀉來形容, 載滿了餡料, 包括羊肉, 果仁, 花生, 提子乾, 香料, 再插兩條菜作一個點綴. 外表吸引, 但進食就有點難度, 因為皮身易穿及易變形, 餡料會因拎起時瀉出, 所以有點尷尬, 但味道口感都唔錯, 有果仁花生的脆, 同時有羊肉提子乾的煙韌, 不錯的配搭!萬眾期待的燒羊鞍, 唔知係未太期待??? 羊鞍燒得唔夠勁有點生??? 還是我地仲未真正欣賞羊羶味??? 點鮮味道會騷得成咁??

一向好鍾意食羊，朋友推介這家餐廳，一向認為土瓜灣好吃的餐廳不多，但這家卻令人喜出望外...假日去要訂位..試了鎮店古法羊胺，有四件，調味恰到好處，但只有四份不太夠喉..另外食了粉絲羊肉湯、炒紫椰菜、羊肉卷、孜然牛肉、甜山芋內粉絲羊肉湯做得好好，有好香的羊肉味、不會太"穌"，羊肉粒好軟，加左D芹菜，帶出羊的香味...第一次咁食紫椰菜，清清地，提子配合椰菜，好食..甜山芋有D 驚喜...孜然牛肉，我覺得孜然都係配羊肉好D仲有新疆啤酒加戰鬥碗，配羊肉，一流！會再幫襯，仲有好多菜式想試...

好多地方食完想SHARE下~~~ 可惜今個星期忙左D, 要追番D時間補番D食評先得~~   預早定左黎呢到食飯, 慶祝朋友生日~  打黎預約先知分兩段時間, 一係BOOK6:00, 一係8:30.我地都住得唔近土瓜灣, 所以BOOK 早D, 食6:00~第一次食"新彊菜", 新疆菜以清真菜系為主，大多數吃牛羊肉，多數用爆、烤、涮、燒、醬、扒、蒸的制作方法~~~入到去, 店員會放低D水,前菜 & MENU 比你~~~前菜, "凍既白菜仔加左芝麻",  (一張枱有一碟仔~) 凍白菜仔爽口, 味道沒有特別, 無特別處理過的~我地今次4個人食, 叫左4款, 再加甜品同飲品~ 試左幾款, 最好食得呢樣!!  鎮店清真古法極品燒羊鞍 $158 (4件) "我的心水推介"咬一下, 外脆內軟, 羊肉仲係粉嫩既~~ 羊鞍算幾厚, 羊肉唔會羶!店員會比埋香料粉你, "香料粉"按自己喜好加, 上層唔辣既, 下層係辣既~ 辣個隻幾辣下, 大家慢慢加, 唔好一次加太多~加同唔加香料粉都好食~ (我試第一口係唔加香料粉, 第二口先加) 烏魯木齊古法炒紫椰菜 ($55), 估唔到加左D提子乾去炒~ 椰

一直都鍾意特色菜, 新彊四川雲南等絕對係我杯茶, 今次同好友晚餐, 決定遠少少去到土瓜灣尋羊.餐廳唔算大,環境都幾有特色,不過實在燈光太暗,d相都影得麻麻. 而我地坐既位對正風口, 成晚都唔係好感受到熱騰騰既食物溫度.入正題嘞. 我地order左2人餐, 有羊肉湯, 大漠高湯燴阿魏菇, 古法炒紫椰菜, 孜然香烤羊肋排, 羊奶凍, 十分豐富!大漠高湯燴阿魏菇:有ｄ似中式酒樓口味，菇身厚，好彈牙同入味。古法炒紫椰菜：好香蒜味，唔太油膩，不過本身呢種菜偏硬，要幾用力咬，份量幾多，飽！羊奶凍：好like奶味，呢個奶凍好ｏｋ，好滑味道非常濃。羊肉湯：羊肉放湯反而最保存羊味，全晚其他食物都較乾身，有呢個湯可以中和下。大漠羊鬆手抓卷：唔太食到羊，有好多其他蔬菜之類，個餅身幾厚，但又唔太大塊，唔係好包到曬ｄ材料，食到有ｄ狼狽。孜然香烤羊肋排：令人期待的菜色，賣相ok,香脆可口但就稍為乾身左, 有羊味但唔重, 反而孜然粉味極濃, 略咸, 講真有少少失望.下次如果人多可以試羊腿或羊肉崩沙腩.服務ｏｋ，不過店舖較細，客人講野同侍應拉櫈（ｄ櫈係好重嗰隻）都幾嘈同騷擾。總結：貪新鮮既好羊一族可以去試

襯著友人駕車，來到土瓜灣一試新彊菜。印象中在香港還沒有嚐過打正旗號的新彊菜色，今天正好試試。晚上九時一刻來到舖前，店員卻告知十點正關門，九點半Last Order，一場來到的我們當然沒有放棄，立刻進內點菜。入內才發覺店中環境頗有特色，牆上掛上幾張新彊花紋地毯，燈光也刻意調得昏暗，有點深圳"大灰狼"餐館的影子。想不到此食店帶來的第一驚喜是竟然有提供比利時的修道院啤酒 Trappistes Rochefort 10，此啤酒曾進入一著名啤酒評價網站世界前十名的啤酒排行，在香港極難找到，想不到在這裡竟然可以尋到寶!Trappistes Rochefort 10 ($54) 的酒精度是驚人的11.3%，味道飽滿複雜，入口有葡萄乾，無花果和朱古力等香氣，餘韻更是馥郁，焦糖味帶甘，良久不散，可試。另外這新彊黑啤($38)味道清淡，欠缺了黑啤應有的大麥香氣，令人失望。清真鮮羊肉粉絲湯($58)端上便聞到陣陣羊肉香，湯底羊肉味濃但清澈。餸料也多，羊肉雖煮湯但不覺硬，肉質嫩滑，味美，可試。孜然香烤羊肋排($118)友人和我的第一感覺是在吃KFC的炸雞。羊肋排烤得酥脆香口，孜然味濃，香氣迫人，烤過的羊肉也不