更多
2017-03-05
956 瀏覽
難得搵到間幾特別既餐廳,有人話係新彊菜;有人話係蒙古菜,但我覺得都只係一間普通既餐廳,但主打食羊而且。網上見到好多人都話星期六食要訂位,如果唔係有掛等,咁我星期六晏晝搵到呢間餐廳,即興去食,即管打個電話去睇下好唔好彩有位,點知又畀我訂到我訂左19:30,去到見到零零丁丁有幾枱客,門口坐左一枱十個人。去到之後因為仲未有位,所以出返門口等位,點知咁啱有兩對情侶walk-in,都有位畀佢,原來都唔係好多人黎食姐。一早睇左食評有好多都叫二人餐,但本人就唔係對個二人餐全部菜式都好感興趣。於是散叫左4樣野。落左單之後唔使等5分鐘,第一道菜就黎到喇。呢兩串野其實要七十幾蚊真係唔抵食,食落無羊肉味,唔知食緊牛定羊,而且好似炸過黎。睇相好似好大串,其實好細串。多過同食街邊啲串燒兩舊到啦!!第二道菜:呢碗麵啲麵好似759果啲關廟麵,啲湯一啲羊味都無。個湯同啲配菜好似羅宋湯咁,如果你唔講呢碗係羊骨濃湯,我以為係淡味版既羅宋湯肉麵。係呀,肉麵呀,我無打漏字,所謂既羊肉,好似"那"過咁,一啲羊味都無。店家好貼心,每枱都會提供一大盒孜然粉同埋辣粉,如果想令自己覺得似食緊羊,可以落幾匙孜然粉落去。我就落左5匙落去,
網上見到好多人都話星期六食要訂位,如果唔係有掛等,咁我星期六晏晝搵到呢間餐廳,即興去食,即管打個電話去睇下好唔好彩有位,點知又畀我訂到
我訂左19:30,去到見到零零丁丁有幾枱客,門口坐左一枱十個人。去到之後因為仲未有位,所以出返門口等位,點知咁啱有兩對情侶walk-in,都有位畀佢,原來都唔係好多人黎食姐。
一早睇左食評有好多都叫二人餐,但本人就唔係對個二人餐全部菜式都好感興趣。於是散叫左4樣野。
落左單之後唔使等5分鐘,第一道菜就黎到喇。
$73
32 瀏覽
0 讚好
0 留言
第二道菜:
$77
31 瀏覽
0 讚好
0 留言
店家好貼心,每枱都會提供一大盒孜然粉同埋辣粉,如果想令自己覺得似食緊羊,可以落幾匙孜然粉落去。我就落左5匙落去,即刻覺得羊味重左呢碗麵可以話係失敗,食碗沙嗲牛麵都有啲牛味吖大佬。
第三道菜:
$29
23 瀏覽
0 讚好
0 留言
第四道菜等左好耐,都差唔多第左25分鐘
$175
32 瀏覽
0 讚好
0 留言
啲肉質好冧,今次無"那"過,而羊鞍果舊羊油真係好正。但我好奇一間,"清真"、"古法"去左邊呢?
總括黎講,如果你為左食羊而黎,唔去都罷。如果要食羊,我諗食西餐果啲羊架仲好食,係差在無孜然粉姐。感覺上佢地只係用孜然粉加落啲羊度,再加"新彊"、"蒙古"、"清真"、"古法"等字眼令道菜昇華左。
而店主每枱提供一大盒孜然粉,令客人可以自己調校羊羶味既輕重。
餐廳的設計有人話似大漠,但我覺得成間野都無咩大漠feel,而且好陰暗,可能令人覺得似蒙古包啲光暗掛。我訂左枱就被安排坐係門口位,walk-in就係可以入內坐,而門口位好似臨時搭建咁,有人出有人都幾影響進餐。仲有,究竟我係食新彊菜?蒙古菜?定清真菜?希望店家認真理解三者分別...
張貼