影片
以上資料只供參考, 請與餐廳確認詳情
飄亭系列第三個post來到塔石巴士站對面專食蛋包飯的「飄亭GOTTE」，主打當然是各式各樣蛋包飯，配菜亦隨自己搭配，每到放飯時段經過門外都三五成群等位，要唔要訂定位自己考慮啦～.先提店中主打日式蛋包飯，有一版餐牌比你每步跟住揀。第一步先選自己喜歡配菜（油炸、非油炸、素食、特色類），第二步有四款醬汁可選，第三步挑選蛋包飯的蛋類型，🥚傳統日式蛋係偏全熟蛋，🥚旋渦蛋將蛋外表整成旋渦形狀，🥚流心蛋*則係切開蛋中線有流心蛋漿攤平包裹住飯，最後係飯底（白珍珠米、蕃茄玉米炒飯、蕃茄雞肉炒飯*）。特別注意有啲選擇要額外加錢。.是日餐點：浦燒原條鰻魚蛋包飯 ($88)岩石燒·特級菲力牛柳 ($178)*串燒類盛合5串 ($48)*芝士蛋糕 ($38).🍱自選組合（浦燒原條鰻魚·不用選汁·旋渦蛋·蕃茄玉米炒飯底）配菜鰻魚大條，但較難整開，要稍為用少少力分開皮同肉位置，偏向有咬口，皮個部分彈牙，味道還算可以。由於無得揀汁，只好用鰻魚燒汁撈飯，當日出品係有點少鹹，要靠沙律菜緩和番，可以一讚是旋渦蛋夠嫩滑，係我喜歡個種蛋的質感，整體不過不失啦，無期待中咁驚喜。.🥩菲力牛柳放係極高溫岩石上燒，貼心的是有一塊圍裙布防止油濺到落衫，全程自理，燒到個人喜歡熟成程度。每份岩石燒免費跟白飯，今次驚飽無要到。牛柳煎到香噴噴，表面焦香，我諗自己整到大約七八成熟，內在唔會太韌，隔離亦有跟蔬菜中和下油膩感。當日🍢串燒廚師精選有雞皮、雞肉、雞軟骨、雞腎同牛肉串燒各一，正常發揮。.🍰至於飯後甜品蛋糕唔會話好特別，但油膩完補充番少少糖分，又覺得意外地加分。整體來講環境唔錯，食物外表精緻，但有進步空間。.*晚間限定_⭐️ 需加一服務費
繼續閱讀
衝著所謂知名的蛋包飯來到。1. 防疫期間逼埋一舊：晚上約七時入門見樓梯底坐著六人，其他空座，平常都無咩，但防疫期間逼人坐樓梯底，兩個大塊頭塞埋一舊，提出選座要求，話因為只有兩個人不能坐空曠的其他位；直至離開成間鋪都係坐多4個人。想話同一招待方式不能用一世，防疫期間個個都想有啲空間感，而且沒有客滿。2. 菜牌亂糟糟：同一個餐牌，兩份的次序不同，第一份有的，第二份無，都係第一次見；3. 食物普通：蛋包飯的飯偏凍，其他無咩特別；4. 價格：算可以接受；5. 侍應：年輕女子，似兼職，尚算禮貌但辦事欠彈性，或是老闆規定；5. 結論：無咩都無下次。
繼續閱讀