402
6
6
| 餐廳: | 鮨燐 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
全日休息
星期一至六
12:00 - 14:30
18:30 - 22:30
星期日
全日休息
公眾假期
12:00 - 14:30
18:30 - 22:30
公眾假期前夕
12:00 - 14:30
18:30 - 22:30
以上資料只供參考, 請與餐廳確認詳情
有關獎賞計劃
優惠
《鮨燐 - 上環》我個人覺得食Omakase 其實同開盲盒一樣，按照廚師嘅喜好同埋時令嘅食材而安排適合當日製作嘅菜式，你永遠唔到食嗰下唔知道你當日會食到啲咩😌食嘅係壽司師傅嘅手勢同埋烹調手法，從刀工、切法以及調味都經過精心計劃☺️留意到近排好多日式餐廳都有推出唔同優惠嘅廚師發辦套餐，今次就去咗一間我自己都幾喜歡嘅壽司店，平時多數去尖沙咀嗰一間，但係今次我又想試埋佢上環呢一間分店嘅做法，所以特登book咗喺收工之後過嚟食晚餐😎原來呢間壽司店喺港島已經有六年歷史，係區內有名氣嘅壽司店之一，出名食材新鮮而且抵食，當晚都見到好多一個人自己嚟食壽司嘅客人😎雖然餐廳用嘅食材都係從日本唔同地區運送過嚟，但係價錢又唔算好離地喎，原本14件廚師發辦嘅壽司套餐原價$1380，而家做緊六折優惠，只需要$828就食到啦💁🏻♀️啱晒情侶慶祝又或者同生意夥伴食飯去嘅地方🤭呢一個套餐以壽司為主，首先會上前菜三味，然後師傅會再於席前製作壽司，所以食到美食之餘仲可以向師傅偷吓添🤭💁🏻♀️前菜三味🔹松葉蟹配柚子醋啫喱及紫蘇花雖然細細碟，但係望落好精緻，松葉蟹肉配上酸酸甜甜嘅柚子醋啫喱，食落開胃而且味道清新，好喜歡上面落咗紫蘇花，帶出陣陣嘅香味🔹水梅貝新鮮嘅水梅貝用咗甜甜嘅醬油製作，食落彈牙爽口，味道甘甜🔹沖繩水雲沖繩水雲其實即係海帶嘅一種，用咗酸酸美味嘅醋汁調味，咬落索索聲好爽脆，作為前菜十分開胃💁🏻♀️壽司十四貫🔹愛媛縣蜜柑鯛魚肉帶有陣陣嘅水果香氣，肉身質地比較爽脆，師傅輕輕用鹽吊出魚嘅鮮味，味道相對較清新，作為第一件壽司會由淡味開始食起👍🏻🔹鹿兒島烏賊 其實就即係墨魚，師傅用咗細切嘅方法，令到魚肉更加帶出到黏性同埋實身爽身，煙煙韌韌嘅感覺特別 🔹金目鯛配香蔥師傅將魚皮用熱水灼一灼再燒香，令到魚肉可以迫番啲油出嚟，更加帶出到個油份同甘香，配埋新鮮嘅香蔥，食落有層次而且有不同嘅口感🔹北海道帶子肥美嘅帶子食得出新鮮嘅口感，有種黏黏糯糯嘅感覺，味道都幾清甜🔹日本大分縣深海池魚呢件壽司我印象好深刻，喺深海魚肉上面放咗自製芝麻醬，入口有好香芝麻味，而且深海池魚嘅油分本身都好高，配上芝麻醬之後好似食緊麻油肥豬肉咁👍🏻口感肥美香濃🔹間八魚 師傅話佢就係我哋平時叫嘅樟紅魚，上面落咗少少甜麵豉醬，成件壽司偏重味道，咸香味十足🔹銀鱈魚BB咁耐以來都只係喺鮨燐食過銀鱈魚嘅BB，師傅用咗柚子胡椒醬調味，又係勁厚同勁重油香嘅魚肉，不過師傅落wasabi都幾重手😝聽講係可以令到冇咁油膩🔹神奈川梭子魚 外皮落咗少少糖再經過炙燒，外皮微脆，師傅在塗抹上青汁調味，入口立即溶化☺️個醬汁幾特別，可以話係當晚我最喜歡嘅壽司之一🔹兵庫縣甜蝦 師傅物盡其用，將蝦膏同埋蝦油製作成醬汁再用返喺呢一件壽司嘅調味上面，食落香口惹味 🔹岩手縣赤貝 赤貝我就最鍾意睇師傅打佢嗰一下，超得意😝個肉質爽脆而且帶有海水味，係比較清爽嘅口感🔹島根池魚 呢一件池魚同樣係比較濃味嘅一件壽司，同深海池魚屬於唔同科，不過同樣都係肥美肉厚嘅魚類，師傅用咗薑蓉蔥花製作，有啲混合咗中式嘅製作方法，口味特別🔹長崎縣鯖魚位列當晚我最鍾意嘅壽司第二位，好難形容佢嘅味道，好多層次而且味道有驚喜，喺軟滑嘅鯖魚壽司上面放上經過醋醃既蘿蔔片，切得好透薄，但係食落好爽口，可以幫助中和油膩感，呢件壽司令人印象深刻🔹愛媛縣中吞拿魚腩 好多壽司店都會用大拖羅作結尾，但係呢度就用咗半肥瘦中拖羅，我就覺得唔使下下用到最肥美嘅大拖羅嘅，反而中拖羅嘅油唔會過多但係又食到有魚肉味，最緊要係冇血腥味，咬落軟腍，而且有肉香，油份魚味都配合得好好🔹馬糞海膽食廚師發辦，最尾一定會係呢件件萬眾期待嘅海膽壽司🥰師傅輕輕用咗特調醬油調味only，餘下嘅就由海膽自己發揮啦😌鮮甜美味，口內帶有餘香👍🏻好想偷咗成盒海膽走💁🏻♀️味噌湯&師傅手做抹茶奶凍食飽飽就輪到飲味噌湯啦，唔會死鹹而且微微透出一種香甜嘅感覺，唔知係咪味噌嘅關係，飲完個嘴仲會有陣甜甜地嘅感覺，入面仲有海帶同埋豆腐，飲完成個身暖笠笠🥸而甜品方面係師傅手作嘅抹茶奶凍，食落唔會太甜，奶凍上面放有黑豆，奶香同埋抹茶嘅澀味做得好平均，完美地為呢一餐畫上句號
繼續閱讀
跟朋友約會在上環，晚上的中上環街上挺寂靜的，但食肆有不少是高質素的，這次朋友約食日本料理，一開門就見一張長長的吧枱，2，3人坐著聚會看著廚師製作料理不錯，人多可能要去包廂。侍應姐姐介紹套餐有8折，所以點了11貫壽司套餐。前菜是～沙律菜，清爽柚子醋沙律。真鯛壽司，加了少許柚碎，師傅說魚的表皮被輕輕拖過水，所以皮很爽脆。帆立貝壽司，加了少許碳鹽不用沾醬油，咸鮮味十足。烏賊壽司，比魷魚更爽脆，好好咬口，墨魚味比較濃。左口魚魚邊壽司，充滿魚的油香，加了少許柚皮和辣椒蘿蔔和日本蔥，鮮味香味很好。梭子魚壽司(又名竹簽魚)，沾上醬油烤過和芝麻，香氣迫人。池魚壽司和深海池魚壽司，出產自日本大分縣，分別在於一深海比較濃郁魚味，和比較爽身。野生油甘魚壽司(又名獅魚)，魚味比較濃。中吞拿壽司，不用多說絕對好食。北海道馬糞海膽壽司，軍艦最重要紫菜夠脆，海膽鮮味濃郁，非常好味。青森縣三文魚籽軍艦壽司，相比普通三文魚籽更甜身，加了少許柚皮和青檸汁，更覺清新不膩口。蔥吞拿蓉手卷，用手食更滋味。最後上了一款熱食～蒸蛋，很滑嫰，熱辣辣。麵豉湯和芝麻雪糕，劃上圓滿的一餐句號。
繼續閱讀
和朋友相約日本菜小店Omakase，壽司11貫優惠後每人不用$440。小店在上環永樂街，只有9個位，附近有其他小餐廳，競爭頗大。我們7點到達，已經滿座。來過沙律和蒸蛋後，充滿期待地迎接第一道壽司。整個晚上，師傅用心介紹每款壽司的特色，讓我不得不細心記錄下來跟大家分享。第一道是石燒鯛魚壽司。製作時多加油和Wasabi，肉身部分較爽；滿意。接著是墨魚壽司。墨魚用豉油輕輕燒過，味道比起魷魚濃郁，較爽身；加點青檸汁，滑溜之餘添加一份清新。岩手縣帆立貝，撒上加了竹炭的鹽，以更好保留貝肉的鮮味。左口魚皮邊，連飯一起燒，可以讓油分浸入飯團；加上少許柚子皮、蔥和辣椒蘿蔔。魚入口即溶，味道較淡，但口感幼滑。日本神奈川竹絲魚，又叫梭子魚。火炙、加芝麻，魚質比較厚實，魚味較出。第一次試銀鱈魚BB，香港一般的冰鮮銀鱈魚由歐洲入口，而這種幼嫩的BB比較少用，肉質嫩滑，加上麵豉醬和Wasabi莖部調味，鹹香較重，非常特別。熊本深海池魚，簡單地只加Wasabi 、豉油。油分減少，魚味更出。島根池魚，體積較深海池魚細小。大吞拿魚腩的筋，師傅解釋，是味道之所在，多咀嚼可釋出味道；感覺香、甜。北海道馬糞海膽，又稱黃海膽，味道清甜。紫菜香脆，略帶鹽巴，非常滿足。青森縣三文魚子，每店醃製方法不一，此店較甜。最後的麵豉湯清甜細膩，甜品柚子雪芭，質感細滑，柚子皮苦澀清新，很喜歡。這裏沒有高檔的餐具和裝修，甚至整個晚上都只用同一款碟子，也沒有什麼擺碟。廚師細心講解、製作過程認真、店員服務專業，已經讓我為這次體驗而動容。
繼續閱讀
之前同老公嚟過食Omakase，上次體驗好好，今次約埋一齊再encore揀返bar枱位可以近距離看到師傅專業既刀工，師傅亦好樂於同客人交流介紹食材和菜式今次揀左壽司十一貫➕手卷set🍱食材主要都係來自北海道或九州，有海膽、大吞拿魚腩、松葉蟹等款式，11款可以自選，又或者交俾師傅發辦，可以試到好多季節限定食材，人均都係4百左右，價錢非常相宜套餐一樣都會有茶碗蒸, 日式蒸蛋特別嫩滑口感，菜碗蒸加了好多菌類，非常鮮甜🔸北海道帆立貝🔸大分縣深海池魚加左少少檸檬味更加帶出鮮甜味每件壽司師傅已經調配左味道，🔸兵庫縣甜蝦好大隻，食得出新鮮有爽口口感🔸三文魚第一次食用醬油漬方法，食落完全唔會看得咸，反而有少少甜味帶出更加配搭刺身🔸北海道銀鱈魚咁多件呢款最有驚喜最喜歡😍 鮮甜味濃郁而不膩🔸北海道魷魚一讚師傅刀工可以將刺身整得像藝術品🤣 魷魚肉肥厚，食落一層層口感🔸北海道馬糞海膽海膽份量好多，好juicy🔸大吞拿大拖羅好肥美，食完鮮甜味仍久久留在口中🔸火炙三文魚三文魚腩位用魚身最側位置，師傅即場火炙，食落肥美得嚟又爽口🔸松葉蟹香濃松葉蟹帶點清甜，好開胃🔸中吞魚腩手卷中吞拿魚腩配埋芝麻香蔥同時一齊食，味道更有層次
繼續閱讀
鮨鱗近來推出壽司套餐，除Omakase 外，多了一個相宜價格的選擇。沙律有番茄仔，落黑醋。蒸蛋主要有蟹柳及菇，蛋滑溜夠熱。鮫鰈魚右口魚邊，上面加了竹炭鹽，肉質爽；淡路島魷魚壽司，燒過加了青檸汁。大分縣深海池魚，油脂不經炙燒都夠肥美；北海道帆立貝鮮甜，加了青檸汁及醬油，青檸味幾突出。油甘魚超級肥美，厚切且有入口即溶感覺；赤貝爽口清甜。宮城縣大吞拿魚腩及中吞食魚腩，先食中吞拿魚腩已經夠肥美，接連食大拖羅油份高到極致。燒秋刀魚好濃味；燒鰻魚左口魚上有萬能蔥，好香的魚油味。海膽壽司來自北海道馬糞海膽，紫菜夠脆。腐皮壽司不講不知道，是由店內自家製，與包裝貨不同，飯加了煮腐皮的醬汁，有些濕潤感覺。吞拿魚手卷，紫菜脆卜卜，但忍不住叫了少飯，因為太飽了。服務好好，師傅及侍應都會關心客人。
繼續閱讀