更多
4天前
0 瀏覽
叮噹最厲害法寶就梗係隨意門啦!!估唔到火鍋都有隨意門~今日老細話同我去打邊邊~咁就入咗呢間隨意門啦!!胡椒豬筒骨濃湯鍋:次次火鍋都食雞湯,今次老細話要食豬骨湯,記得佢以前打親邊邊都要豬骨煲湯底,仲有濃濃嘅胡椒味,好暖胃!!湯底配菜又多:蘿蔔、粟米、蕃茄、京蔥、大蒜……包羅萬有!!蘋果木煙燻手切牛頸脊(細):賣相一流!!油花分佈平均~當然…肉質都好鮮嫩啦~好有牛味!!餃子拼盤:上枱直頭眼前一亮~😍從來未見過呢個擺盤~旋轉木馬🎠~餃子玩味十足!!當然餃嘅質素好好,蟹肉、鮮蝦雲吞、蟹黃、韭菜……乜都有大滿足!蔬菜拼盤:又係成個果籃咁~食材好新鮮!而家食飯都要睇樣賣相…靚嘅~食得都開心啲!雙拼響鈴:一半普通一半黃金,鹹蛋黃好香,熱辣辣~新鮮炸~就咁食就脆口,放湯又夠淋夠索湯,好味!手打滑雙拼:瑤柱乾貝滑+手打蟹子蝦滑兩種滑都好鬆軟~彈牙~不過份量就少咗啲……雙拼都係唔夠喉!😅😅蜂蜜菊花烏龍茶:呢個賣相真係未見過,成個地球儀咁~唔太甜,份量仲好足夠!!又係非常滿足嘅一餐!!
叮噹最厲害法寶就梗係隨意門啦!!估唔到火鍋都有隨意門~今日老細話同我去打邊邊~咁就入咗呢間隨意門啦!!
胡椒豬筒骨濃湯鍋:次次火鍋都食雞湯,今次老細話要食豬骨湯,記得佢以前打親邊邊都要豬骨煲湯底,仲有濃濃嘅胡椒味,好暖胃!!湯底配菜又多:蘿蔔、粟米、蕃茄、京蔥、大蒜……包羅萬有!!
蘋果木煙燻手切牛頸脊(細):賣相一流!!油花分佈平均~當然…肉質都好鮮嫩啦~好有牛味!!
餃子拼盤:上枱直頭眼前一亮~😍從來未見過呢個擺盤~旋轉木馬🎠~餃子玩味十足!!當然餃嘅質素好好,蟹肉、鮮蝦雲吞、蟹黃、韭菜……乜都有大滿足!
蔬菜拼盤:又係成個果籃咁~食材好新鮮!而家食飯都要睇樣賣相…靚嘅~食得都開心啲!
雙拼響鈴:一半普通一半黃金,鹹蛋黃好香,熱辣辣~新鮮炸~就咁食就脆口,放湯又夠淋夠索湯,好味!
手打滑雙拼:瑤柱乾貝滑+手打蟹子蝦滑兩種滑都好鬆軟~彈牙~不過份量就少咗啲……雙拼都係唔夠喉!😅😅
蜂蜜菊花烏龍茶:呢個賣相真係未見過,成個地球儀咁~唔太甜,份量仲好足夠!!
又係非常滿足嘅一餐!!
張貼