番茄18

營業中

休息中

出色茶記！好鍾意食茶記，但好多時都失望，但呢間「蕃茄18」就吸引我成日回頭，基本上已經成為咗我嘅茶記必選之一，非常感恩將軍澳區有呢間餐廳。-⛲️ 環境乾淨企理，装修主打香港特色同氛圍。大部份都係卡位、亦有圓枱，夠闊落唔洗逼住坐，唔使同人搭枱。-👥服務收銀姐姐落單，語氣上急一點；加單時是另一位哥哥，相對很有耐心～整體都唔錯-🥢食物嘢食方面，必食就係佢嘅麻辣蕃茄湯粉同埋瑞士雞翼或者雞髀。因為呢個餐冇得追加小食，唯有跟餐試吓佢嘅大汗雞扒，再單點了瑞士雞髀。另外再點咗三寶飯～❤️‍🔥麻辣蕃茄湯通粉+牛乳炒蛋 <$58>佢嘅蕃茄湯真係冇得輸，入面有粒粒蕃茄，標榜咗係一直堅持不加味精，用新鮮番茄造成番茄蓉，再以雞骨、豬骨日日新鮮熬製，每次我都會飲晒啲湯，好濃郁又加埋麻辣香味，上面仲有隻炒蛋，連埋湯一齊食超好味！🤍跟餐配大汗雞扒 <+$3>味道唔錯，加上上面有啲辣蒜粒同辣粉，個人覺得偏辣但可接受，夠香口；雞扒算大塊同厚，可以juicy啲更好，雞皮都係脆的❤️‍🔥（單點）瑞士雞髀 <$32>必食！瑞士汁好濃！雞髀好入味，肉質軟淋，超鍾意食，我會吮埋骨XD🩷食神

都唔係第一次食， 叫杯鴛鴦走俾左啡走。上錯飲品仲要死話係啱。 之後聽到後面係咁講沖錯飲品或者俾錯 短頭髮眼鏡姐仲要係咁用野「了」 杯嘢話係咁架啦 。 之後我話改要茶走佢仲話即係我點錯啦下次唔會再幫襯！

平時幫襯開，以後都唔會再幫襯。奉勸大家諗清楚，啲米線有時硬到呢～如果唔係將軍澳冇乜米線舖頭都唔會去幫襯佢，今次叫外賣送錯嘢，舖頭包錯，打電話同舖頭講態度極差鬧返你轉頭，明明係佢哋自己做錯嘢，叫我自己喺個app度退返錢，嗰個阿姨仲要大大聲講嘢cut人線。如果餐廳老闆見到真係唔好請埋啲咁嘅員工趕客，態度極之惡劣，簡直俾錢買難受。

將軍澳云云茶餐廳之中，蕃茄18是其中一間很受歡迎的。今天來吃下午茶，點了咖哩豬扒撈公仔麵和蕃茄麻辣牛坑腩湯米線配茶走。蕃茄18應該是走濃味路線的，正合我口味。 豬扒撈公仔麵是香港茶餐廳口味的咖哩，偏辛辣但不會太辣，連骨豬扒很大一塊但不柴，還有好幾顆經油炸後再烹調的薯仔，吃起來鬆軟有薯味，咖哩汁撈公仔麵很好吃，讓人不禁一口接一口。 蕃茄麻辣湯底很少見，但原來還蠻match的。另一半覺得辣味蓋掉了番茄湯的味道，但我卻覺得這個湯底更有層次感。牛坑腩方面，牛腩連著一點點肥，已燉煮至軟嫩，脂肪味在口中融化，這裡的牛腩完全不輸牛腩麵店！而且肉的份量一點也不小氣，最少有六、七塊大塊的牛腩。 他們的裝潢也很有心思，仿效幾十年前的街道，很有懷舊味道，你可以想像自己坐在老香港的街邊吃著東西，別有一番風味。

下午茶時間，路過蕃茄18🍅，來試試出名的雞腿🍗！入座率不算很高，靜靜地食個tea幾好。侍應服務很好，介紹菜單，又會與客人聊天。蕃茄米線湯底無味精味，不會太鹹，米線爽口煮得剛剛好，大大碗，下午茶抵食。餐飲綠豆冰清新好飲，可以一試。奶茶正常發揮。招牌醬油雞脾，色澤鮮豔，味道濃郁，雞肉嫩滑，刀叉一撕就開。好有以前舊冰室的感覺，很好吃！另外叫了下午茶餐的餃子，麻辣口味，一般般。都係食返蕃茄同雞好啲！！

最近又繼續在將軍澳找吃的，今次來到一間港式茶餐廳。番茄18 的裝修很有特色，是以香港80年代風格為主題。如店名這間主打的是番茄湯底，而且還有得選普通或是麻辣。🍅招牌午餐通粉配牛乳炒蛋、牛油多士 (HKD 52)點了這裡的招牌湯底．麻辣番茄湯。番茄味很濃但又不會太酸，還有少少的甜味平衡了麻辣的味道。雖然寫是配通粉，但都可以轉成其他麵食，有上海麵。另外可以選一款配料，會有叉燒呢。炒蛋都幾滑，烘底的多士則會有半塊。🍜招牌胡椒豬肚雞湯米線 (HKD 59)很暖胃的胡椒，湯底香濃得來不會太辛口。豬肚幾爽口，可惜份量就不算太多，雞肉都嫩滑。轉了做薯粉不用另外加錢。吸收了湯汁的薯粉很飽肚。以上兩個套餐都包一杯熱飲。奶茶和咖啡都能轉煉奶 (少甜)。除了番茄湯，其他選擇都幾吸引，有機會可以再來吃吃看。

我晚餐到將軍澳店，好心急手機落單，一心黎食焗豬扒飯，點知老花點左焗咖喱豬扒飯，仲要嚟到先知點錯。之後我同店員講，她們二話不說幫忙換番比我，更改帳單再請廚房重新制作！真的好幫忙！有人情味！抵讚👍🙏🙏🙏

麻辣手絲鷄米線，變左瑞士鷄皮米線。冇麻辣味 ，但有蕃茄味。店員話公司係咁叫架喎，手絲鷄=瑞士鷄。另一個店員話唔係瑞左鷄，只是麻辣醬醃左鷄變左啡色啫。完全食唔出係麻辣鷄味，只食到瑞士汁味的下欄鷄皮。離譜！不會再幫襯！其他食物不過不失，菠蘿油厚皮。檸檬茶正常。叉燒蕃茄通甜甜地。

相信得呢度食嘢，好多人都係蕃茄控🍅而我本身就唔係鍾意食蕃茄🍅，某程度上仲係有少少怕食蕃茄🍅🙈🙈🙈不過呢度嘅蕃茄湯真係令我一試愛上咗😂😂😂個湯超級濃，夠酸，又唔會好人工味道而且唔會其他舖頭得個芡汁咁，佢個湯真係好多蕃茄肉試咗幾次蕃茄湯先膽粗粗試埋麻辣味蕃茄湯，點知又好夾喎😯😯另外佢嘅瑞士雞脾都必食，大大隻又入味，間中都會賣晒，有買趁手😂成個常餐份量非常足！作為一個偏大食既女士都超級飽😂

沙嗲牛淋麵，蛋汁烘多士。未見過外賣既沙嗲牛面係唔分湯，外賣黎到啲麵發脹晒。到炒蛋多士，多士吸晒啲蛋汁，件多士點食呀？梅既。永不錄用，唔會再幫襯，浪費金錢。不要浪費金錢

放假週，約了媽媽在將軍澳海旁行吓，然後發現這間從外面看好似幾有「香港風味」的食肆，所以，我們進去吃了late lunch /下午茶。有些招牌好似真的存在那樣，有些令我回想起從前的日子。所以，看着Chamile的時候，令我突然想吃沙嗲牛肉麵配紅豆冰，媽媽則選了麻辣牛坑腩米線配紅豆冰，見到可以加$20多一塊豬扒，我們又點了一塊。突然見到瑞士雞翼好似好好食，忍唔住又叫咗份瑞士雞翼配薯角的下午茶😅。首先到的是下午茶餐，瑞士汁雞翼超入味，好好食！豬扒亦非常大件，而且香口亂滑，一啲都唔「鞋」，正！麻辣米線就超大碗，牛坑腩煮得好「林」，不過，媽媽話唔夠麻辣。至於沙嗲牛麵，我個人覺得個面底做得唔錯，但係沙嗲牛就唔出色😓 （所以我自己將佢變成瑞士汁雞翼麵或者煎豬扒麵😅）紅豆冰做得出色，但如果有支粗d既飲管比我就咁飲埋啲紅豆就好喇😆$189 夠三個人食，每人$63，當懷舊吓，都OK嘅

📍蕃茄18#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻-招牌蕃茄餐肉粒湯通粉 -$42招牌蕃茄叉燒湯通粉 -$42兩個套餐都包埋多士同炒蛋 炒蛋好滑 而且通粉厚身 食落都比較有口感 蕃茄湯有蕃茄肉 湯底比較甜 味精味唔重 食完都唔會特別口乾 餐肉同叉燒就不過不失 蕃茄愛好者可以試下網上有唔少人都反映服務態度有問題 但因為用QR code落單 所以就唔清楚了

將軍澳區餐室或茶餐廳之類不多，蕃茄18算是我最常來的飯堂之一，因為食物種類選擇多，每次點餐都三心兩意不知選什麼才好。今次食藥膳雞湯米線，一擺上枱就聞到濃濃的藥味和酒香，非常吸引，肉眼可見的有杞子、紅棗、黨篸等食材，甘甜味濃，感覺滋補，還有至少有約半隻的雞件，份量好多。同事就點了碗麻辣牛坑腩湯薯粉，鍾意食辣的朋友可以一試，夠辣，牛坑腩口感鬆軟亦不韌，好食。此餐廳值得一來再來。

之前一直聽朋友講有一間餐廳食蕃茄同埋瑞士雞翼超好食！冇諗過喺返工嘅地方都有一間！朋友仔同我講嗰間喺太古坊附近！今次我自己食就喺將軍澳！朋友仔推介我一定要食咗蕃茄濃湯系列先，再試吓其他口味！叉燒滑蛋飯都非常好食！所以我今次就點咗麻辣蕃茄米線！我特登叫咗炸魚柳！因為好耐冇食過魚柳！超大條完全食唔晒🤣 朋友仔仲叫咗瑞士雞翼！超濃味！雞翼肉質好嫩！好少有雞翼煮到入口即溶嗰種感覺！超正！鍾意食蕃茄嘅你千祈唔好錯過！

✨ 番茄𝟙𝟠（ू•‧̫•ू⑅)⁡將軍澳區想找間性價比高其實也不易每次心血來潮想吃茶記常餐番茄18都是其中的一間選擇⁡🎀 <招牌蕃茄湯豬潤米線+牛乳炒蛋+瑞士汁雞脾>𝚁𝚊𝚝𝚒𝚗𝚐: 𝟽.𝟻/𝟷𝟶⁡小編是超級瑞士雞髀迷一向餐牌毫不猶豫點了瑞士雞髀餐雞髀炆得很入味醬汁濃郁甜甜鹹鹹幾開胃正常size 但不算很大隻如果更大隻會更滿足⁡蕃茄湯裡茄蓉蠻多味道不太酸質感略稠身牛乳炒蛋很嫩滑但加錢的豬潤份量不多小編較愛彈牙的麪質感覺這次米線煮得有點太熟⁡🎀 <鮮茄焗豬扒意粉>𝚁𝚊𝚝𝚒𝚗𝚐: 𝟼.𝟻/𝟷𝟶⁡鮮茄焗豬扒可選擇飯或意粉惟與預期有些落差主角豬扒肉質偏乾柴芝士亦不多而且沒有仼何配菜如蔬菜和菠蘿性價比平平⁡🎀 <熱奶茶>茶和奶比例很好典型茶餐廳奶茶水準⁡整體評分：😋味道: 7.5/10💰價錢: 人均約$70*☼*―――*☼*―――*☼*―――*☼*―――*⁡⁡⁡⁡ ⁡