新泰東南亞餐廳 (興旺閣)

營業中

休息中

喺灣仔利東街附近，發現一間裝修幾靚，坐得幾舒服嘅泰國餐廳，雖然小貴，但食物份量算大，同埋我地唔算食得辣，都好多選擇，所以好值得。睇下餐牌先舖頭環境泰式柚子蝦沙律$118柚子用左泰國金柚，非常多汁爽口，仲落左大蝦同魷魚，醬汁方面有椰糖香味，就算走辣都好夠味。香芒軟殼蟹米紙卷 $98芒果同炸脆嘅軟殼蟹，配生菜同紅蘿蔔，點酸魚露，好食，但俾頭先好突出嘅沙律搶曬flow 。越式燒春雞釀香茅黃飯 $228一般喺街食燒春雞，皮脆唔難做到，但好多間就算雞髀，啲肉都可以好鞋。呢度做到嫩滑多汁，所以裡面用香茅同黃薑粉炒香嘅飯好好用，本身乾身，但又可以吸收雞汁，一物多用更正。隔離伴碟嘅菜絲沙律，原來又有特別嘅，有一般沙律嘅酸甜，苜蓿芽同紅蘿蔔絲上面加左花生碎即刻惹味左好多，但繼續可以解膩。侍應哥哥仲話呢款沙律無得散叫啊！泰式凍奶茶$48味道香甜，奶香夠滑，都可以龍眼冰$55好多龍眼沖嘅，清甜，不過感覺有另外加多左糖。雖然要增加穩定性，但可以落少啲。芒果雪糕配糯米飯$68店員推介呢個甜品，原來上枱用椰青裝住咁精緻。裡面有芒果雪糕、芒果肉、椰青肉，同埋主角，暖暖地又有椰子香味嘅糯米飯，糯米飯唔係太硬，仲做到冰

As a Wanchai neighbor, Sun Thai has been the canteen for everyone. The lunch set is very budget and worth the value so i always hit here for lunch with my colleagues. There are a few floors, very spacious and comfy to dine in. While i came again today for dinner and love to try on some different dishes. We ordered stir-fried morning glory with chili and garlic, also grilled pork neck serve, they came is a good portion for two people and we enjoyed. I personally love the stir-fried clam with tha

燒牛肉沙律：牛肉份量超多食到底全部都係肉幾乎搵唔到菜，主要係有芹菜、洋蔥，想食菜就揀番青木瓜沙律/炒菜，牛肉好腍調味都好好味，不過都幾辣下唔食得辣唔建議嗌鴨肉生菜包：食落同豬肉差唔多但多左啲油香，九層塔香味好出，少少辣，份量都好多唔洗就住黎包菜，好味道😋馬沙拉咖哩雞：咖哩底非常出色，椰香甜味都好balanced唯略嫌雞肉唔夠入味同埋薯仔偏硬，可能星期六晚太多客人煮得唔夠耐，反而入面啲三色椒同洋蔥甜甜地出奇地好味，個蒜蓉包勁多蒜脆得黎又唔會太硬刮口，點埋咖哩汁更上一層樓。因為個咖哩汁太出色我地最後又加左個薄餅黎點，薄餅出奇地唔油膩而且份量都唔少有8塊，咖哩汁同餅都唔會好油所以食哂啲汁同餅都唔會有好飽濟既感覺香茅茶：飲落有香茅味同綠色椰子糖果種米香味，唔甜，解渴清爽同平時既泰國菜館唔同呢到環境好乾淨闊落，服務態度亦都值得表揚，而且有3層唔驚冇位位，我地見有一大班朋友黎飲酒，又有一個家庭黎慶祝生日，有好似中式茶樓果種轉盤枱，如果家庭聚會唔想次次都係食中菜可以黎試下

呢間泰國嘢食過好多次喺尖沙咀 馬鞍山 灣仔都有分店今次同大家分享吓先！•冬陰功海鮮金邊粉🍜配料同海鮮份量好多 有魷魚 大蝦 魚片 蟹柳湯底酸酸辣辣開胃之餘 唔會太辣•泰式炸春捲🫔炸得超級脆 好香口入口的瞬間超滿足•燒豬頸肉🐽好惹味 份量好多表面燒得香脆油脂分布平均 唔乾唔柴•燒西冷牛扒🥩牛味濃郁 肉質鮮嫩多汁唔會過老 大概五成熟•泰式生蝦🦐有6隻生蝦 生蝦爽口彈牙肉質新鮮鮮甜連埋蒜片同泰式醬汁一齊食 正！•蒜蓉包🧄包夠厚！外脆內軟滿滿蒜蓉 每一啖都充滿蒜香味•青檸梳打🍋‍🟩夏日消暑必飲青檸味好出解渴又解膩•龍眼冰🥤龍眼味香甜甜而不膩 口感清爽

灣仔都真係有唔少泰國菜館啲一間已經開左好多年經歷過疫情依然屹立不倒一定有去既美味魅力🥤青檸沙冰+椰青沙冰青檸沙冰，清新可口，而且仲好開胃！ 椰青沙冰，超級滿滿一大杯，好清甜！⭐️燒牛仔骨燒出來既牛仔骨，好有燒烤既味道，而且肉質好有咬口，一啲都唔會燒到變左柴枝咁！配左醬汁，酸酸辣辣咁好野味！ 仲配埋沙律，就更加開胃，食多幾舊肉都唔怕濟😄⭐️小拼盤（炸蝦餅 配 炸魚餅）炸蝦餅勁脆口，好有蝦肉味，夠鮮味！魚餅味道不錯，入口軟滑！ ⭐️麵包焗咖哩軟殼蟹一個大大既法式麵包裝住咖哩同埋軟殼蟹，麵包皮脆內軟，沾滿咖哩汁就好野味！再加埋軟殼蟹都好多隻，食到好滿足！⭐️蝦醬炒飯啲個有啲特別，蝦醬唔係死鹹個種，係鹹香既味道，而且加左泰式臘腸粒炒埋啲飯，甜甜地又鹹鹹地，真係好好味！ 仲有蝦同臘腸切薄片伴碟，仲可增加口感👍🏻

同朋友推薦去灣仔區食出名泰國菜，喺灣仔大王東街21至23號，興旺角地舖至二樓，“新泰東南亞餐廳”.餐廳全幢有三層，泰式裝修設計，高雅華麗地方寬闊，坐位舒適環境清潔,服務員態度友善有禮,令人身處泰國旅行，食材新鮮廚師用心烹煮.原個菠蘿咖哩蝦 $138有好多新鮮蝦肉彈牙， 原個菠蘿咖哩仲有好多配料，有泰國茄子、通菜、青豆、紅椒、菠蘿粒、蕃茄仔，咖哩香濃惹味，仲有椰槳香味.蒜蓉包$42焗蒜蓉包非常香脆,用嚟點咖哩蝦口感一流.串燒沙嗲(雞牛豬）各2串$108雞牛豬肉厚切串起嚟燒，外表燒得非常焦香，內裏鎖住肉鬆軟嘅肉汁，再點上香濃嘅沙嗲非常惹味.肉碎生菜包豬$88用好多泰國香料炒製豬肉粒非常惹味，在包上生菜又唔覺得好膩.

6時經過灣仔比呢座大廈黃色招牌吸引咗，原來係“新泰東南亞餐廳”泰國菜館有3層高算幾壯觀，餐廳設計以泰式豪華裝飾，環境舒適座位寬敞，空間感好足夠，入座不久已經全場滿座，難怪可以有 3層高食肆，溫馨提示最好先訂位😍🐷肉碎生菜包豬 豬肉碎用泰式香料香茅炒，又有青檸味酸酸甜甜辣辣，包住爽脆生菜每一啖都好好味🍡🍢串燒沙嗲(雞牛豬）每款肉有2串大大大串是厚切肉件，燒得小小焦香肉質鬆軟又唔鞋，沙嗲醬有花生粒，調得好香好惹味.日本南瓜焗海鮮飯原個南瓜焗飯上菜，份量都好大，海鮮有蝦/青口/魷魚/魚柳,南瓜切件，咖哩汁唔算太辣，配合南瓜甜味，熱辣辣好惹味🥭芒果雪糕配糯米飯精緻玻璃杯盛載，已眼前一亮，用新鮮椰青肉圍邊，新鮮甜蜜芒果肉/清新芒果味雪糕，暖暖嘅糯米飯做底，每一口都冷熱融合👍

呢間餐廳好似已經開咗好耐，今日同朋友過嚟食！都幾闊落有兩層樓，而且服務態度都幾好！燒豬頸肉：豬頸肉本身帶有豐富的油脂，經過烤制後，肉質變得鮮嫩多汁，表面烤至微焦，帶有一層香氣四溢的炭燒味道。泰式蝦炒金邊粉：金邊粉唔算好酸，口感Q彈！啲蝦都幾大隻，撈埋花生碎食好惹味！叻沙蝦米線：叻沙醬湯底有奶味，而且唔辣啱晒啲唔食得辣嘅人食！米線的軟綿與湯汁的滋味相互融合，讓人一口接一口，啲蝦同埋魚片頭，豆卜嘅份量都超級多芒果雪糕配糯米飯：個樣超級適合打卡，同女仔食就最啱！這道美食結合了芒果的酸甜美和糯米飯的綿密口感，仲有椰子肉同埋雪糕一次過滿足多種願望！

呢間舖頭喺灣仔開到好夜 好適合放工人士去平日去到都有班人喺度飲酒 喜慶氣氛都幾好先叫咗一個咖喱大蝦我自己幾鍾意食泰國嘅咖喱，因為通常都會比較鮮甜，而且有啲蛋絲喺度再加埋啲蔬菜配合蒜蓉包就一流果然不出我所料咖喱有豐富嘅椰汁味道👅 真係幾香 而且口感係比較厚身 大蝦處理過 都幾鮮甜 就咁已經食到 唔需要剝殼蒜蓉包總共有四塊 都幾厚豐富嘅蒜蓉跟住嗌咗個火山排骨個火山排骨嘅排骨真係幾多分量非常之林 啖啖肉啲湯底有菠蘿嘅鮮味 大家都飲咗好多啖熱辣辣好舒服最後叫多個三色冰入邊啲啫喱幾得意

新泰東南亞餐廳今日同朋友去灣仔行街食晚飯，去完利東街打卡後，朋友話附近有間好吃嘅泰國餐廳，這間餐廳叫新泰東南亞餐廳，位於灣仔大王東街21-23號興旺閣地舖至2樓，港鐵灣仔站B2出口行幾分鐘便到，非常方便。這間泰國餐廳原來係有三層高，餐廳外招牌好光亮，令人一眼就見到，有三層高真係好適合一大班朋友聚會嘅地方，餐廳內環境非常寬敞，裝修都好有泰國風格，好靚又新淨，好似去咗泰國食晚餐，樓梯及牆上都罷放咗好多東南亞的擺設作為裝飾， 好有特色，好適合俾客人打卡，每張枱都好濶落，令人坐得舒服，尤其是梳化位更有咕𠱸坐得闊絡舒適。這間餐廳嘅員工有好嘅服務，門口就有員工安排客人去上那層樓吃餐。這間泰國餐廳嘅食物款式都不少，有沙律、小食、湯、燒烤、咖喱、肉類、菜類、海鮮、飯麵類、甜品、果汁及飲品，真係樣樣都想選擇來吃，但我哋看見隔離枱啲食物份量亦不少，所以我哋先選沙律、小食、麵類，食唔夠就再叫。泰式沙律嘅款式都唔少，有成十幾個款式，我哋就點咗燒豬頸肉沙律，燒豬頸肉份量都多，有成十幾塊，燒嘅時間啱啱好，肉質爽彈，令到豬頸肉咬落去非常有口感，油脂分布平均，一啲都唔乾，點埋個惹味嘅泰式醬汁及伴埋個生菜一齊食，非常之

今日去灣仔做完嘢，臨時搵個朋友去食飯。 知道佢係一個識食之人， 帶咗我去間食東南亞菜嘅餐廳食好野！喺門口見到，店舖設計都幾有特色， 真係好似去咗旅行咁。 入到去見到座無虛席幾驚冇位好在佢地地方都大，店員安排咗樓上一樓坐位俾我哋。原來呢間係由泰籍廚師處理。職員服務態度都好好， 推介咗啲特色嘅嘢畀我哋。一打開個menu 睇啲食物相，就畀泰式生蝦深深吸引住😍！ 依家都唔係好多餐廳有泰式生蝦食。🌟泰式生蝦 $118生蝦新鮮爽口， 隻隻蝦都係大隻肥嘟嘟嘅！點埋佢哋個醬汁一齊食好好味！🌟香芒軟殼蟹米紙卷 $98個米紙皮好滑又唔會好韌咬唔到個d感覺， 個軟殼蟹都好脆口。🌟燒豬頸肉$98個豬頸肉燒到脆邊香口。🌟巴東牛展另配印度酥餅$118＋$42呢個巴東牛展個汁好正，牛展炆得好淋。 我哋仲點咗印度酥餅， 點落啲汁到一齊食真係超好食！其實啲甜品都好吸引， 因為我哋點得太多肉嘅關係, 已經好full下次嚟一定要試下啲甜品!

灣仔呢個排骨山真係好巨型同埋好豪邁✋🏼首先個排骨係用鐵盤上 下低一直用火燒住上邊淋上火水 轉個頭就燃點起🔥有火花好過癮呀☄️排骨嘅份量真係好多 最重要係因為下低有啲湯浸住 所以排骨全部都好腍甜 🐷🐽啖啖肉 同平時嗰啲燒排骨比較 我更加鍾意食呢個款式🤪啲湯淡淡菠蘿味道 我唔覺意都飲咗好多啖🤣我哋嗌咗小辣所以就避開咗泰國原有嘅超辣風味😉好適合我哋享用另外去到泰國舖頭又點可以唔食蒜蓉包🥖最鍾意就係用蒜蓉包點咖喱食💛今次我哋叫咗咖喱蝦🦐咖喱充滿海鮮嘅鮮味 係甜甜地有啲蛋絲蝦就係已經去咗殼嘅 所以食用非常簡單最後嗌多杯三色冰❄️

燒豬頸肉🥓成塊豬頸肉燒得幾靚，有適量嘅焦脆燶邊，但係又唔會燒得太過火，豬肉都仲係好有肉汁，配埋個泰式辣汁好好食～南瓜焗咖哩海鮮🫑海鮮有青口、蝦、魚柳、魷魚，份量OK，咖哩唔算太辣，比較容易入口，既然係原個南瓜咁上，當然就要刮埋入面嘅南瓜肉嚟食，就咁用匙羹就可以輕易刮到出嚟，而且南瓜肉嘅甜味令到個咖哩食落再清新一啲，發揮到南瓜嘅優點👍越式蟹肉炒粉絲🥢炒粉絲大大碟，蟹肉嘅份量激多，面又有碟邊又有，真係每一束粉絲都夾到蟹肉一齊食，除咗蟹肉配料仲有扎肉、洋蔥、芽菜仔、青椒等，整體嘅口感好豐富，今晚嘅依幾樣野食都相當唔錯😋

喺灣仔放工突然好想食泰國嘢路過見到呢間裝修幾靚嘅泰國菜，一於就試吓入到去裝修真係好靚同一般泰國餐廳唔同俾人好乾淨嘅感覺星期二嘅夜晚竟然都坐到差唔多滿晒我哋叫咗個馬莎拉咖喱雞呢個係偏甜嘅咖喱唔會好辣加埋面頭嘅椰漿，超級惹味配白飯，嚟食一流而且佢雞嘅數量都好多食極都仲有我哋另外嗌咗個蒜蓉包配咖喱食蒜蓉包好脆，好香口跟住叫咗個馬拉盞通菜呢個真係食泰國嘢必食馬拉盞少少辣，加埋好多蝦乾超級香另外有嗌咗一個燒西冷牛扒上到枱見到佢肉質好粉嫩味道都非常唔錯不過就略嫌佢嘅邊位有少少過咗火喉佢嘅配菜有啲酸青瓜同酸蘿蔔好開胃仲有好多菜式都好似好正，可惜得兩個人下次再揀多啲嚟試吓先

好耐無食泰國菜即刻約食友食返餐先，😁😁😁😁😁未到夏天都鬼死咁熱飲返杯啤降下溫！🤤🤤🤤🤤🤤除咗啤酒，大大個椰青都係唔錯選擇。🤤🤤🤤🤤🤤頭盤叫咗個青咖哩牛肉跟烤餅，青咖哩帶甜微辣，襯埋個烤餅咸香味好夾。😋😋😋😋😋泰式燒雞，雖然得半隻但係都好大份量，雞肉本身用微微調味醃製過，肉質嫩滑，雞皮燒到香口唔油膩。😜😜😜😜😜馬拉盞炒蒜心，馬拉盞好香蝦嘅咸香味，加埋蒜心嘅清甜又係一絕。👍🏻👍🏻👍🏻👍🏻👍🏻