影片
更多
2024-04-19
244 瀏覽
今次我地黎到一間開業幾個月，好有港式裝修風格既餐廳打邊爐，其實重慶大廈旁邊有個位置落地庫係有餐廳架，環境都好新淨，似一個新商場，唔似重慶大廈本身咁舊，出開黎尖沙咀就黎試新野啦🤓呢間餐廳由裝修至到餐具都係舊有香港風格，就連播緊既歌都係一連串既懷舊金曲，店員既服裝都係舊式茶餐室既白色衫，係度食飯未開餐已經好有親切感🥰火鍋2人餐（$358）雖然呢度佈置好懷舊，但係點餐就跟上時代用QR code落單，呢度既2人餐都好豐富，首先揀個湯底，想食鴛鴦湯可以+$30，我就揀左沙爹濃湯同皮蛋芫荽湯✌🏻肉類可以自己選擇豬牛羊，我就揀左滑牛肉，係呢間餐廳既其中一款必食之選，佢地既滑牛肉係配上一隻生雞蛋，食之前撈勻佢先放湯煮黎食，放落沙爹湯煮，加埋大光麵即刻變成沙爹牛肉麵，好食得黎真係夠曬港式風味🇭🇰其次2人餐既配料仲有多汁貢丸，鮮蝦，午餐肉，蟶子（不過我地當日無貨轉成帶子），響鈴，墨魚，珍寶長蟹柳，呢d全部跟餐有，其中我比較欣賞貢丸同帶子，貢丸真係爆曬汁口感好正，帶子食落味道新鮮👍🏻仲有可選項目就係牛丸墨魚丸2選1，蟹子蝦仁滑同墨魚滑2選1，同埋烏冬，大光麵，出前一丁3選2，我就揀左牛丸同墨魚滑，牛丸有d潮
呢間餐廳由裝修至到餐具都係舊有香港風格，就連播緊既歌都係一連串既懷舊金曲，店員既服裝都係舊式茶餐室既白色衫，係度食飯未開餐已經好有親切感🥰
火鍋2人餐（$358）
雖然呢度佈置好懷舊，但係點餐就跟上時代用QR code落單，呢度既2人餐都好豐富，首先揀個湯底，想食鴛鴦湯可以+$30，我就揀左沙爹濃湯同皮蛋芫荽湯✌🏻
肉類可以自己選擇豬牛羊，我就揀左滑牛肉，係呢間餐廳既其中一款必食之選，佢地既滑牛肉係配上一隻生雞蛋，食之前撈勻佢先放湯煮黎食，放落沙爹湯煮，加埋大光麵即刻變成沙爹牛肉麵，好食得黎真係夠曬港式風味🇭🇰
其次2人餐既配料仲有多汁貢丸，鮮蝦，午餐肉，蟶子（不過我地當日無貨轉成帶子），響鈴，墨魚，珍寶長蟹柳，呢d全部跟餐有，其中我比較欣賞貢丸同帶子，貢丸真係爆曬汁口感好正，帶子食落味道新鮮👍🏻
仲有可選項目就係牛丸墨魚丸2選1，蟹子蝦仁滑同墨魚滑2選1，同埋烏冬，大光麵，出前一丁3選2，我就揀左牛丸同墨魚滑，牛丸有d潮汕牛丸feel，墨魚滑有好多一粒粒既墨魚肉係中間，好足料，大光麵就係為左我既沙牛麵而揀，鐘意食沙牛麵可以跟我個配搭揀，個湯底係好香沙爹味真係似沙牛麵果款同埋唔會好杰😋
皮蛋辣醬醉雞拌麵（原價$65，推廣價$48）
店員介紹話呢個麵做緊推廣優惠，我地叫左碟試下，個撈麵幾爽口，醬辣辣地唔會太重口味，醉雞件整得夠入味，仲可以放湯煮下先食都一樣好味🤪
熊仔爆檸茶（$45）
呢杯熊仔爆檸茶超級大杯，熊仔冰係用檸檬茶造既，即使溶冰都唔會沖淡茶味，個樣又可愛，我未飲已經要比相機飲左先🐻
呢間餐廳都幾抵食，2人餐有咁多野食勁豐富，環境又有feel，黎緊母親節可以過黎食番餐，做下孝子😆
張貼
