迎囍 (Closed)

另一頓歡送飯聚，今次是十五名尖沙咀分公司的的同事，好不熱鬧啊！點了週一至四都半價兼「十枱有九枱都點」的的「后明宴」。有體積不太大的「白灼蝦」，肥多肉少唔新鮮的「乳豬全體」。「雜菌瑤柱節瓜甫」、「蜜豆花枝蚌片」、「海蔘鵝掌」都相當少料和油膩。「鮑絲竹笙翅」都是生粉水貨色。「蒸東星」大條但肉質削身。「豉油雞」肥大多肉，惜不見豉油鮮味。「荷葉鱆魚飯」量多，味道一般。「蛋黃桃包」的麵糰過厚，蓮蓉量少於半茶匙，小家氣子！「生果拼盤」超大個，廿人份量。汽水半打，有「玉泉忌廉」可選，尚可。另點了：京都牙簽骨、生炒排骨、金菇肥牛煲、涼瓜駝鳥肉、炸子雞。以炸子雞和京都牙簽骨較可取。食物唔得，幸而價錢和氣氛搭夠！

旺角, 食店之密集, 不用多費唇舌.但選擇太多, 不一定是好事.尤其當無人願出主意, 或太多人有主見的晚飲時間.七個成人, 加上一個兩歲半小孩, 在假日晚上的旺角街頭, 實在不宜久留.所以, 當走進迎囍, 好感油然而生, 因為, 不用等.名字傳統, 裝修刻意求變, 一大個一大個火紅囍字, 擺放當眼處.點菜六碟.龍蝦伊麵. 味, 還可; 肉, 不夠爽.帶子荷葉飯. 米飯口感不俗, 荷香稍淡.瑤柱賽螃蟹. 不老, 夠滑.其他不過不失.好戲在後頭.甜品點了合桃露.甜度適中, 合桃香卻是罕見的突出, 印像深刻, 要讚.

O個晚做完EVENT，一行六人去食飯，原打算到超級漁港，但RECEPT話兩間一樣。我們叫了︰兩個泰式拼盤(春卷熱辣辣，好脆；香茅雞翼，惹味；豬頸肉，味較淡同O鞋口；炸蝦卷，好彈牙。)酥炸魷魚酥︰超正，好味到難以形容，必試。酥炸生蠔︰失色之作，炸得好乾，冇晒蠔味。花膠什菜煲︰花膠得三小塊，有點失望，味道偏鹹。沙爹肥牛煲︰好味，沙爹夠辣，肥牛入口即化。汁燒銀鱈魚︰不過不失。脆皮燒腩仔︰好脆，肥瘦適中。瑤柱賽螃蟹︰蛋白好滑，有上海館水準，很喜歡。還叫了2渣西瓜汁、1渣酸梅湯，8碗白飯。埋單$777，真的很抵！！

早幾日去飲早茶，覺得好新，裝修好靚。食0左七、八樣點心，叉燒包比平時食果d好味，好軟熟，xo醬鳳眼餃、楊枝甘露同雷沙湯圓都幾好，xo醬炒蘿蔔糕同珍珠雞就一般，前者冇乜xo醬味，後者冇乜餡。服務幾好，件褸放左係椅背，佢就羅個椅套幫我套住，d人又有禮貌，而且價錢唔算貴

今早去囉位見稻香太多人求其入左去話有位, 但原來呢間係無唔搭臺... 但坐得都算可以.... 坐下來開左茶先發現原來都係稻香, d 點心一模一樣.... 我反而覺得無咩所謂... 我係來食野, 最緊要野好食, 價錢都好似和稻香同價, 但招呼就差一點, d 侍應好似新丁咁, 送點心又送錯,又蓋錯印, 最後埋單就等鬼咁耐, 攪到間迎喜酒樓好似稻香個training centre甘, 如果改善埋呢點就更好喇..