Video
Telephone
28862969
Additional Information
正宗湖南常德辣味和米線，特別訂製大米手工米線，爽滑彈牙。湯底每天用新鮮豬骨熬制而成，絕無添加味精
Opening Hours
Today
10:00 - 22:00
Mon - Sun
10:00 - 22:00
Above information is for reference only. Please check details with the restaurant.
行到一半街突然落起大雨，去附近食店避下雨兼食個下午茶先。原來建業街間常得館搬咗過嚟西菁街，餐牌冇變喎，好掛住佢哋個湯底，今日就食佢啦。⭐湖南麻辣牛肉米線朋友叫咗麻辣牛肉米線，店主話佢哋嘅湖南米線係正宗煮法，不過牛肉就改咗做港版，切大舊啲同埋份量多啲，仲話啲牛肉用咗四十幾種香料嚟煮，色香味俱全。朋友第一次食就大讚好味，啲牛肉勁正喎，湯底辣中帶鮮，好味到湯都飲晒🤤⭐自製泡椒肥腸米線自己就叫咗肥腸米線，呢款個湯底用咗泡椒，啲泡椒都係店家自己浸嘅。叫小辣我覺得啱啱好，雖然湯面見到好多辣椒油，但其實唔算辣，而且加咗泡椒辣中帶酸更香口，仲有啲花椒子有少少麻味添。店主話啲肥腸每日新鮮由上水屠房運黎，食落香口肥美有咬口，係正喎😍⭐紅油抄手仲叫咗份店家推介嘅紅油抄手，呢款湯底又唔同上面兩種，鹹鮮中帶酸辣，都好好味。抄手皮滑肉鮮，滑捋捋嘅口感好正啊😋⭐凍檸茶 & 凍奶茶食辣嘢都係要整返杯凍飲嘅，跟餐可以用優惠價加奶茶咖啡、汽水或者王老吉，凍飲大大杯茶底濃，不過我覺得叫少甜都係甜咗啲，下次都係要走甜啦，哈哈。明明係諗住入嚟食過下午茶避下雨，點解最後食咗咁多嘢嘅😳不過又真係好好味，全部都冇介紹錯。
continue reading
今日去到元朗就試吓間湖南米線😋😋 作為米線專家既我覺得呢間米線真心不錯，平時食開酸辣或者小鍋米線都可以試吓呢一個湖南米線🤣🤣 我哋選擇咗大廚推薦嘅米線自創麻辣花腩米線😍😍-$58 因為叫咗中辣嘅關係，佢嘅辣味絕對係真材實料👍 另外米線唔會太腍啱啱好😋😋 味道亦都很好👍自製泡椒肥腸😋😋😋-$68老闆娘話呢個係其中一個招牌菜，叫我試試👍😎 本身以為泡椒一定好辣都擔心食唔到，後尾可以叫少少辣👍😋 仲有肥腸數量亦都非常高👍👍非常不錯地址：常得館湖南米線 (元朗)元朗西菁街30號地舖
continue reading
👏🏻標榜正宗湖南常德嘅米線 🍚用大米手工製成的米線 🤩口感爽滑偏彈牙 💁🏽♂️而且老闆仲親口講述每日用新鮮豬骨熬制而成嘅湯底係配合香港人嘅口味🇭🇰 絕無添加味精👍🏻 香辣味道都係真材實料😙 多種乾辣椒等等材料泡製而成的香辣口味 確實食完一啲都唔口渴😋 辣味亦唔會辣到蓋過食物嘅味道👏🏻 ❤️元朗確實有唔少出色用心製作食物嘅小店 佢哋一定係其中一間🌟支持🙌🏻💁🏻♀️自創麻辣五花腩米線 $58辣味唔會太搶喉 而且調味唔會過咸 辣味有層次😛平時唔食肥肉嘅我 😚不得不讚五花腩中間嘅肥肉超鬆化 入口即溶🤤 絕對唔係個種食落油林林嘅口感 連平時唔食嘅我都覺得好正👍🏻 米線係爽口口感 係我鍾意嘅口感 讚💛💁🏻♀️自創泡椒肥腸米線 $68因為想試真啲個豬骨湯底 所以請老闆泡椒肥腸另上 😍豬骨湯底夠濃 絕對係真材實料個種鮮味😋 另外肥腸超入味 唔會太辣太咸 搶咗肥腸嘅味道 肥腸係偏爽口 唔係好多肥膏個種 食落一啲都唔覺得罪惡😌 而且絕無處理唔乾淨嘅異味 👍🏻 我覺得肥腸係必試🌟💁🏻♀️凍檸茶 $18有茶味 而且夠甜 非常適合配辣野一齊食👏🏻
continue reading
元朗出名多小食，就算我住係元朗咁多年，都未試過哂咁多不同的小店行開元朗千色廣場附近，近富達商場開左好多小店，因為本人都幾中意食辣，今次試下湖南米線叫左兩個吾同的米線，餐牌雖然有標明辣度，不過辣度都可以按個人接受能力要求大中小辣湖南麻辣牛肉米線🌶️🌶️🌶️$59自製泡椒肥腸米線🌶️🌶️ $68肥腸洗得很乾淨爽口，很中意配菜白蘿蔔，非常林都入味涼拌貓耳朵 半份$22紅油抄手（8隻）$38叫左兩個小食，貓耳朵木耳好入口，特別推薦：抄手👍🏻👍🏻👍🏻不太辣，湯底同抄手好夾，值得一試
continue reading
米線平時食得多 但主打湖南食材就少見喇🤡店舖主打每日新鮮豬骨熬製而成🍖同埋話冇味精 咁就即管試下🤭叫左4個大廚推薦既米線🍜自創麻辣五花腩、紅燒肉丁、麻辣牛肉、自制泡椒肥腸🔥麻辣野一定唔會輸見到d紅油係面都覺得好吸引🤩佢個擺盤又幾靚喎 多蒜又有青菜底🥬雖然寫明3隻辣椒🌶️但唔食辣既人都食得到☺️佢既果種辣唔係死辣 但又食得出麻辣味道🌶️食完唔會狂飲水 果然係冇味精😉五花腩唔會太肥 肥瘦適中 滷水味好正🤗牛肉食落幾有牛味🤎肥腸有泡椒既味 幾入味💚米線份量正常 女仔都食得哂😛粗度幼身 十分掛湯 啖啖都食到原汁原味湯底👍🏻
continue reading