彭慶記

營業中

休息中

澳門銀河酒店內有一間很值得試的餐廳，就是順德菜專門店-彭慶記，它榮獲米芝蓮一星評級，食物很特色，味道都很到位😄🔹彭慶記招牌拼盤拼盤有藕餅、魚餅及芋卷，三款都很香口，芋頭控的我當然最愛芋卷，它的外層是腐皮，好有咬口☺至於藕餅味道香濃，還有脆脆的咬口🤩🔹順德拆東星斑魚羹用東星斑做魚羹真是神來之筆！魚肉好清好鮮甜還要啖啖肉，裡面有很多木耳增添爽口口感，加上份量大，吃完已經開始飽🤣🔹士多啤梨生炒骨生炒骨多數是菠蘿，原來水果換成士多啤梨一樣好吃，它特別用了韓國士多啤梨，所以甜度更高，也令醬汁更有果香，中間散發著炸排骨的味道，很開胃。🔹蒜心黑雞樅菌炒瀨尿蝦肉它最貼心的是瀨尿蝦肉已經拆好方便吃，立刻吃可以感受到火候，整體很飽滿，也有足夠的鹹香。🔹薑葱叉燒撈麵喜歡吃粉面的話一個一定要吃，麵底好爽好彈牙，醬汁濃郁，令麵條都很夠味，特別是濃濃的蔥油味，吃不停口。🔹薑汁炖奶薑味很強烈，熱熱的吃整個人都暖起來，奶夠滑，尾段會有薑汁的辣。

傳說中米芝蓮一星順德菜-彭慶記，但可能因為封關廚師來唔到？米芝蓮的收費，師傅仔的味道，材料沒幾多，就係食裝修。首先佢上菜超慢，得三四台客，但等半個鐘先上第一個餸，雞翼包飯，味道幾好，好食過拱北地下商場。條魚同師傅仔差唔多味道，有鑊氣，炆得不錯，呢個比較推薦。蒜香骨令我想起平時中午在師傅仔果碟三十幾蚊椒鹽骨碟頭飯，味道份量都一樣，但同順軒果個仲差得遠。炒飯接近金悅軒的水準，幾好。但個安格斯牛柳超多黑椒又辣又鹹，超差，個廚師應該同我學下點樣炒餸。除了條魚，其他菜的份量只比個茶杯多少少，材料成本大概佔收費的2成都無，係極之少（我哋4人去食，全部已點大份，我很難想像細份可以點少法？）總體而言，上菜慢、價錢唔平但份量極少、味道未達酒店餐廳水準，裝修就很好，但如果咁樣都叫米芝蓮一星，咁澳門通街都係星，師傅仔裝修下可以有兩星，順軒同李家宴有三星。彭慶記可能係我今年食過最唔抵食又無乜過人之處的中餐，折后找數都成千蚊但唔知食咗d乜，其他3個人都細食，但都只食7,8分飽，絕對無下次。