素年 (黃埔天地百寶坊)

營業中

休息中

行過幾次呢間BE，都係坐滿人要等位，成日都想試佢㗎啦，是晚又經過見門口仲有枱，即刻衝入去試試先。得返門口玻璃前兩張四人枱，店員示意隨意坐一張都可以，我哋揀咗牆邊嗰，張睇下餐牌食咩好先。⭐雙層芫茜不可能芝士漢堡有幾款餐都想試，最後作為一個芫茜控，都係先試下呢個芫茜漢堡啦，賣相相當吸引，大量芫茜加上半溶芝士，睇見都已經想食😋麵包鬆軟芫茜香口，再加上一塊厚厚的未來肉，咬落肉汁溢出齒頰留香，食起上嚟真係同真漢堡冇乜分別🤣正所謂口齋心不齋🤣⭐日式咖喱吉列豬扒定食朋友叫呢款吉列豬扒定食，個樣仲似真係肉，唔講都唔知佢唔係真正嘅吉列豬扒啦。日式咖哩香甜不辣，跟珍珠米配撘啱啱好，未來肉豬扒香脆可口，少咗一份油膩感更好食。另外定食仲有前菜同甜品，有誠意呀😋⭐斯里蘭卡伯爵茶朋友就要咗跟餐送嘅伯爵茶，冰凍又有茶香。⭐焙茶燕麥奶自己就轉咗要杯焙茶燕麥奶，焙茶茶香，燕麥奶帶有淡淡的香氣，飲落輕盈舒服，好正😍進餐期間都不斷有食客進進出出，小店明顯相當受歡迎，意外地食客嘅年齡層係男女老少都有，犀利喎👍

今次跟友人到訪位於紅磡的分店開業了一段時間 上幾次經過已經好想去最近剛好有想吃素食的心 就衝一波了裝潢是簡約的文青風格 以木系餐桌為主玄關後的空間以光猛白燈作主調後面的走道空間則是溫暖黃燈氛圍比想像中更大空間素年的素食可謂比較破格以新式的西日套餐呈現 很貼近年輕一代的概念從外觀上絕對無法看出是素食餐點有意粉 定食 沙拉等等的選擇平日一至四提供晚市套餐價錢從 $𝟽𝟾 起 包括了基本飲料玄米茶/伯爵茶在競爭激烈的黃埔區也算親民𓋪 生酮牛油果藍莓檸檬芥辣沙律以自家製生酮檸檬芥辣沙律醬配搭新鮮時令水果和蔬菜 像椰菜花 牛油果 藍莓等口感豐富又帶清爽 芥辣 sᴀᴜᴄᴇ 又添一點風味𓋪 日式咖喱素吉列豬扒定食以新豬肉替代傳統豬扒 還蠻像真的外皮炸得香脆 內裡質感像免治豬肉一樣帶微辣的咖喱汁也給得充足 每口飯都能沾到醬汁 ~ 定食還包括了是日漬物 前菜和甜品甜品蕨餅也是我的愛𓎾 京都宇治玄米茶𓎾 斯里蘭卡伯爵茶每份套餐都免費配了甘香的熱玄米茶或是濃郁香醇的伯爵茶 跟餐點也很搭也可以優惠價加配咖啡/其他飲品個人來說較少機會接觸素食不過偶爾吃一頓總會有新鮮驚喜感覺尤其文青親民的氛圍 成功吸引不少年輕客群

係呀，又有咖喱豬扒、又有burger，不過其實我哋食緊齋🤭已經book mark咗素年好一段時間，琴日趁住星期一就去咗食！雖然唔知點解星期一係Green Monday，不過依個星期有一個健康的開始都好呀！素年地方好寬落，係一間好舒服嘅餐廳。餐牌選擇都唔少，就算唔係食開素嘅人都會好容易接受！我哋要咗一個咖喱豬扒飯、一個漢堡同埋一份炸雞塊，樣樣嘢都幾好味👍🏻 成日覺得食齋就係清淡、無乜味，點知原來完全唔係咁！先要一杯接骨木花檸檬雞尾酒，味道幾清新，不過我就略略覺得甜咗少少。黃金脆雞塊炸得香脆熱辣辣，係一個幾好味嘅小食。素年經典漢堡有驚喜，估唔到 impossible meat 都幾好味，無論口感同埋味道都同真嘅牛肉分別唔算大，配埋芝士同埋啲蔬菜，如果唔特別講，可能都未必知道自己食緊齋！伴碟嘅番薯條好好食，甜甜哋。咖喱豬扒係成個定食咁樣，有豬扒、有飯、有漬物、有蕃茄仔同埋甜品，好豐富！咖喱豬扒係日式咖喱嘅味道，我都幾鐘意食；蕃茄仔都唔好錯過，新鮮好味。本身仲想試吓呢度啲純素甜品，不過太飽了😅 下次先啦。

🌿素年經典不可能芝士漢堡超大份量，大愛漢堡皮和紅薯條，肉餅我就麻麻地，唔知道點解總覺得有點苦🌿泰式辣味冬陰功意粉鍾意食辣一定要點，應該處於中辣，濃濃的冬陰功味，超正👍🌿熱焦糖燕麥奶咖啡超香的燕麥味，真的好喜歡呢個味道，感覺好溫暖🌿凍朱古力咖啡Ummm，偏苦🥹不是我想要的味道，有一種好消腫的感覺大量的木質裝修，給人一種自然又文青的感覺，影相非常的出片📷玻璃大門的設計讓自然光充滿室內，寬敞闊落的位置不會令人覺得好侷促😌非常值得去打卡

之前試咗深水埗福華街嘅素年，兩個字：好得👍🏻唔鍾意食齋嘅我，超鍾意食得飽。所以今年母親節飯我哋就試吓黃埔呢一間，整體都係OK嘅，整體都偏油膩。福華街分店好多菜式都好可以走5辛，但係呢一間分店基本上所有嘅菜式都含有蒜，蔥之類的醬汁，福華街嗰一間我哋唔食五辛，所以店員都會推薦我哋食其他嘢，令我感覺到佢哋真係好想推介啲嘢食俾我哋。但係黃埔呢一間，店員都好無奈表示大部份嘢食全素都要全部走晒啲汁，最後食全素媽媽只有極少菜係可以食的。如果純素食不吃蛋不吃五辛的人，唔建議食呢一間。但係如果係為咗健康而去食齋嘅人，都可以一試。

朋友在理工讀書，去黃埔那邊食也是很方便，他想吃素食， 唯有找間比較有名氣的素食餐廳比較新潮， 裝修較簡約。餐牌也是很清晰，雖是素食，但有泰式，日式，美式的煮法。有很多選擇。我和朋友選了兩個主食，一個小食，大家分來吃泰式東蔭功意粉意粉有咬勁， 醬汁香濃，泰式風味令人想一吃再吃不可能炸雞塊是用不可能肉(impossible meat)作做成的，炸得香脆，味道與一般的雞塊差不多，是比想像中好吃。素食全日早餐份量看起來很壯觀， 有菜有菇有素蛋有麵包有豌豆。素蛋很有趣，看起來像煎蛋。 吃起來很有滿足感。餐飲的凍伯爵茶很有趣， 第一飲凍的伯爵茶朋友的本地薑燕麥奶很夠薑。

晚飯時間嘅黃埔好多餐廳都要排隊，唯獨｛素年🌱｝仲有好多位🥲咁有心啲餐廳一定要支持，而且環境舒服，係傾計食飯嘅好地方✅✴️素年經典不可能芝士漢堡✴️依舊大大份，食半個已經飽肚🙈不過可能口味轉咗，覺得啲芝士醬味道同個漢堡格格不入，有少少羶～～✴️日式咖喱唐揚猴頭菇野菜定食✴️猴頭菇好大粒好juicy 💦💦食落好似食緊炸雞肉，配上日式咖喱好夾！仲有薯仔、紅蘿蔔同椰菜花，食完好滿足😌✴️斯里蘭卡伯爵茶✴️跟餐嘅伯爵茶好大杯好冰凍，抵飲👍🏻

平時係食肉獸嘅我，今日轉下口味，嚟到黃埔嘅素食餐廳-素年。店內以木系餐桌為主，感覺舒適簡約。中間位置設有長枱座位，啱晒幾個朋友一次嚟開餐聚舊！✨日式咖哩唐揚猴頭菇定食唐揚猴頭菇外皮酥脆，好似炸雞咁，加埋甜甜地嘅咖哩醬汁，小朋友都啱食🤤🤤🤤✨混醬豆腐丼飯配純素餃子定食混醬豆腐丼飯材料豐富，有翠肉瓜、雞脾菇同大葉等。落單嘅時候，店員都有同我哋講話會有少少辣，不過加埋丼飯一齊食，味道啱啱好，夠晒惹味！

成日都想再返黎食嘅素食餐廳，質賞佢除咗用impossible meat之外，所有食物都唔係用豆製品扮肉，係將日常會食到嘅植物融入餐點，做成好自然無加工嘅野食黑松露野菌意大利飯 $108 加餐湯第一眼望落以為上面嗰d係炸軟殼蟹！差d比佢欺騙！其實係炸秀珍菇，本菇，等嘅菇，份量好大！飯入面仲有火箭菜，其他菇。米係真正嘅意大利米，仲煮得剛剛好嘅口感👍🏻磨菇湯好濃，用大量菇打出黎嘅，濃郁得黎唔咸，仲可以做到好鮮味！素年經典不可能芝士漢堡 $138伴蕃薯條，塊芝士係純素！每次食呢個burger都覺得好”不可能”!!太似真漢堡，你唔講，我唔會覺得係素肉，除咗唔會食到成手肉汁。咬開個包，入面塊肉係有外面啡色/入面偏粉紅嗰種，好似肉嘅血紅蛋白效果！好好食。蕃薯條香港好少有餐廳做，通常都係台灣菜先會出現。

身邊嘅朋友越嚟越多加入素全素食，每個都有唔同嘅原因，有D係宗教原因，有D就係為健康，不過咩原因都好，最緊要係好味。素年嘅素食都唔係第一次食，不過平時都係去深水埗嗰間，今次第一次嚟紅磡，感覺地方大D坐位都多D。今次兩個人食，點咗兩個套餐，套餐有一個主食再加一杯飲品，另外可以再追加餐湯/沙律同埋甜品。主食揀咗：金不換泰式香辣意大利粉及素年經典不可能芝士漢堡。先嚟咗追加嘅餐湯&沙律，餐湯係蘑菇湯，有別平時飲開嘅忌廉蘑菇湯，因為無奶反而飲到香濃嘅蘑菇味道。而沙律就新鮮嘅沙律菜配黑醋，好味。金不換泰式香辣意大利粉好香金不換嘅味道，辣度啱哂唔太食得辣嘅人士，值得一試。素年經典不可能芝士漢堡嘅麵包好鬆軟，而中間嘅素肉真係好有牛肉嘅口感，配菜係蕃薯條，甜甜哋幾好味。最後食埋個飯後甜品糖漬檸檬伯爵茶杏仁撻，甜度唔會太甜，伯爵茶嘅忌廉好香伯爵茶味，餅底有杏仁香，食完個甜品好滿足！

最近有朋友推介左呢間好好味嘅素食餐廳！🌱🥦🥬依間係黃埔分店，比較闊落同多款式選擇，佢真係每道都好好食，一般唔食素嘅人都會比較容易接受。😁 素三文魚，仲有素吉列豬扒嘅口感同味道整到同真嘅好似，真係唔講都唔知係素😵😵整體我同我d fd都好滿意😍😍 一定會再食！F͇o͇o͇d͇🌟1️⃣日式本地菜卷物盛九宮格🍱🍣🌟2️⃣香辣泰式炒意粉 🍝🌟3️⃣日式咖哩吉列豬扒定食🍛4️⃣素年經典不可能芝士漢堡🍔D͇r͇i͇n͇k͇🌟 5️⃣𝘽𝙖𝙣𝙖𝙣𝙖 𝙋𝙞𝙩𝙖𝙮𝙖 𝙊𝙖𝙩 𝙈𝙞𝙡𝙠 香蕉火龍果燕麥奶🌟 6️⃣𝙆𝙞𝙬𝙞 𝘼𝙥𝙥𝙡𝙚 𝙆𝙖𝙡𝙚 𝙊𝙖𝙩 𝙈𝙞𝙡𝙠奇異果蘋果羽衣甘藍燕麥奶🥝

同狗狗去完附近診所覆診，落緊雨，拿拿林搵間餐廳避吓，行過素年醒起佢係pet friendly，寵物可以坐室外，又有瓦遮頭，就二話不說幫襯🏃🏻‍♂️.✨芫荽漢堡配蕃薯條✨漢堡扒既上下都係滿滿既芫荽，芫荽控根本無可能唔叫呢個burger食🤣漢堡扒好厚好大塊；蕃薯條甘香香脆✨豆腐丼配素餃定食✨豆腐丼既醬汁係似酸辣湯既杰身bb辣版本，上面舖左九層塔，食落都幾開胃；素餃有5隻，入面都係蔬菜；成個定食感覺都好light無負擔，仲配有少少漬物同蕨餅做甜品跟餐飲品方面，記得好耐以前素年既其他分店係會用茶包(熱飲)，而家無左茶包，成日都會飲埋d茶葉落口，如果可以改用茶隔可能客人會飲得比較方便

聞名已久嘅素年，上網見佢哋個釀蕃茄超級靚，所以特登即晚嚟試一試真假。再配個signature dish嘅咖喱吉列豬扒定食。第一眼感覺喺，估唔到素食都可以做到咁精緻，完全冇違和感。塊豬扒咬落去令我猶豫咗幾秒，究竟喺真豬定假豬，呢個感覺就好似家燕姐食黯然叉燒飯嘅感覺，喺好好味啊。食唔返咁好食嘅植物肉豬扒飯點算？聽講喺同真豬扒一樣人手每塊搓，厲害。證明素食都唔喺簡單嘢。釀蕃茄一流，上面有芝士，下面喺菇粒。好睇又好食，一睇就知心機貨色。員工都好有禮貌，will come back!

今日去屋企樓下食齋 呢度一改齋菜係好沉悶嘅感覺 呢度非常賣既都係好西餐感覺既素食 好有年輕文清氣息金不換泰式香辣意大利粉 意大利粉口感爽彈加埋金不換同埋茄子豆角豆腐乾等嘅配菜 都幾香口素年經典不可能芝士漢堡 配炸番薯條 佢嘅素牛肉真係如假亂真 連中間粉紅色半生熟嘅肉汁佢都仿真埋 唔講都唔知其實係素菜嚟 而且炸蕃薯條外皮香脆內裏好鬆軟又甜 我哋揀咗免費跟餐嘅斯裡蘭卡伯爵茶 非常香濃另外呢度嘅餐點份量都幾大 所以食完都幾飽肚餐廳仲有兩個免費位係出面 面向行人路及馬路景 可以帶埋狗仔嚟食

📍 素年 (紅磡)約咗好友來到呢間好出名嘅素食餐廳🍴地理位置方便，餐廳裝潢簡約大氣，坐低吹水好舒服素年經典不可能芝士漢堡 $138套餐含有薯條、洋蔥、沙律菜同純素芝士，健康無比。佢哋嘅素肉扒同真嘅完全冇分別😍我同朋友都覺得好amazed！絕對值得一試日本南高梅柚子青提慕斯蛋糕 $68‼️必試之選‼️混合淡淡柚子青提味道的蛋糕口感香滑🍇底部有木糠，食落酸酸甜甜，非常之開胃焦糖燕麥奶咖啡 $36香濃無比，甜度啱啱好朱古力咖啡 $40朱古力味好濃郁，好鍾意🤎