好味餃子店

營業中

休息中

小店喺葵廣附近，主打七款口味嘅餃子，有湯有煎，另外亦可加配粉麵、小食同飲品。店內環境唔大但座位之間有適當距離，平日下午茶去都有唔少人，證明呢間嘢有啲料到😮下午茶有個超抵食嘅餃子套餐，五隻湯/煎餃子加飲品。湯底每日新鮮熬製四個鐘，不含味精，養陰清熱、降火排中，益處多到數唔晒，飲落暖胃，好好味道，唔怪得之有單點選項～湯餃要咗雲兒椰菜同甘筍沙葛肉，外皮唔算好厚，餡料飽滿，兩款帶咬口，而且味道較清新。韭菜肉要咗煎嘅，上枱時香噴噴，煎嘅話餡料就會比較少，但勝在夠香口又惹味！