聚鳥亭

營業中

休息中

打邊爐通常都係中式，咁今日就係喺間日式舖頭食個日式火鍋。雖然都有啲人來都會食下雞煲，（日式店但亦有中式雞煲食）但我覺得來得日式舖當然係食啲正宗嘅日式嘢啦，襯返個環境呀嘛😛😛嗌咗個“日式豬骨濃湯”湯底，跟住慢慢掃qr code，喺度搵嘢食，都未揀完，店長就送咗一碟“凍食鮑魚”請我哋食，真係好surprise吖，雖然係送嘅，但一啲都唔馬虎，啲鮑魚qq彈彈好好食呀👍跟住睇吓我哋又揀啲咩食呢？我哋揀咗“墨魚丸”、“手作蝦滑”、“粉腸”、“美國羊肩肉片”、又有“冬菇”和“蟹味菇”，中式、日式食品各有啲啲，主食就揀咗“武藏野手打拉麵”。粉腸數量多又粉粉嫩嫩的沒異味，good。冬菇及蟹味菇亦好新鮮好日式風味，當然同個豬骨濃湯好夾啦。而主食係煮熟左嘅手打拉麵，就咁擺好係個拉麵碗度，要食嗰陣自己淋啲豬骨湯上去，掂晒👍👍好似自己整咗碗拉麵咁，好玩。