Chef's Stage Kitchen

營業中

休息中

住喺將軍澳天晋的朋友極力推介，話雖然呢排香港的飲食業唔多掂，但佢樓下呢間”chef's stage kitchen “就日日很多人，咁一於呢日就來試吓喇。怕煩，嗌咗個DINNER SET FOR 2最最簡單，叫咗餐湯係雞肉周打湯，意想不到的好飲，沙律就係生果沙律，有柚子，橙，有青瓜，有車厘茄，當然唔少得沙律菜，全部都非常之新鮮，所以加少少意大利醋已好好味。海鮮控的我時時刻刻掛住海鮮，因此頭盤就有“香煎珍寶带子及煙三文魚酥皮餡餅”， 珍寶級的带子鮮甜柔軟， 鹹嘅餡餅有特色，相得益彰；主菜有扒有龍蝦，這就是“牛西冷炭燒穀飼澳洲肉眼扒拼香草牛油焗波士頓龍蝦尾” 配燒汁&薯菜，牛扒五成熟，可見到粉紅色的質地，而龍蝦食慣中式煮法，今次嘅西式焗煮做得好好，龍蝦啱熟好嫩滑；貫徹始終的另一主菜依然海鮮，佢就係“墨魚汁鮮帶子海蝦扁意粉”，新鮮煎得微焦的帶子海蝦勁有海洋的味道，兩杯飲品係Guava 和Cranberry juice，一酸一甜随你鍾意。