影片
港鐵旺角站 E2 出口, 步行約5分鐘
繼續閱讀
電話號碼
93513394
開飯介紹
餐廳鄰近家樂坊，交通方便；按肉類及海鮮設有不同價位的任食火鍋套餐，另於自助食品區有自選肉類、蔬菜及飮品等選擇，適合和家人或朋友聚會。
繼續閱讀
營業時間
今日營業
12:00 - 15:30
17:00 - 23:30
星期一至日
12:00 - 15:30
17:00 - 23:30
公眾假期
12:00 - 15:30
17:00 - 23:30
公眾假期前夕
12:00 - 15:30
17:00 - 23:30
以上資料只供參考, 請與餐廳確認詳情
有關獎賞計劃
相關文章
一班友聚會就會好想搵d無限時既餐廳仲加埋打邊爐就真係岩晒心水今日食既係Set C, 有勁多唔同款式/部位既牛牛然後仲有豬肉, 雞肉, 海鮮, 餃子, 麵可以用QR CODE叫雖然QR CODE裡面選擇唔係好多但自助區就有超多款式既炸物, 飲品, 菜, 丸..ETC唔算細食既我都無辦法每一樣試晒, 精選左幾款特別有記憶點的首先係藥膳花雕醉雞湯底隨湯底附上左一壺酒以及1/3隻雞壺酒係覺得唔夠濃時可以調味, 諗都唔諗就成壺放晒了! 鍾意酒味濃既朋友都覺得味道好正雞件厚肉, 煮耐左都無柴試晒咁多款牛牛之後, 以下幾款係必試A4和牛牛胸片呢個斉位相當刁鑽脂肪量較低但分散所以油花紋理較粗獷, 口感彈牙有嚼勁美國安格斯牛板腱屬於稀有部位, 平均一隻牛只可以取出約2公斤最明顯嘅特徵係扒中間有一條透明肉筋, 牛味相當濃郁美國安格斯牛背峰即係肉眼蓋,牛肉眼上面嫩滑既部位油花分布細緻綿密, 入口油香較重牛骨髓簡直係膠原蛋白放題, 咬落去有D似啫喱, 非常軟綿而且係無任何內臟異味海鮮有黑魚片, 虎蝦, 北吉廣島蠔黑魚片嫩滑到有D似酸菜魚蝦同蠔係合理尺寸兩款都有鮮味台灣阿給拎黎打邊爐夠晒特別油豆腐外皮包住既係豬肉, 魚漿, 粉絲同木耳油豆腐皮吸晒醉雞湯, 直接成個變左小籠包咁, 勁多汁爆發飲品方面有紅豆薏仁水, 冬瓜茶同唔少特色選擇唔太甜, 飲完都無咩罪疚感又有QUOTA食多D!
繼續閱讀
開心星期五 🥳想搵個地方同朋友吹水食飯見呢間寫無限時火鍋放題!!! 🤩帶位入去前，要先揀好叫邊個Set同湯底一共分三個價位$248/298/368有七種口味湯底可以揀👅環境好大，枱之間都闊落坐得幾舒服牆身有好多港式電影的元素🇭🇰又有經典對白的LED燈🔆氣氛好好 十分有地道感前菜吧 有兩款小食：青瓜、木耳跟住仲有港式糖水：木瓜西米露熟食方面，好驚喜竟然有瑞士雞翼大量炸物，如燒賣/薯格/咖哩角等等飲品櫃任飲，花款都好多😍有黑啤，果汁，茶類，仲有紅豆薏米水店員仲會Keep住Refill，唔會怕無哂旁邊仲放左公仔麵任拎😛我揀左中間價Set B其實已經包括左7-8款牛肉 相當夠食唔同套餐包的肉類都係要用QR落單而普通丸類、蔬菜就可以去自助吧任夾😝上餸速度極快，點完無耐😮就一次過上哂咁多款牛肉啦份量都唔少架，一份都已經最少有四塊我地各款都點左一份黎試整體全部都好食，肉味好濃，完全唔韌😬我自己最鐘意係薄切封門柳同澳洲M5和牛牛肩胛封門柳個口感好柔軟好嫩👍🏻而牛肩胛就比較彈牙、咬落去爽D仲有一個好特別的餸叫「阿給」🫶🏻絕對要試，係出面小見腐皮入面包住豬肉, 魚漿, 粉絲同木耳用黎掛湯一流！！吸晒壽喜燒汁,一咬D汁爆哂出黎最後我地坐左差唔多三個鐘先走😂期間完全無被催趕或者有任何面色真係一個CP值好高，食物水準唔錯，傾計聚腳好地方。
繼續閱讀
這間餐廳以提供豪華的火鍋放題為主打,提供了多種優質食材和特色湯底,讓顧客可以充分享受火鍋的美味與樂趣。其中最受歡迎的就是他們的M5M8和牛套餐,主要包括:- 澳洲頂級M5和牛牛肩胛,肉質鮮嫩多汁- 美國安格斯牛板腱和牛背峰,肉質軟嫩多油花- 新鮮的生蠔和海蝦,提供豐富的海鮮選擇這些優質食材搭配上餐廳獨特的醉雞湯底,湯頭鮮美濃郁,能夠充分激發食材本身的美味。除了這套餐,餐廳還提供多種其他湯底和食材供客人選擇,如清湯、麻辣湯、番茄湯等,以及各種蔬菜、豆製品等配料,滿足不同顧客的口味喜好。餐廳的環境也頗為舒適,提供了寬敞明亮的用餐空間,並配備有個人火鍋爐,讓客人可以根據自己的喜好隨意調整火鍋的烹調方式。總的來說,「肉浦團火鍋放題專門店」是一家頗有特色的火鍋餐廳,無論是想品嚐頂級和牛還是新鮮海鮮,又或者只是單純享受火鍋的樂趣,這裡都是一個不錯的選擇。提前預訂可以確保有位置,與親朋好友一起來這裡共享美食定能創造難忘的回憶。
繼續閱讀
上星期去左隔離食大排檔既時候經過見到依間肉浦團火鍋放題見個名同價錢都幾吸引，即刻問frd有無興趣試試，結果今日就黎左食喇🤣點解我frd咁快應承既原因，就係依度有嘉士伯/黑啤任飲！真係唔多地方有，黎到之後除左飲品多選擇之外，火鍋配料都唔少🤔一大堆唔同款式既蔬菜/丸/菇，仲有幾款炸物，薯格/薯條/麥樂雞/咖哩角/炸燒賣，我都試左少少，味道可以，要新鮮炸起果陣拎！A4和牛牛胸片/後腿肉/肩胛肉眼🐮A4和牛保留牛肉原汁原味，牛味濃郁有嚼勁，好好味！👉🏻牛胸片，肉質鮮嫩多汁，配壽喜燒湯一流，牛肉細膩入味，口感豐富👉🏻後腿肉，肉質細膩，牛肉纖維緊密👉🏻牛肩胛肉眼既部位肉質豐潤，含有較多脂肪紋理，較重油脂味，口感滑身少少。牛背峰/牛板腱/封門柳/牛五花🐮👉🏻牛背峰肉眼筋膜切下既上蓋肉，油脂花紋分佈均勻👉🏻牛板腱肩胛上方既肉，中間有條透明既嫩筋，脂肪少肉質口感酥脆👉🏻封門柳係橫隔膜，空腹肉附近，稀少部位，肉質桀軟牛味較濃👉🏻牛五花油份較多，層次豐富，配合壽喜燒汁非常滿足。各種配菜都幾好食😁菜既款式基本都試哂，旺菜、生菜、菠菜、萵筍等等🥬全部索哂我最愛既壽喜燒汁，超級入味，食足全程一點都唔油膩，另外仲試左幾款菇，都鮮甜。當然仲有丸類等等，當中芋頭丸係最好食😋同埋魚腐任拎超正🫰🏻魚肉味重亦唔會油淋淋既感覺。仲食左虎蝦都幾彈牙！🦐 可惜最後掛住食牛肉，已經無哂quota，如果唔係想落多個公仔麵😂不過都有飲多一罐黑啤作最後總結，始終真係好少見有黑啤放題🍻🍻🍻牛既質素幾好😚set c既價錢較抵，因為A4會相對上更加好味，值得加，係會再黎食既一間放題！
繼續閱讀
肉浦團 （旺角） 打邊爐一向係香港人最愛。今次黎到旺角呢間打邊爐放題試一試，重點係佢有成120分鐘，時間夠長就食得盡興好多。 M5M8和牛Set （$368） 佢一共有八款湯底可以選擇，鍾意食辣嘅我當然係選擇咗佢嘅秘製麻辣湯，唔算非常辣，可以大膽挑戰一下。個set既重點當然係佢既澳洲M5和牛牛肩胛同澳洲M8臀腰肉心，但除咗佢哋之外，呢度其他牛肉嘅部位都幾好，例如係封門柳同牛背脊肉，都係肉味十足。除此之外，其實仲有好多配菜，可以用QR code落單，又或者喺吧枱自己夾，細食嘅我就淨係試左呢啲。臨尾唔好唔記得佢仲有個雪糕！完美！
繼續閱讀
您可能會有興趣的...