川川辣辣

Open Now

Now Closed

之前已經食過一次，覺得整體都唔錯所以決定二訪。一開始落單，侍應明顯唔熟手過程唔係好順利。落完單亦冇主動提供碗碟，要開聲問先識攞，感覺服務一般。我哋叫咗半隻蔥油雞，係上次食過覺得幾好而今次再嗌。結果佢哋拎出呢碟幾舊仔雞，我地問上菜嗰位男侍應，確認呢度係半隻雞？男侍應拎返碟雞返轉頭問，然後幾個侍應以及廚房內，成班人都話係呀係半隻。真係當啲食客係傻仔未出街食過飯。之後負責收銀嗰位唔知係咪女店長就走埋黎睇一睇碟雞，就話可能搞錯咗就收咗佢話幫我地睇睇。跟住再同佢啲員工傾完之後就返黎話係佢同事賣錯枱搞錯咗。其實賣錯枱呢個解釋係唔成立，因為你成間舖啲樓面連廚房望住嗰幾舊雞仔擘大眼講大話，堅持話係半隻。最後換返所謂半隻雞出黎，明顯都唔係一隻雞斬出黎，係左砌右砌嘅。但起碼都攞返隻大碟出黎堆返咁上下份量。儘管該女店長多次道歉，但對餐廳印象已非常差。企圖欺騙食客，搏人唔出聲。差👎🏻

今晚在天水圍用膳, 食吓家常菜。餐廳位於T - town, 地方闊落環境清潔, 提供中西式餐飲, 套餐和川菜小炒, 選擇都幾多。招牌酸菜魚 用料新鮮, 食材幾豐富, 份量十足。魚肉鮮美的味道經過烹製後更加鮮嫩多汁, 酸菜是招牌酸菜魚的主要調味材料, 使整道菜更加清爽開胃。加上蒿筍, 大豆芽菜和爽滑嘅寬粉, 配以蒜末, 薑末和花椒等調料, 增加風味和層次感。傳統回鍋肉 這道菜鑊氣十足, 回鍋肉經過煎炒後, 散發出濃郁的香氣, 豆瓣醬和辣椒的香味尤其突出, 豬肉片香脆肥美, 唔會有油膩感, 青椒, 椰菜大蒜等爽脆香口, 花椒的麻味使得回鍋肉更具風味。咸魚蒸肉餅 即叫即做, 蒸肉餅好滑溜, 實肉咸魚鹹中帶香, 魚肉好有質感, 咸魚能夠提升豬肉的鮮味 , 同時散發出獨特的香氣, 鹹度適中, 肉餅口感嫩滑多汁, 送飯一流。

間唔中都會好想試下唔同舖頭嘅川菜刺激吓味蕾，本身以呢間川川辣辣開喺商場裡面，價錢一定會好貴，但係見到晚市餐牌設有一人晚餐，而且價錢都好合理，於是就同朋友一人叫一個餐開心share下～惹味水煮牛(一人份)💰HK$99賣相睇落去好紅好似好辣，但食落口係微辣！牛肉係用咗鮮牛肉，牛肉軟嫩多汁，可惜嘅係肉嘅份量比較少～口水雞(一人份)💰HK$89雞皮爽滑，雞肉肉質有咬口！另外雞件面頭鋪滿咗充豐富調味料嘅口水汁，味道微辣帶有麻香，令人垂涎欲滴，用埋啲口水汁來撈飯都好正～

某天想在家附近揾間好吃既川菜，朋友介紹這間餐廳的出品不錯，地點便捷，坐輕鐵到頌富站步行5分鐘內就到。餐廳位置直上扶手電梯就到達，外在裝飾及燈光採用現代化設計，光猛明亮。作為打卡點亦非常合適。餐廳內在環境令人感到舒適，設計很入時雅致，座位設計非常闊落，周圍環境大體乾淨衛生，令人身處在高級餐廳用膳的既視感。我和另一半很快就決定吃什麼，作為川菜愛好友，水煮系列一定要點。這道水煮肥腸味道真的好捧，大腸煮得很入味辣度十足，口感柔軟。廚師處理技術很好，大腸有好好清潔沒有污糟的內容物，既保留了大腸的味道，肉塊切得比較大，喜歡啖啖肉的我地一口接一口，爽! 泡椒田雞很有鑊氣味，田雞的肉質非常滑，辣度十足，田雞份量很多有鮮味，隨手起碼夾起10多塊。配菜的茼萵片口感爽爽脆脆，非常下飯。尖椒皮蛋這道菜有驚喜，皮蛋種類選擇高質，皮蛋黃呈現流心狀態，入口即溶，蛋香十足。點綴的尖椒配紅油香香辣辣令人回味。野山椒土豆絲主打香口入味，馬鈴薯處理的技術不錯，切件比較粗留有一定口感，爽爽脆脆非常滋味。菜餚調味合適，山椒麻麻的口味愈吃愈過癮。金杯香水檸檬鴨屎香烏龍茶茶底很獨特，茶香、甜度合適。另一半挑了金杯香水檸檬茉莉雪芽綠

係呢間食超過20次 第一次係因為服務員態度好差而要寫第一個食評 叫咗酸菜魚少啲辣 但佢仲要比小辣我佢話佢哋嘅系統係咁 得小中大辣 叫少啲辣就直接幫我落小辣之前食咗超過20次 有個好好嘅姨姨店員都係會幫我走辣 打電話同佢哋建議問題 女店員仲要勁串敷衍了事 唔覺得自己有問題因為咁樣都真係好影響下一次會唔會再去食。。

天水圍T-town雖然好多野食選擇，但好奈冇食川菜，今晚就黎#川川辣辣 過下口癮。餐廳又冇加一服務費，有budget叫多了餸菜。望望餐牌，除左川菜外，仲有中式小炒，港式常餐揀!!甜酸松子魚$158(製作15-20分鐘) 甜酸汁同松子淋系魚塊上，酸甜味道夠曬濃，魚塊炸得香脆鬆化，而且成條去骨，炸粉又薄 。入口香口醒胃，一點都不腥。孜然牛肉$88牛肉份量好多，牛肉肉質嫩滑，孜然味濃，辣度十足，食到我滿頭大汗!椒絲腐乳炒油麥菜$68油麥菜葉嫩綠新鮮，中和辣度。招牌紅豆冰$24龍鳳可樂$24一邊食辣野，一邊飲檸樂，透心涼!整體來講，所有菜式都夠地道，價錢合理，餐廳環境雅致舒服，絕對值得一試！👍🏻

天水圍的「川川辣辣」是一間川菜餐廳，人氣度是高，餐牌上的主打招牌是酸菜魚、雞煲重慶雞煲川川辣辣出左新下午餐客人可以以親民價錢都可以一個人食到酸菜魚，在下午餐時段慢慢品嚐，適合喜歡食酸菜魚酸菜魚的賣相挺吸引的，味道挺香的酸菜魚，金湯味道酸酸辣辣，所以挺很開胃的感覺 。魚肉大片肉質嫰滑，這個配料挺多的，足夠2-3人食用，底層有，荳芽，萵荀，寬條麵另外設有多款不同川菜下午茶📍川川辣辣天水圍天華路30號T-Town South2樓S201A&B號舖

很久沒見過Bee了，所以相約天水圍天頌的川川辣辣食晚飯，地方位於商場內，商場一出就有輕鐵，交通方便。沒加一服務費的餐廳，不自覺地叫多了餸菜，人均消費$200左右。招牌酸菜魚$188 橙黃色湯底，菊花花瓣在頂部點綴，與散落湯中的辣椒粒，成一個美麗圖畫。酸菜魚，酸酸辣辣，開胃醒神，送飯一流。配菜很多，紅薯粉、鹹酸菜、豆芽等等食都食不完。酸辣土豆絲$68 微辣風味，土豆絲爽脆口感，粗幼度適中，很好吃。糍粑$38一碟有六件，軟糯口感，外邊微脆質地，加上有紅糖的支配，整碟通通吃光。然後還想食，於是揮一揮右手，再來一碟，哈哈。🤣兩個人食十二件，可想而知是真心好吃。兩碗白飯$20每碗白飲$10，經濟實惠。招牌紅豆冰$24 紅豆粒很多，飲到見底都有很多紅豆。甜度適中，很解渴。凍檸樂$24

天氣凍凍地食吓辣嘢係唔錯嘅選擇, 講到食辣嘢, 四川菜就最啱我。今晚在天水圍T-town 嘅川川辣辣食飯, 茶餐廳格局, 主打川菜和冰室食物。蔥油雞雞肉嫩滑, 份量都幾多, 重點是大量葱段鋪滿雞肉上, 蔥油好惹味, 鹹度又啱啱好, 送飯最啱。小炒外婆菜這道菜有鑊氣又惹味, 菜粒爽脆, 肉粒鹹香, 辣椒新鮮辣味濃郁, 整道菜香香辣辣有嚼勁, 鮮香美味。酸辣土豆絲黃色幼條狀嘅土豆絲, 口感好爽脆, 既有辣香, 又有醋酸味道, 包含兩種風味, 相當醒胃。 乾炒牛河嚟茶餐廳必叫嘅炒河, 河粉炒得乾身又唔油膩, 夠色又夠味, 仲好夠鑊氣。茶記飲品少不了凍檸茶和凍奶茶, 冰涼又減辣。#川川辣辣 #天水圍 #川菜 #茶餐廳 #相机食先 #手机食先 #美食博主 #香港美食 #香港探店 #香港旅游攻略 #香港旅游好去处 #香港美食推荐#hkfood #hkrestaurant #hkfoodie #foodporn #hkfoodblog #foodies #foodiehk #instafood #hkfoodporn #foodblogger

最近去咗天水圍T-town川川辣辣,於T-Town South2樓，講真性價比係高的，食埋雞牛甜品等，唔過$400。試了小酥肉$42，咬落去嘅時候真係一聲脆，裡面嘅肉質都好嫩滑，分量好多，惹味得來又飽肚。叫了小菜孜然牛肉$88，牛肉好香微辣，啲孜然味道真係好入味，加埋啲嫩滑嘅牛肉，真係一啖接一啖，叫個飯好送飯，又一餐。半隻蔥油雞$118哇！一撕開就見到啲嫩滑嘅雞肉，再加埋啲香氣四溢嘅蔥油，真係令人垂涎三尺！鹹香味濃郁，大碟好餃夾抵食。櫻花蝦黃金炒飯$68同紅糖糍粑$38，櫻花蝦黃金炒飯個個粒粒都帶有金黃色，味道香濃，加埋啲脆脆嘅櫻花蝦，每一口都好有咬勁！而紅糖糍粑就係一個甜結尾啦，質地軟糯，用上紅糖煮出嚟嘅甜味，食完好滿足！📍地址：天水圍天華路30號T-Town South2樓S201A&B號舖📞電話：26308318⏰營業時間：7:00am - 10:00pm#川川辣辣 #美食推薦 #辣味必嚐 #小酥肉 #孜然牛肉 #蔥油雞 #櫻花蝦黃金炒飯 #紅糖糍粑 #川川辣辣 #天水圍 #美食 #香港食記 #港式美食 #食評 #香港美食 #foodie #instafood #foodstag

平時喜歡吃辣但又不能吃太辣的朋友, 對川菜總是又愛又恨。而這間川菜餐廳就有不同辣度選擇, 小小辣就最適合我, 辣度剛剛好, 不會太刺激而同時又食到食材的原味道, 今晚跟朋友點了幾款小菜, 每款都很有水準, 而且價錢相宜, 性價比高 涼拌小食 🐥口水雞-辣油香而不膩, 少少辣度輕易入口, 雞肉也夠嫩滑, 拌有蔥花、花生, 最啱送飯食, 夠晒惹味🐥乾煸四季豆-呢個又係送飯之選, 一上菜就有好香嘅鑊氣, 四季豆配肉燥一齊煸炒, 唔會好油好鹹, 四季豆焦香爽脆🐥孜然牛肉-作為牛魔王又點可以唔食牛上菜見到好多辣椒🌶️但唔算太辣, 牛肉味道濃, 勁惹味 🐥傳統回鍋肉-腩肉片非常香口, 麻辣味入哂落啲肉度, 完全唔係淨係得表面果陣味道🐥糍粑-外層炸得香口, 內裏則係煙韌軟糯嘅口感, 加埋黑糖漿食, 倍感甜蜜, 係一個好好既飯後甜品下次可以試下呢度既套餐

最近天氣開始轉涼，怕凍既我便有個川菜癮，位於天水圍T Town#川川辣辣 系間親民既川菜餐廳，其價格及位置啱曬一眾天水圍街坊。坐位算是闊落，服務也不錯。會來主動介紹菜式。🌟養生花膠雞鍋-$208一上枱飲返碗先得，湯頭夠甜，雞味都幾濃郁，花膠大大條而雞肉都幾嫩滑，成個鍋有半隻雞真足料，份量足夠2-3人，好食！🌟農家臘肉炒蒜苗-$108天氣凍系時候食番D臘味，除左臘肉的份量多外，仲件臘肉都好大塊。臘肉邊有濃邊味道香口，又唔會太鹹送飯一流! 🌟黑糖糍耙外脆內軟。味道甘甜。系一款食川菜不可缺少既甜點。招牌紅豆冰 $24 ，鹹檸七喜 $20總體來說，呢間冇加一服務費既餐廳，抵食之餘又環境衛生可以。

今天水圍超正川菜 日同朋友去咗天水圍T-Town 配眼鏡，途經商場時，發現「川川辣辣」。顧名思義，小館主打川菜，但望望餐牌，發現有多款茶餐廳下午茶供選擇，是間多元化餐廳。 餐廳裝修以木器為主，用咗透明玻璃間隔，感覺寬敞又光猛，座得幾舒服😌侍應態度非常熱情友善，介紹咗兩款小菜俾我哋試。 ✨小炒香菜牛肉 ：牛肉肉質鮮嫩，大大塊，醃得好入味，加埋芫荽去爆炒，勁有鑊氣，雖然不是辣的，但好惹味，配白飯真係一流😋 ✨川辣辣子雞 ：滿滿乾辣椒🌶️嘅辣子雞，雞肉炸至外酥里嫩，麻辣鮮香，香口惹味，令人吃不停口，看似滿江紅的辣椒，但其實辣到適中，不會過辣👍 一間餐廳可以體驗正宗川菜同茶餐廳風味，《川川辣辣》系好選擇。

在天水圍附近參加活動，見附近只有這個商場比較大就進去吃個晚飯，這間川菜價錢都適中，而且幾多人排隊就試一試。川川辣辣香鍋最啱選擇困難症的我，配料十分豐富，有魷魚、椰菜花、午餐肉、豬腩肉和蝦仁等，麻香味道都幾突出不算太難，不過材料固定，如果可以自由選擇就更好。農家臘肉炒蒜苗，臘肉的份量十分多，煙熏味道濃郁，鹹味又恰到好處，蒜苗都幾特別如果配韭菜更佳。川式口水雞比較凍，雞肉結實，調味香口。小酥肉外皮揸得金黃香脆，中間包着的豬肉經過調味，味道濃郁得來又有些少肉汁，是不錯的佐酒小食。

$300有找一個二人套餐 三餸，一個甜品兩杯嘢飲，兩個飯，超級抵食！叫杯檸樂都係加$8 平過出面加成15蚊啲魚好有咬口 麻婆豆腐又好滑好好送飯，係喺天水圍食過最好食嘅川菜