老厝邊

Open Now

Now Closed

好似好耐冇食過台灣嘢，今日就嚟咗荃灣廣場隔離食呢一間老厝邊，好耐之前已經食過大角咀分店，印象最深刻就係個蛋餅好好食😋超濃芋泥蛋餅 $42｜塔香鹹酥雞 $39今次最主要其實都係衝着呢一個蛋餅嚟嘅，設定見到IG好多蛋餅嘅post搞到我都好想食，佢嘅芋泥滑順綿密，仲有厚厚嘅熱溶芝士，加埋肉鬆我真係一個人都可以食晒成份🧀至於個鹹酥雞都應該係即叫即炸，冇乜油膩感，炸得好乾身，仲好香九層塔味添🌱眷村牛肉麵 $69｜雞滷便當 $68主食我哋叫咗一個牛肉麵同埋一個便當，牛肉麵嘅湯頭都非常之香濃順口，牛肉好入味，亦都好腍🥩雞便當佢喺個Menu度寫係真愛便當，好奇咗一陣究竟真愛係咩嚟呢？原來係慢煮雞胸肉燥飯🤣🤣手作黑糖鮮奶 $27｜綿密芋頭鮮奶 $30兩杯嘢飲我哋冇特別叫少甜但係甜度都啱啱好呢一個芋頭同頭先芋泥蛋餅個芋頭係唔同，呢款就比較有顆粒感有啲咬口，飲落亦都甜少少，不過因為有奶中和返，所以都冇乜大問題🥛近期好似多咗好多唔同嘅台灣舖頭開咗，呢一間都算係唔錯，每樣嘢食嘅價錢都好街坊價，行過開呢一頭簡單食餐呢一個都係唔錯嘅選擇💕

還原台灣古早味滷肉飯🇹🇼高質台式餐廳❤️‍🔥食台灣嘢就會諗起呢間💯 #sdm荃灣 #sdm銅鑼灣 #sdm旺角#sdm大角咀 #sdm台灣菜 💛 #和你食啲咩 💎 滷肉飯（大）$42必食💯💯 （😋：9.5/10）👍🏻：呢個滷肉飯非常高質❤️‍🔥可能係我喺香港食過最似台灣嘅味道🥳真係有滷肉飯嘅肥肉而且整得肥而不膩‼️我可以食兩碗🤤🤤🤤👎🏿：。💎 半筋半肉蒽油乾拌麵 $76可以一試✅️ （😋：7.5/10）👍🏻：牛筋同埋牛展肉都夠淋，好食🤩不過蔥油拌麵就味道比較淡嘅，我個人比較鍾意食濃味少少🤭👎🏿：。💎 塔香鹹酥雞 $39值得一試‼️（😋：8/10）👍🏻：份量都幾度啊，每粒雞粒到大同普通鹽酥雞有少少分別多咗一浸香味，我覺得幾出色即叫即炸真係外脆內軟👎🏿：。💎 起司肉鬆蛋餅 $40可以一試✅️ （😋：7.8/10）👍🏻：超足料餡料好多，每一嚿都會食到爆漿，呢個蛋餅仲會跟埋一個醬汁唔夠味可以俾你點？味道好好，唯一美中不足可能係蛋餅個皮可以整得掃除少少，我鍾意手肘病嘅口感。👎🏿：。💎 百香雙響 $28可以一試✅️ （😋：7.5/10）👍🏻：如果你係鍾意食料多個飲嘢嘅話，呢杯啱晒你🤣佢啲椰果同珍珠真係佔咗半杯(

喺荃灣，行咗嚟呢條街因為呢度有好多小餐廳，行吓行吓見到呢間台灣菜館，似乎幾啱呢日嘅胃口，咁就入咗去食晏😊叫咗 $70「眷村牛肉麵」，有「紅燒湯、麻辣湯、蔥油乾拌」3款可以選擇，咁揀咗「紅燒湯」；再加一個$24「燙青菜」😋「眷村牛肉麵」：飲啖湯先，有頗為濃郁嘅牛肉味；牛肉係牛𦟌，煮得夠軟熟；仲有一件白蘿蔔煮得好腍；呢碗「牛肉麵」整體嚟講都幾好味😋「燙青菜」係「生菜🥬」：味道清淡，簡簡單單感覺幾健康😁

老厝邊❣️老厝邊是一間充滿台灣風味餐廳，位於荃灣西站附近🤪裡面的裝潢令我有台灣九份的感覺。餐廳內有兩層，地方頗大。地下有提供箱子放隨身物品，唔怕冇位放，夠曬貼心。掃QR code自助落單，十分方便。菜單料理種類多，粉面便當小吃都有，唔驚唔啱食🤭🌟滷肉飯🐷$36必點台灣經典滷肉飯。滷肉可見五花腩肉丁形狀，入口即溶，肉汁都唔會太鹹。搭配一粒粒珍珠米，非常可口。飯量可以選擇多或少。除咗滷肉飯之餘，仲可以揀滷肉米粉。🌟經典滷味大拼盤$70份量大，餸菜多。有豆腐、豬耳、木耳、酸菜、雞蛋、豬大腸。如果有選擇困難症，絕對可以點呢個同朋友share❤️🌟台式蒜片香腸🍖$38煎香的台式香腸，搭配一片片香蒜和金不換。入口非常香口🤭🌟燙青菜🥬$26生菜伴隨着肉燥汁。新鮮青菜帶有肉味，唔怕唔夠味。🌟飲品🍸1⃣️凍椰果蜂蜜檸檬🍋$24冰&糖都可以根據個人口味而選擇多與少。蜂蜜檸檬帶有濃烈檸檬味，但加咗蜂蜜。開胃得來唔會太酸。2⃣️珍珠麥香奶茶☕️$26珍珠不少，奶味濃。甜度剛剛好。❣️總括而言，價錢親民，地點方便。性價比都算高。店員姐姐都幾有禮貌。

呢間台灣野選擇好多，野食都幾地道☺️酥炸排骨便當($68)排骨有一層炸衣幾香脆同帶啲木薯粉嘅口感😋 有啲椒鹽味而且鹹度適中，仲有啲配菜同粉絲😙三杯雞起司蛋餅($42)呢個蛋餅幾有驚喜! 三杯雞排幾滑嫩同香，芝士半溶加埋脆脆哋嘅蛋餅皮點埋醬油膏好味😍炸甜不辣 ($34)甜不辣煙煙韌韌幾正🥳野飲方面都有好多選擇，推介蜂蜜冬瓜愛玉🥰📍老厝邊🍽️ 7.9/10#janfoodiary_台灣菜

星期六又周圍去搵好野食，經過荃灣廣場附近見到一間鋪頭食台灣菜，所以就入去試下。好彩6點早食飯，唔駛等位，之後就好多人排隊啦～今次叫左三杯雞排蔥油拌麵、蕃茄牛肋條湯麵、起司肉鬆蛋餅、百香雙響蕃茄牛肋條湯麵：酸酸甜甜，麵條有彈性，牛肋條尚算腍，份量足夠三杯雞排蔥油拌麵：沒想到有兩大塊雞排，份量好足，麵條有彈性起司肉鬆蛋餅：熱辣辣，如果肉鬆多d會更好百香雙響：我叫少甜冰，有椰果及珍珠，好味這間店還有其他小食和飲品，可惜今日只是兩個人食，下次還想再來一次去試其他食品。

🍚滷肉飯（小）$36呢個必點，大份又抵食😋，個飯既醬汁適中，滷肉同飯份量都仲係好多，話係小份，其實份量都幾多，幾大碗。滷肉肥瘦分佈均勻，煮到好入味，肥肉入口即溶，瘦肉幾淋👍👍水準依然！🍗塔香鹹酥雞 $40望住個色澤，以為會炸到過火啦🫢，點知食落去有驚喜🤩。外層炸粉不厚，入口鬆脆，雞肉口感嫩滑。塊九層塔都充滿椒鹽味😋😋。🧋經典珍珠奶茶$26茶味清香，不澀。珍珠份量好多，佔左1/3杯，珍珠口感新鮮煙韌。✏️沒有加一服務費

講到古早台灣美食，其中一間係有幾間分店既「老厝邊」，平時幫襯開銅鑼灣分店，今日係荃灣廣場睇戲，原來對面已經有一間😌手拍涼拌小黃瓜(小辣）青瓜爽口清新，醬料調配得恰到好處，醋既調配酸度適中，而且好香蒜蓉味，帶微辣，好醒胃招牌牛三寶麵（配蔥油乾拌）牛三寶即係牛肉、牛腱同牛筋。食落牛肉同蘿蔔都有濃郁既湯汁，燜得肉質鬆化，口感軟嫩，唔係湯渣feel。我一反傳統配蔥油乾拌麵，口感Q彈有嚼勁，拌左惹味既香蔥油，比原本配湯麵既更加吸引滷肉乾拌麵麵條比配蔥油乾拌麵麵質較柔軟，但粗d彈牙d，外貌似港式油麵。滷肉肥瘦均稱，入口即化，肉香濃郁。醬汁濃郁，麵條掛汁，完美融合台式起司肉鬆蛋餅香酥既蛋餅帶d煙韌，配上滿滿拉絲芝士同香甜肉鬆，加埋酥軟與鹹香，簡單美味，係出色既小食選擇

🌻推薦指數：大腸麵線：9.5/10烏龍奶茶：9/10環境：9/10服務：8/10整體評分：9/10人均消費（下午茶）︰43蚊 +10%食評︰如果晏畫見餓又唔想食得太heavy不妨試下荃灣西呢間老厝邊，係一間有濃厚台灣古早味嘅小店。筆者唔係第一次食呢個下午茶餐，事隔半年再試，依然覺得回味無窮。大腸麵線（小）︰大腸份量足夠，口感嫩滑香口，有淡淡油香；麵線軟滑，入口即溶，湯底混合左非常濃郁嘅蒜泥，每一啖麵線都有蒜香味殘留喺口中。烏龍奶茶 （少糖少冰）︰超級大杯，份量驚喜，甜度恰當；烏龍茶香味重，同奶香味雙劍合璧，齒頰留香。

同男朋友一齊去呢度食飯 佢叫咗個咩絕對真愛雞嘅餐 上餐個陣 店員上咗我哋一人一個盤 仲有個鹽酥雞 我同男朋友仲覺得絕對真愛雞原來有埋鹽酥雞？跟住有個店員突然之間行埋嚟 話幫我哋更新左張單 加咗我哋鹽酥雞嘅錢 我哋都呆咗 問都無問就加？ 佢話原來鹽酥雞係佢哋上錯 咁想請問點解個責任去咗食客度？ 你問一聲我哋都會加返比你 都係幾十蚊 但唔係直接俾張單我話已經加左落去囉 跟住佢就話唔加錢 佢就要收返碟雞 我哋就比返碟雞佢荃灣區有好多好嘢食 我都未試過見到一間食店 自己上錯菜將個責任轉俾消費者？仲有你個名叫絕對真愛雞 不如加返個括號寫返咩餸啦 好過你上咗鹽酥雞 我以為係包括喺餐

荃灣廣場睇完戲想食台灣菜，過條馬路就即刻食到啦~🔘牛肉蔥油亁拌麵牛肉係牛展部位夠厚身，軟腍入味，蔥油醬汁都幾香口，有酸菜做配料平衡返個油膩感，牛肉高分好食~ 🔘滷肉飯幾正宗嘅台式滷肉飯，半肥瘦豬肉切得幾大粒，滷肉足夠撈晒成碗飯，正~🔘超濃芋泥起司蛋餅芋泥芝士同肉鬆嘅配搭好正，芋泥存在感強過肉鬆，鹹甜味道，芝士亦有拉絲效果~🔘塔香鹹酥雞 炸雞外脆內軟，裏面仲好有肉汁，份量亦唔少~🔘蜂蜜檸檬愛玉最愛嘅台式飲品，酸酸甜甜，冰度甜度都可以揀~🔘芋頭鮮奶 芋頭口感軟綿綿，值得一提呢度嘅奶飲品全部用鮮奶製作，寫到明唔使估估下~

紅蔥油雞飯竟然係雞胸，食勻全香港台式店都未試過，蔥油雞飯應該係切雞，依家得幾片雞胸，咁就$65,仲要多幾嚿節瓜同冬瓜，就叫便當，貴一倍價錢，睇漏咗原來單叫紅蔥油雞飯只係$38。因為係叫外賣，所以返到屋企先知，真係嬲到震。唔知點解擺唔到相片，大家可以睇吓其他人嘅相片

同朋友平時都會過嚟食lunch,荃灣來說性價比好高而且好好食好正宗！今次lunch再到訪都坐爆晒好有人氣！香蔥油乾拌麵 $42食落有啲似印尼撈麵🤣好食的！份量都好多！台式香腸滷肉便當 $70好喜呢到既便當,仲有得揀少飯！好親民！每次會有2款隨機小食,但今日既小食我自己個人唔喜😹唔食冬瓜同絲瓜 cry 之前食過粉絲好好食！薯餅蛋餅 $38最愛呢到嘅蛋餅，好正宗又有甜豉油！而且好足料凍多多綠 $26好飲！凍蜂蜜檸檬愛玉 $24好有台灣夜市嘅味道！

首先地方都幾窄下，用餐有限時60分鐘，3個人叫左大腸米線，半筋半肉麵，肉燥飯，芝士肉鬆蛋餅，鹽酥雞扒，仲有個蒜香腸。大腸米線唔知做咩落左勁多醋，成碗酸嘅半筋半肉麵，中規中矩，但係個麵嘅質地都幾難食，好重粉味肉燥飯正常（應該都好難整到難食嘅)鹽酥雞扒，勁厚粉，豪大大好食過佢蒜香腸超多粉....唔知咩料芝士肉鬆蛋餅，勁乾，啲芝士完全唔夠唔知300個好評點黎...我就係比呢300幾個好評呃左我入去食😑😑😑然後就係，入座時冇提醒下我地原來得60分鐘用膳時間，佢仲要計到勁準就叫人走😑😑😑我覺得兩個人以上可以唔洗去食，你傾得叫咩野，應該得返半個鍾食，但其實琴日係閑日黎，門口都係兩group人等位...er....總之應該睇黎唔會有下次

又黎到呢間好出名既台灣餐廳，星期五夜晚黎到，預左要等一陣~ 不過都好快有位，今次係坐樓上! 炸雞排便當勁大塊雞扒，好厚肉，咬落去唔會肉同炸粉分離，同埋本身調味都好夠。入面仲有豆腐，豆芽，絲瓜等等既配菜，食落一D都唔單調。三杯雞蔥油乾拌面本身以為得一塊雞扒，原來下面仲有一扒，好有誠意，好足料。呢款肉質就比較嫩滑，好入味。乾拌面好香，麵條爽滑! 超濃芋泥蛋餅超多芋泥，入面仲有芝士同少量既肉鬆，個蛋餅皮好有咬口，好食!台式蒜片香腸比我想像中大份，香腸外皮酥脆，一咬就有肉汁!鐵觀音奶茶雖然叫左熱，但原來同凍飲一樣大杯! 茶底不錯。蜂蜜柚子烏龍清爽之選!