風車

營業中

休息中

午市嚟到大圍試一試呢間聽咗好耐嘅風車。餐廳以西餐為主，亦都提供酒類服務，仲有得睇波添。夜晚一大班人嚟食飯吹水睇波飲酒一流，不過今次我哋係食午餐，所以有一啲唔同。午市餐廳都坐滿人我哋今次嗌咗一個二人餐包括廚師主打嘅頭盤，薯仔煙肉湯，龍蝦湯，西冷牛扒同埋龍蝦意粉。另外甜品係西班牙甜圈。先講一講個頭盤，係大坑柚子沙律，新鮮嘅沙律菜配上大蝦。沙律總括而言，新鮮醬汁清新。餐湯亦都表現得唔錯。另外龍蝦意粉好好食。龍蝦汁完美地配合上意粉，濃郁嘅龍蝦味，而且一啲都唔鹹，食到停唔到口。另外牛扒方便配上焦糖菠蘿非常之清新。最後甜品亦都好特別，真係第一次試傳統嘅西班牙甜圈。今次午餐整體嚟講都非常滿意，價錢亦都好親民。餐廳環境闊落燈光又充足。