大漠 (已結業)

難得搵到間幾特別既餐廳，有人話係新彊菜；有人話係蒙古菜，但我覺得都只係一間普通既餐廳，但主打食羊而且。網上見到好多人都話星期六食要訂位，如果唔係有掛等，咁我星期六晏晝搵到呢間餐廳，即興去食，即管打個電話去睇下好唔好彩有位，點知又畀我訂到我訂左19:30，去到見到零零丁丁有幾枱客，門口坐左一枱十個人。去到之後因為仲未有位，所以出返門口等位，點知咁啱有兩對情侶walk-in，都有位畀佢，原來都唔係好多人黎食姐。一早睇左食評有好多都叫二人餐，但本人就唔係對個二人餐全部菜式都好感興趣。於是散叫左4樣野。落左單之後唔使等5分鐘，第一道菜就黎到喇。呢兩串野其實要七十幾蚊真係唔抵食，食落無羊肉味，唔知食緊牛定羊，而且好似炸過黎。睇相好似好大串，其實好細串。多過同食街邊啲串燒兩舊到啦!!第二道菜：呢碗麵啲麵好似759果啲關廟麵，啲湯一啲羊味都無。個湯同啲配菜好似羅宋湯咁，如果你唔講呢碗係羊骨濃湯，我以為係淡味版既羅宋湯肉麵。係呀，肉麵呀，我無打漏字，所謂既羊肉，好似"那"過咁，一啲羊味都無。店家好貼心，每枱都會提供一大盒孜然粉同埋辣粉，如果想令自己覺得似食緊羊，可以落幾匙孜然粉落去。我就落左5匙落去，

朋支生日，大家想食啲另類野，所以有人提議不如去食蒙古菜。雖然土瓜灣，有點遠，但因為大家都想試，所以唔介意遠少少。餐廳好暗下，我地被安排坐門口位，啲燈光好黃。叫左個特色羊奶，入面有啲果仁及提子乾，奶羶味重，似食開的乳酪，但質感好稀，我覺得麻麻。所以另點左個玫瑰特飲，入面有朵發光玫瑰閃閃下，大大杯，味道似梳打，除左個發光玫瑰閃閃下，都無乜特別。個羊肉烤餅，質感幾厚，有羊肉碎伴食，不錯，而且個餅軟熟，做得幾好。叫左個湯面，份量算好多，面頭有好多蔬菜，有啲肉，個麵底好爽幾彈牙，但都係唔覺得特別驚喜，或者我地叫啲大路野，所以食唔出真味。不過整體麻麻。個炒飯都係平平無奇，加上燈光太黃，影都影得興致缺缺。我地自帶蛋糕，所以要額外收切餅費

周六未到七點已經座冇虛席，唔訂位就要排隊了。餐廳裝修很有大漠的感覺，以土色為主，再有數張掛牆手工裝飾的布。有幾個套餐，我們要了二人套餐A($338)，本來以為係比較普通的，但上菜了就看得大廚的工架。頭盤有涼拌豆腐，好滑，帶有乾果、花生、蘿蔔絲on top，幾好味。好耐冇見雕花橙，小店都有，真係好有heart!用木碗裝的清真羊肉粉絲湯，好似係大漠生活咁。好足料，有菇、肉、青菜等，味道清淡，可中和肉食油腻感。蜂蜜炒椰菜，甜甜的，最有surprise，個人好喜歡，沒有幾家店會做。羊肉碎手抓餅，用薄皮包住羊肉碎，帶乾果和nuts，都幾fresh，但係有些dry，可加些醬。另加新疆羊肉串($73)，肉質都好滑，而且一D so味都冇，可加孜然粉食。高湯燴阿魏菇好得意，好厚身，甜甜的，口感像鮑魚扒！除了見到很用心的雕花的裝飾，見到香酥羊肋排就流口水，口感像食緊KFC的炸雞，很香脆味美，highly recommend!很豐富的一頓！桂花羊奶凍，除了goat cheese外，第一次吃羊奶凍，羊味道沒有很重，桂花味清香，配搭起來感覺清新。

已經三、四年無黎呢間餐廳喇。變左既係佢已經無做午市。而好既係佢仲依然響度。由於響附近比賽，令我諗起呢間餐廳，當然要食返佢既羊啦。兩個人又唔敢叫太多野，所以叫左個二人餐。有涼伴豆付，有提子乾，花生！醒胃。蜂蜜煮紫椰菜， 一個字「甜」但除左佢提㺯弓既蜂蜜外，我真係好想知道佢點解會咁甜。羊肉粉絲湯，唔係太濃既羊味，我反而覺得啱啱好。湯入面仲有菇，羊肉同芫茜！吾能係d 芫茜僻左d 羊蘇味。高湯燴菇，菇夠林，而且好有高湯既味。羊鬆手抓卷，二人餐黎講都算奇怪，因為有三舊。好似手卷咁樣。配左提子乾可以減低羊果陣味，同時亦令到呢個菜甜甜地。羊肋骨，最遲黎既餸，亦係因為呢度菜令到呢餐晚飯失色左小小。羊肉偏乾，乾身既但就配泰式辣醬，好奇怪囉。而且呢個餸未到就已經有職員上牙籤，搞到我以為已經無野食。最尾既甜品係桂花羊奶凍，本來想加錢換原味既。但已經無晒貨！ 但果陣七點半咋喎？（六點鐘晚市，真係好限量喎）桂花味搶左奶味。雖然個羊肋骨唔夠精采，但三百幾蚊有咁多樣野食。價錢方面係超值既。

女友嚟接收工後，係土瓜灣一帶搵食。路過北帝街見到呢間新疆料理，女友二話不說拉咗我入去。女友本身有少少新疆血統，好鬼鍾意食孜然味嘅嘢，我唯有奉陪喇（雖然佢話叫我隨便揀）咁揀咗幾個菜啦，羊奶芝士花竹蝦、涼拌豆腐、鎮店清真古法烤羊架。一嚟當然嚟咗個豆腐先啦，開下胃先。豆腐都好滑，加埋啲汁同花生碎去食口感味道的確係幾好。老闆都幾好人，豆腐上嚟之後我再攞咗佢好多芜茜（我太鐘意佢嘅香味），老闆都無托手肘，加埋啲芫茜，成碟嘢即時好味咗再講隻蝦喇，出面炸得好脆好香口，值得贊嘅係我本身諗住芝士會kum咗蝦嘅鮮味，但是令我出奇嘅係芝士嘅味又真係恰到好處，食落去依然食到蝦嘅鮮甜味，抵讚！最後當然就係羊架喇，自己睇相都見到嫩口多汁喇，加埋呢間嘢自己可以落孜然粉（檯頭有個調味盒），多少自己調教，真係好正。見到羊架應該係烤同燒過，熟度同口感都相當唔錯，爆多汁。呢間鋪上菜都好快，啲嘢全部熱luck luck 上檯，相信出面都好少有。另外老闆都健談亦相當好客，會招呼客人及問食客嘅意見，走嘅時候送咗兩個羊奶凍做甜品，一樣好好味。anyways，一定會再去（除非會唔去）。

第一次食大漠嘅時候，係同老公拍拖嘅時候，係屋企附近唔知食乜，經過大漠，然後入去試吓，就係呢一次，令我哋一食返唔到轉頭鋪頭裝修好有新疆蒙古風味，就連啲餐具都配合晒成個主題，連飲黑啤都用戰鬥碗，餐廳暗暗地，感覺真係好似身處於大漠之中，食埋呢一餐就要同敵人決一死戰既感覺一樣！第一次食佢，完全唔知食乜好，所以上OpenRice睇吓各位前輩有乜好介紹，個個都話鎮店羊架好正，再配多個新疆黑啤，認真一流，絕配呀！本人最鍾意食蘇味濃既羊，羊肉粉絲湯就最啱我啦！羊肉串又係必食嘅，粒粒羊肉都好鮮嫩多汁，完全唔塞牙，食過返尋味但係最好食都真係個鎮店羊架，建議大家最後先至好食，如果食咗佢先，之後就乜都好似唔好食咁，最後先食佢，反而覺得成餐都好滿足！之前有一次帶呀妹黎食大漠，叫咗個二人餐，超級多嘢食，一個人都係三百零蚊，仲食淨打包，返到去帶俾老公食連佢都食唔晒，超級抵啊！講講下，原來都成幾個月冇食，下個月同朋友聚餐，試吓想食好耐嘅全羊宴，聽講要提前預訂，好似好正咁，食完再同大家介紹反！

今次食飯係因為公司食飯而去既,食完覺得唔錯,所以寫篇食評支持下.總體而言,新彊菜係香港都算係特有其他地區風味既特色菜,係原有既新彊菜基礎上,加入左創意元素. 地理位置上,位於土瓜灣內街,都算ok 方便既,都好多車都經過.好似隔壁有個停車場,應該方便到d 開車人士掛... 環境方面,餐廳的台數和空間有限,可能要等位,不過好野食當然多人食,等下都ok 既...室內環境好似好暗,不過都睇到野既... 食物方面,主要以羊,雞,牛肉為主,新彊菜好似因宗教而唔食豬,雖然我個人覺得唔so,但設議 不喜羊so味既人 想清先去,不過本人就1d 都唔so(可能我完全接受到),都可以試下既....我最欣賞既係個 烤羊髀同個甜品 羊奶凍(見圖) ,奶凍奶味濃郁,羊髀大件而好食.....哈哈,大漠都係 一間唔錯既餐廳.

朋友們去完絲綢之路，很想回味返個味道，於是上網搵到呢間係土瓜灣北帝開立左超過12年做新疆菜的大漠，真是食羊首選！頭盤小吃吐魯番哈密瓜老虎菜雞絲，味道酸酸甜甜，好開胃。新疆燒烤雜拼盤，雞肉串同羊肉串味道濃郁而且很滑。新疆烤餅聽店員講，完全由師傅每天人手造，試一試發現鬆軟，中間夾住羊肉一齊食味道更好。不得不說，店鋪招牌羊架，味道濃滑，少少羊蘇味，平時少食羊既朋友都接受到整體，特色菜來講價錢合理，食物心機水準高，服務優質，鋪面整潔，值得一食再食！

男友不食牛, 每年生日都會找食羊的餐廳, 今年就找到大漠。 睇食評就好壞差平, 但都一早就訂好位, 並巧3號風球, 仲依為可以包場, 隔咗一陣就來了3枱客, 地方不大靜靜享受都不錯我先點了2杯飮品, 青檸梳打及玫瑰xx (忘記了名), 其他菜名真的忘記了。羊鞍好味串燒鴨我唔like塊皮蜜瓜xx老虎菜開胃羊鬆手抓餅有點乾, 都不錯炒什菌好食實在太飽食不到羊奶凍, 可惜

新彊菜係香港應該算好少有, 未必人人敢挑戰因為怕食唔慣香料。還好身邊有愛食羊既朋友陪我來試菜, 希望唔會中伏。店就係北帝街最旺既位置, 好易搵到。店內約30坐位, 剛好有枱人開PARTY, 超級嘈, 真係好應聲。奇怪有2枱都係D講半英半中既人, 唔通新彊菜係吸引ABC食既!?可能真係有好多人帶酒黎飲, MEUN第一頁已寫坐帶酒同CAKE係收$50 charge, 又幾公道wo。meun成個紅色好有風味! 特色菜黎講咁既價錢唔算貴。先來個頭盤-->吐魯蕃哈密瓜伴老虎菜雞絲哈密瓜同雞絲既比例係3比1, 好似淨係食緊哈密瓜咁, 當時覺得肉都唔多條, 但而家諗返, 吐魯蕃哈密瓜先係主角wo! 人地俾得多先係正確!但作為頭盤更似飯後生果盤, 調味既汁係咸咸地, 帶出哈密瓜既味更甜, 又愛又恨既味道。跟住炒個靚菜-->烏魯木齊古法峰蜜炒紫椰菜呢個菜甜到不得了, 而且好油下, 可能因為椰菜要用較多油去炒先淋, 紫椰菜同平時食到既椰菜味道差唔多。食到咁上下見到原來係有堤子乾, 幾得意。然後來到主菜-->"鎮店"清真古法極品羊鞍呢個羊等左好耐先黎, 中間食完菜之後等到我更餓, 但

念 新疆。黎 大漠去過新疆嘅，一定會掛住當地的靚景同美食！Search下openrice, 香港都係得十幾間新疆菜館。這間唔係連鎖，取名「大漠」亦別有一番風味，一於去試下。不過本人唔多食羊，所以都叫了羊以外的菜式，都有好多選擇呀。先來一個吐魯蕃哈蜜瓜老虎菜伴雞絲。嘩，隔左成9年，食返吐魯蕃哈蜜瓜嘅味道真係好感動呀超清甜開胃，果然係再次帶我進入新疆的味覺之旅。新疆串燒又點少得呢，這個牛肉串好香口，裡面仲好juicy添。而孜然、辣椒粉係自己落嘅。原味一嚐牛的鮮味係唔錯，但想食返當地風味，我都係情願師傅落埋調味比我。新疆大盤雞，味道一流！花椒、八角、三色椒等香料充足，雞球入味。係賣相差少少，用碗裝嘅？唔係用盤裝嘅？在嘉峪關、烏魯木齊等地食嘅大盤雞，係用一個大銀盤盛載，就好似香港大排檔、打冷咁有feel㗎！如今只可以叫大「碗」雞了。如果唔想碗底的粉皮黏住難分，可以一開始撈一撈到落底先，d汁撈埋粉皮簡直係絕配呀。新疆蔥花烤餅則稍為遜色，沒有蔥的香味，亦偏厚和乾身。4人分還可以，2人分則有點滯，建議點咖哩吃。新疆特式椒絲爆紹菜，有點膻味，不過咁先夠「疆」，而且仲加入紅椒青椒花生，仲有清甜提子乾，好

每次經過都有長長的人龍，以為一定好食啦今日見冇人龍，就試下一坐低就會放下前菜，呢樣好好食，紫椰菜炒得好香濃羊肉粉絲湯見個個都叫，諗住實冇死。黎到只係見到細細舊羊，同好多菇，飲落去根本冇羊味，得D芫荽味，粉絲更係小得可憐羊肉夾餅，擺得好靚！碎羊肉食落去又係冇羊味，反而似D湯渣入面既肉反而個夾餅幾特式，單食厚厚的，香草味都幾濃，口感有D似 牛脷酥

是晚一行十人到大漠聚餐去，羊肉湯、 羊鞍、大羊腿超美味。時常因人數不足未能 K.O大羊腿，是次十人小隊分享又覺未夠滿足，超矛盾。首次嚐到燒牛柳，超濃鬱的脂香與香料氣味，外加肉汁豐盈很是彈滑，一吃難忘。問是晚搞手主謀如行訂購，搞手笑而不語，著我低調就好，真神秘。食物出品一以貫之的出色；每次都會細閱其酒水單，是晚又有新款瓶裝啤酒進場。香港啤酒酒款命名很有趣，取本土地名、盛事。大浪灣，口感鮮爽又帶醬香，平衡感極佳的IPA酒款。波爾多紅酒定價合理，是晚取了 CH PONTET CANET 08,單寧酒勁不缺，紅果醬果不絕，好酒一瓶！感覺店主應是愛酒之人，有機會定要向其請益分享。下月再會，以解公務上的不遂煩憂，也藉故多乾幾瓶紅酒。

中國歷史沿遠流長，中國又大，究竟新疆蒙古人會吃些什麼呢？一晚，朋友介紹去吃新疆菜，為之所動，決定赴會前往。小店，最多只可坐三十人，但坐無虛席，自攜酒水把酒談歡甚眾，有點香港特色，吃新疆菜，竟全是香檳紅酒來，不是要喝羊奶的嗎？未幾，一串串肉隨即端上而至，那一串羊肉配上當地香料，香氣四溢，燒的火候好好，咬下去出煙，肉汁走出來，嘩，停留在口腔內，好吃，我覺得喝啤酒比紅酒更加配合，肉又彈牙，功力不錯，拿捏得好好。燒牛肉切片上，完全看出其功架，內裡層次的慢慢遞進至淡粉紅，外面燒得不乾，切下去好像看樹齡木紋的變化般，而肉愈吃下去就有幾個不同的層次，由要齒走肉表面，再慢慢的細嚼下去，到最後吃得軟軟的嚐到那細緻的肉香，這一道菜真的做得好好。燒羊架，新疆的煮法，不只是燒，又有香料襯著，吃下去不羶又有另一番的古樸味道，用香料醃肉，一齒，肉汁好細緻，乾吃已經不錯，在塗上好濃的肉汁，味道反而過濃而欠了點清新呢。之後，來了道紫色椰菜，炒好，吃時竟有甜甜的感覺，是有點油，吃下去爽脆依然，有點驚喜，又令過份的肉質來了點中和。又來一道新疆炒飯，炒飯始終香港廣東的最好，吃不到鑊氣，吃不到粒粒的，不是得意之作了。最後來了

聽左大漠呢個名好耐，睇食評有D人又講到好好食甘！我朋友鐘意食羊，見新疆菜又幾特別，又好小見到，所以就試下！門口好暗，唔係甘容易揾到！我地兩個人叫左大部份人都推介既羊肉粉絲湯，D人又話羊味好濃，完全冇羊味，連粉絲都好小，得D好細夠既冇羊味既羊肉，同埋好多雜菌，變相好似係雜菌粉絲湯多D再叫左一個羊肉烤餅，賣相好靚，但就係一堆冇羊味既羊碎，個價錢都要收佰幾蚊，真係一D都唔值得！簡直浪費我個胃去食！