螢火位於尖沙咀區，環境非常好，氛圍感十足，很適合同朋友一齊去，情侶聚集地。一定要試試哩度噶鐵板燒，食材非常新鮮，系即點即做噶，非常高質量，完全保留了海鮮噶新鮮味道。我地系夜晚黑去噶，點了個晚市鐵板燒，澳洲大龍蝦、鮑魚、和牛，應用盡有，真系大大的滿足！

中環蘭桂坊上到盡就見到呢間閣樓小店，完全啱晒我鍾意飲酒嘅朋友，同埋唔鍾意飲酒嘅我。 日式紐西蘭極佳級牛扒(360g / 12oz)呢個份量絕對夠兩個人食，鐵板燒醬汁勁正，烏冬都好彈牙，仲有糖心蛋添，湯又超甜啱我飲。 嘢飲方面我點咗魔法可可嘅忘憂的治癒術，入面有薰衣草同薑黃，棉花糖大大粒，好好打卡，朋友就調酒師Anna特別炮製咗杯甜酸苦辣都有齊晒嘅重酒精雞尾酒比佢。 最後甜品就點咗時光逆流嘅招牌蛋糕，紅蘿蔔朱古力蛋糕好好好好甜，大愛呀。

灣仔區燒味鋪真係多選擇到一個點 新鋪 紅紙都未摵 去到好少行過搵食嘅譚臣道 細鋪 一眼睇晒 大約可以坐到八個人 今日食飯時間又唔洗等位 可能位置問題？ 整體企理嘅 宜家餐廳有紙巾加分啦 半開放嘅廚房 直接同師傅落order都得 一個樓面一個師傅 應該係兩公婆嘅二人鋪 例湯一碗 Ok啦 有下午茶時段 兩點開始 平十蚊 豉油雞叉燒雙拼飯 $57 靚仔 好少可食燒味配生菜 叉燒 略嫌唔夠淋 有少硬 不過調味係ok 合格有餘 豉油雞 好味道 豉油甜香味 正 雞肉都嫩滑 返工食飯嚟講都係一個好選擇 外賣自取有九折 收八達通 cash only

呢間餐廳見到個舖頭名都知道主打嘅係蕃茄類別嘅食物，餐牌喺上面有唔同嘅蕃茄湯麵同埋焗蕃茄飯。價錢就係一般茶餐廳咁嘅價位，算係合理。 當日同朋友點咗一碗大嘅蕃茄麵，係二人份量，湯麵有齊唔同嘅餸菜，可以樣樣都去試啲，而且咁樣share食比起每人嗌一碗嘅價錢更加便宜。 蕃茄湯底可以選擇大中小辣，當日就點咗小辣，辣味唔算太強。但辣味同埋蕃茄湯底嘅配合非常適中，喜歡食辣嘅朋友可以試一試點中辣哦。 至於粉方面亦都提供唔同嘅粉面可以選擇，包括長意粉，螺絲粉，米線等等。當日就點咗螺絲粉，食起上嚟每一啖都可以索到更多嘅湯汁。 餸菜方面，有一般嘅丸類同埋牛腩，另外亦都再可以自選三個餸，當日就揀咗雞軟骨餃子同埋雞翼等等，份量足夠兩個人食有多。餸菜味道就普通，但性價比算高。 呢碗粉跟餐包飲品，嗌咗泡沫檸檬茶，比起普通檸檬茶嘅味道有些微分別。大家可以試一試。

Yesterday, my friend and I visited the charming Some Day Or One Day Cafe for a delightful lunch experience. The cafe boasts a girlish and romantic ambiance, complemented by beautifully presented dishes served with artistic cutlery. We savored the following delectable selections: 🍝 Hokkaido Scallops Linguine with Sea Urchin Sauce 北海道帆立貝海膽醬扁意粉: A divine combination of tender Hokkaido scallops and a rich sea urchin sauce, perfectly coating the al dente linguine. 🍛 Salmon Roe Seafood Risotto with Lobster Sauce 三文魚籽龍蝦汁意大利飯: Indulge in the creamy goodness of this seafood risotto, enhanced by the savory lobster sauce and the burst of flavor from the salmon roe. 🥖🥣 Garlic bread with pumpkin soup 蒜蓉包南瓜湯: A comforting duo of garlic bread paired with a velvety pumpkin soup, served in a cute bowl. ☕ Ruby Chocolate Strawberry Latte 紅寶石巧克力草莓鮮奶 (Limited Availability): Treat yourself to a unique beverage featuring the delightful combination of ruby chocolate and fresh strawberries in a creamy latte. ☕ Dirty Coffee 髒髒咖啡: Indulge in the rich and robust flavors of a classic Dirty Coffee, perfect for coffee enthusiasts. 💰 Total: $521 for 2 people (including 10% service charge).

💭Peko Peko Eatery呢間餐廳我bookmark咗幾個月，我終於都可以黎太古食🤭木系裝修比人嘅感覺係超舒服☘️配合小量綠色植物，感覺醒神又舒服🏝️ ─═★:;*─═☆:;*─═★:;*─═☆:;*─═★:;* 🔸海膽三文魚籽竹炭烏冬 ► $198 必食‼️黎之前已經決定好一定要食佢🤭估唔到真係咁正，一上枱已經好香，醬汁非常濃郁，竹炭烏冬煙韌彈牙，而且非常掛汁，每一啖都係滿滿嘅海膽汁，海膽大大舊，好鮮甜唔會腥！ 🔸蟹肉牛油果船 ► $98 牛油果面頭加滿蟹肉、蟹籽、蜜桃、果仁，層次好豐富好有口感，蟹肉好鮮甜！本身自己都勁鐘意食牛油果，呢個配搭好好食，又fresh又滿足😍 🔸香煎西班牙豬胺 ► $248 豬胺好厚身同大件🐷，煎得好香口，估唔到係好多肉汁勁juicy，但油脂感唔會重個隻👍🏻 🔸Peko自家製芝士蛋糕配藍莓醬 ► $98 推‼幾有驚喜🤭通常食開嘅芝士蛋糕係一件咁食，呢度嘅芝士同藍莓醬係分開，芝士每一啖都軟綿綿好幼滑，奶香味好濃厚👍🏻藍莓醬勁多果肉，絕對係真材實料🫶🏻而且唔會好甜，好好食🙌🏻 🔸Stawberry Smoothie ► $52 賣相好可愛，好清新嘅士多啤梨smoothie🍓

元朗真係好多好嘢食～近排發現咗一間茶飲店好正，好值得推介ฅ^•ᆺ•^ฅ -紅荳粉菓鮮奶 $36- 呢杯口感超級豐富～飲落有啲似紅荳冰，仲有好多紅荳喺入面～除此之外，粉菓超好食！質感有少少似蒟蒻，但更軟嫩～ -茉香綠茶 $21- 呢杯係老公叫嘅～佢平時好少飲手搖，所以佢好保守咁叫咗茉香綠茶。個茉莉味好香～好突出！！飲落去好滑順呀～估唔到咁簡單嘅茉香綠茶都可以沖得咁好飲，喜出望外！ -百香鮮QQ $37- 呢杯飲落就比上兩杯清新，百香果味酸酸甜甜，好啱流晒汗嘅夏天飲，入面仲有啲QQ，好有咬口！ 雖然呢度鋪仔細細，但店家都好有心思去設計，仲有幅打卡牆，見到好多人嚟買嘢都會喺度打卡❤️❤️

夏日炎炎緊係要飲返杯清涼嘅冰凍嘢飲啦😬係小編屋企就有呢間人氣相當高嘅「花斑茶社」係附近，真係夠哂方便😊放工等埋太太，就一齊過去買返杯冰凍飲品先☺️ 完熟蘋果冰茶(四季春) $28 除咗冰涼暢快嘅感覺，而且仲有十分之清新嘅味道，啖啖嘅蘋果加上四季春，味道的確與別不同！😋 黑糖珍珠抹茶鮮奶 $36 + $6 芋圓 首先講吓黑糖珍珠同芋圓，大家都相當之煙靭，咬落嘅口感十足👍再配上抹茶鮮奶，濃濃嘅抹茶令味道昇華🤤

餐廳走工業風裝修設計的風格，融入市區的同時，坐在窗邊令人舒服 餐廳位於中半山，少少隱蔽🤏而店內風格是走水泥型格風，打開的落地窗加上陽光，春日的午後十分愜意～ 餐廳也是Pet Friendly🐶可以見到不少狗仔陪主人來飲咖！ 對的，他們家的咖啡很不錯，咖啡 選擇了Latte同埋Flat white . 豆都好香！ 🍽️Double Black All Day Breakfast 一份Brunch 一上來就已經覺得超豐富！Scramble Egg、炒蘑菇、小蕃茄、煙肉及香腸，香腸還可以選辣味或不辣，當然還有茄豆同沙拉，新鮮好味🥗 🍝Grilled Prawns Spaghetti 對於喜愛海鮮和意粉的人來講，不可錯過這家佳餚。麵條的口感選用了偏麵條，煮得剛剛好，保持了韌性和彈性。蝦的部分是開邊，讓整個盤子更加美觀。 同埋，Pet friendly 餐廳點都會有幾隻狗仔入店，見到不少狗仔都好開心🍽️

一間位於旺角定位特別的餐廳，西餐意粉、港式小食、港式糖水、西式甜品、台式甜品，選擇十分多元化，但食物質素就成反比!!🤖 - 椒鹽軟殼蟹明太子忌廉意粉 HK$98 🦀🍝
咸度十足無明太子香!!明太子忌廉份量頗多，但味道過咸，明太子香氣不突出。即使加上紫洋蔥及青瓜放入口都無補卡事。椒鹽軟殼蟹炸得酥脆，但完全無味，食到一頭霧水... - 慢煮美國封門牛柳沙茶天使麵 HK$118 🥩🍝
調味奇怪鬆肉粉過多!!牛肉肉質雖軟嫩，但明顯鬆肉粉過多，肉味欠缺。沙茶味道甜味過於突出，而且非常濃厚，配搭幼身天使麵味道過重，超奇怪!! - 椰汁西米 HK$58 🍨
質素與價錢成反比!!芋頭椰汁西米露缺乏芋頭香氣，而且椰香不足，嗯...再加上糖水表面焦糖做得太厚亦不夠脆，寧願無焦糖好過。裝飾用的三粒芋圓及糖水中的芋圓正正常常，但與整體完全無關係，各有各味道...

📍風車 (大圍) 大圍積存街50號葵偉樓地舖 . 肉眼扒二人餐 🥩 $528 🔸頭盤 🥗 帕爾馬火腿沙律 份量好足夠 火腿亦都俾得好大塊 食落有啲鹹香味 肉質嫩滑 再配上黑醋 中和咗火腿嘅油脂味 . 🔸餐湯 🥣 蕃茄濃湯 可以食到粒粒分明嘅蕃茄 而且湯汁一啲都唔稀 飲得出係煮咗好耐嘅蕃茄濃湯🤤 . 🔹波士頓龍蝦意大利粉 龍蝦好貼心 會預先幫你剝埋殼 唔使自己拆肉～仲會幫你放埋一齊去焗真係好方便😋 龍蝦嘅尺寸適中 但係有龍蝦膏 同埋鮮甜嘅蝦肉 好厚身好彈牙 食落，又有少少芝士蝦味😙 意粉方面 帶有陣陣嘅海鮮同埋龍蝦香味好夾🥰 . 🔹美國安格斯肉眼扒 - medium rare 一向鍾意食牛嘅我 一見到肉眼即刻叫咗～果然冇令我失望 肉眼扒好厚身 而且切出嚟好Juicy 而且呢塊肉眼扒偏瘦 肥膏部份唔太多 對於減減肥又想食肉嘅人士就啱啱好～ 另外佢配嘅薯蓉 好creamy 配埋肉眼一齊食 好夾😋 . 🔺甜品 竟然係西班牙油炸鬼！西餐廳嚟講真係好少見 仲要炸到啱啱好 配埋啲砂糖一齊食 好開胃🤤 . Strawberry colada 🍓 $78 有飲開 colada 嘅就知 一係會整得好好味 一係會整得好難飲 而呢一間 係好好味嗰隻 連不嬲唔飲開酒嘅朋友都讚不絕口～陣陣嘅士多啤梨味 再配上調得啱啱好嘅 colada 完美🥰 .