迎囍 (Closed)

之前因為學校嘅選修課關係，有機會嚟到呢一間位於旺角嘅迎囍大酒樓一嚐靚宴席，位置來講都幾方便，就係雅蘭中心🧐價錢方面就唔係太清楚，因為係學校包場（算唔算免費呢，但其實學費有包選修科🧐）不過都食得出佢嘅食物質素係非常之高🤭我最鍾意嘅炸子雞，當然係炸得非常之香，仲好入味，可惜係最後嗰幾道菜，而我已經食得好飽，冇得瘋狂咁食千層糕我就覺得一般般，可能係因為我自己屋企都有整開千層糕，口感還好但味道較淡啲菇都幾入味我自己就唔食魚嘅，但同學係咁食應該都唔差嘅呢個係極邪惡嘅炸蟹鉗，都真係幾多蟹肉，幾鮮味 呢度送嘅賣相非常之打卡able ，啲蝦都算幾新鮮係宴席入面燒豬梗係唔少得啦，啱啱燒完就出菜，所以都幾脆口，而且唔係淨係得皮，都有幾多肉食，同埋份量好誇張， 10幾個同學都食唔晒

話說與公司同事晚飯, 其中點了一道"椒盬鮮魷", 大家當見到這道菜上枱後, 大家目瞪口呆,  這道是否正常食既"椒盬鮮魷" ?  眼前見這碟是全魷魚鬚, 兼不是炸到金黃色, 顏色之深似用萬年油多D? 其後向一位服務員反映, 她出奇地說: 「煮老咗姐, 你哋應該落單時講唔好煮咁老」, 我哋全班人嘩然! 接受不了, 最後取消此碟所為"椒盬鮮魷", 似乎相商品說明不致多D喇!

今日係旺角雅蘭中心迎囍飲茶環境好光猛潔淨，座位濶落，枱與枱之間有D距離，唔逼夾茶具亦乾淨，very good鮑汁花膠鳳爪，有五舊花膠，D鳳爪好淋，花膠好入味，食完feel到有好多骨膠原呢款潮洲粉果，皮薄餡靚，D皮完全唔韌，食落仲有好多香芹，唔咸，剛剛好香桃甜薄罉，D餡係水蜜桃，配埋椰絲杏仁片一齊食，唔太甜蜜味义燒腸，D腸粉少少韌，配合莞茜一齊食，oK嘅D茶幾好飲，茶色清，有茶味，冲多幾轉都掂食左4碟連茶位埋單220蚊，無限時，坐得又舒適，嘆下茶最啱！

等左半個鐘先有野食，叫6樣野得兩樣係暖暖地，其他全部唔熱。方魚肉碎粥唔熱，流沙包又唔流又唔熱，鯪魚球凍嘅，腸粉又係凍嘅。最令人接受到係鹵水豆腐，可能因為我接受到食凍豆腐啦。夏天嚟食涼點心就啱。

今日與家人提早過冬，去了酒樓食半席套餐，供6位食用，$998。酒樓雖然位置方便，但食客不算多。食物份量大大件，但質素一般。侍應雖說不算多，但很勤力換碟及拾執。套餐包括半隻乳豬，皮脆，皮肉分開，不算太肥。半隻瓦撐豉油雞頗滑，不太咸，配上蔥更美味。上湯波士頓龍蝦伊麵，龍蝦令人有點失望，少肉，顏色偏深，反而伊麵不錯，不會太軟身。松露海鮮卷有松露的香味，內有小帶子，皮很脆口。翡翠炒雙蚌的豆還好，賣相有驚喜，但雙蚌味道不太喜歡。芹香魚肚浸豆苗，豆苗青綠，沒有臭青味，但魚肚麻麻。欖豉蒸龍躉，魚的大小比想像的少得多，但魚頗滑。香芋糯米飯，有芋香，糯米飯吃不完呢！竹笙雞絲燴燕窩不過不失。甜品是糕點，有口感。

星期六，又是孝順父母的時候， 老人家喜歡飲茶，今日帶他們去旺角行街街，順道來此店試試。 因為假期關係客人較多，幸好環境舒適，座位闊落。整體食物ok，其中貴妃雞飯較突出。鮑魚酥， 鮑魚夠淋但唔夠味蘿蔔糕， 夠香滑六味餃子， 有一隻是甜的，其他都是差唔多味道， 似蝦餃。蝦餃， 皮薄、蝦夠彈牙叉燒包， 外皮鬆軟，餡料汁味濃奶黃包， 唔夠流沙銀蘿腿蓉千絲酥， 熱辣辣好味道叉燒腸， 皮薄叉燒夠瘦貴妃雞飯， 用盒子盛載感覺精緻，有菜、有鹵水豆腐， 雞肉嫩滑好味

⭐️剁椒蒸三文魚頭一大驚喜！😆好好食，岩曬我嗜辣既人，好惹味，魚既份量都唔少又滑👍🏻👇🏻有一拖一系列👇🏻⭐️鳳爪排骨飯無乜特別，不過不失⭐️鴛鴦雙潮蝦餃粉果有2粒蝦餃 & 2粒小粉果，皮有d厚⭐️時菜牛肉球加上喼汁食，好難唔好食，在d菜墊底，牛肉係不會太大難咬，幾入味⭐️生滾貴妃雞粥粥係綿，但無乜料，得勁少雞肉粒⭐️蟹籽燒賣王呢個唔差，但有不少肥肉，有d冬菇粒，入口幾香⭐️鮑螺片雞絲腸粉唔掂，腸粉鞋，無料到

迎囍同稻香係同一集團,點心等等嘅款式亦大同小異,唯一唔同嘅係迎囍有提供租用場地俾人擺酒.手拍青瓜,青瓜爽脆,醬汁酸香微辣,飲茶時食少少蔬菜,感覺唔錯.香麻叉燒酥,酥皮表面佈滿白芝麻,的確好似個名咁幾有麻香,中間嘅叉燒餡亦冇將個外皮整到濕軟.家鄉咸水角,餡料係豬肉碎同沙葛等等,糯米皮炸得脆身而煙韌,我都幾鍾意呢種口感.潮州蒸粉果,半透明嘅澄麵皮包住豬肉碎,花生,沙葛,芹菜等等,皮唔厚唔薄,係我成日食嘅點心之一.山竹牛肉球,免治肉打得扎實唔鬆散,當中仲有切碎咗嘅芫茜同馬蹄等等,下層就用咗鮮竹墊住.金勾炸兩腸,腸粉米漿加咗青蔥,蒸好之後再將油炸鬼捲起,本身應該會係外軟內脆嘅質感,但因為油炸鬼唔係即時炸,脆度就稍為爭少少.香芋酥盒,第一次食呢款點心,綠色酥皮,邊緣沾咗白芝麻,賣相好似燒餅咁,食嗰陣熱得燙口,我小心咁咬開,原來入面包住淺紫色嘅香芋蓉,味道甜甜哋,都唔錯.煉奶炸饅頭,我冇食到,所以都描述唔到係乜味.呢度嘅價錢都算合理,水準又唔會太過參差,啲位排得密集但未至於動彈不得,如果唔洗搭檯嘅話都算舒服.

一行九個老友記相約旺角飯聚，貪圖位置適中方便，啱哂分散居住在港、九、新界的我地，飯後散水容易。見人未齊先點個特價豉油鷄煲，周一至周四$68一隻用煲上，熱氣驣驣。豉油味甜甜地，鷄入味、鮮嫩、多汁。稍遲來的朋友，頻嘆走寶，要求encore。但阻於已另點了九碟菜故打消這念頭。碟碟菜都水準不錯，除豉油鷄外，要讚的是黑松露蝦球炒蛋。黑松露味濃，蝦球大大隻，蛋炒得頗嫩，不油膩，整體做得好，值得試。燒鵝上時貼心地有蠟燭温着，唯獨隻鵝欠運動，有幾件連着大大的肥羔，有小小敗筆。另外，員工不太多，落單、上菜都尚可，但跟荼水就不太勤，經常缺水，尚待改善。10碟餸，又啤酒又飯，每人才$125，超抵！

如果你宜家见到呢篇食评，恭喜你 你又避过左一个伏。是敢的。。。行开旺角所以想去稻香，但系要搭檯 所以就黎左呢间"黑店"首先服务态度好差，十问九唔应。问多句都觉得我烦，所以咪开错茶咯。到落单仲离谱，在座有两位老人家，你知人老就中意饮早茶，成几个钟头未食过野。个落单友渣住张飞执左六张檯先入单。 唉都算啦，重要等一个钟先黎一个饭(叫左3个套餐及一个炒河) 如果大家系有好多时间浪费，可以用食法国餐geh时间去个服务员恶言相向geh地方饮"饿"茶，呢度绝对系你首选👍👍👍

係旺角行完街，想食中菜，就去左酒樓兩個人叫左兩個餸菠蘿咕嚕肉，一個由細到大都好喜歡食既餸，紅青椒好甜，菠蘿唔會好酸，咕嚕肉又啖啖肉，粉漿冇落好多，反而落得剛剛好，舊舊咕嚕肉既肉質都👌🏻， 唔會好肥，雖然冇肥膏，但啲肉一啲都唔難咬，醬汁酸酸味味，好開胃。紅燒玉子豆腐煲，上枱時超級熱辣辣，好多粒玉子，大小剛剛好，配有少量金菇同冬菇，感覺上冇咁寡，個汁又冇太濃太稀或者太淡太咸，味道適中兩個餸，叫多兩個飯，好快就食哂

與舊同事飯聚，大家都是早睡早起之人，所以十時半已有代表到酒樓等位，我在十一時才趕到，所以錯過了那些抵食的孖寶，只知道$16有鳳爪排骨飯加一款點心(如山竹牛肉)，非常經濟。而我吃了的食物包括~家鄉煎薄撐($14.8)：煎得薄薄卻很大片，不油膩，有蔥的香味，味道不錯。酥炸魷魚鬚($28)：炸得卜卜脆，很香口。水晶和果子($11.8)：我很喜歡這碟甜品，不算很冰凍，外層煙韌，有嚼勁，又不會太甜。古法蔗糖饅頭($10.8)：剛蒸好，所以特別軟，蔗糖味不夠濃，與平常吃的白色饅頭分別不大。鼎湖腐皮卷($14.8)：賣相一般，但腐皮意外地脆。擂沙湯丸($12.8)：不推介！上網搜尋一下，面層的那些粉應該是黃豆粉，但我們都覺得粉太多了，而湯丸則過份腍。整體而言，這頓早午茶食物質素不過不失，最重要是價錢經濟，五個人吃得飽飽都只需$205.5，超乎我們預計地便宜呀！

不知是否經濟差了，年初二差不多七時仍未滿座，且晚市竟然沒有給花生，所以只需付茶錢!海蔘炆茄子($88) : 上桌是一碟海蔘翠玉瓜($78)，看見頗多海蔘，覺得抵食，但不是茄子，所以叫了廚房換過，結果條狀的海蔘變成小環狀的；此外，海蔘的份量不及之前的十份一，這碟還比翠玉瓜貴。不知是否因茄子與海蔘一起比較難分辨，所以以此魚目混珠!太過份了。茄子味道中規中規矩，所謂遼”心”是爽口沒什味道，雪藏貨色及應該用化學嘢整過，是沒有要求的，若我是不會點這個的。醉雞 ($48): 雞面鋪有杞子，雖夠酒味，但個人認為翡翠XXXXX或南小X，較合我心意。雞未夠滑，有些不多肉連骨的雞件在底，這是我第一次遇到的。海鮮卷 ($68): 很多沙律醬，有粟米粒，沙律醬味道嘛嘛，失敗。鎮江肴肉牛($38) : 面層的啫喱狀最有梅及類似八角味，溫度適中，味道不錯。糯米飯($88) : 這值得一讚的是蝦米夠大，是中型的，飯的味道及質感可以(預咗不是生炒)，但我個人應為以質感來說，富臨XX比較好吃。橫財就手($88) : 小豬手蓋在生菜面，豬手很淋滑，味道一般。山根珍菌炆豆腐 ($78) : 豆腐夠滑，整體味道不錯。鮮果肉排

看報紙得知迎囍做promotion，清蒸大青班只售 $68，就去一試la~由於只得2人，只叫了一條魚及 干煸四季豆($58)干煸四季豆的豆很老，有渣的，唔好食，而且一d都唔似上海店食到嗰d，調味又差，唔好食既條魚等左差唔多40mins先到，飯同四季豆都清哂，而家要空口食哂成條魚~條魚嚟到我哋嘩左一聲，大條到呢，係平時12人一圍枱既份量，而家兩個人食!!條魚蒸得剛好，好嫩滑，$68真係唔知酒樓賺乜，抵到爆~不過今次食左咁大條魚，我要過一段好長時間先再食蒸魚了，食到有d怕怕

睇早場前, 先嘆一嘆早茶, 又點了早晨孖寶, 要了鳳爪排骨飯和叉燒牛肉腸(星期六日, 套餐價HK$17, 點鳳爪排骨飯則要加多hk$1)叉燒牛肉腸包括1條叉燒腸及2條牛肉腸, 腸粉皮略嫌厚身, 捲了幾重, 不夠幼滑, 叉燒和牛肉均勻捲在腸粉中, 早上吃很容易入口, 不錯之選鳳爪排骨飯幾大盅, 就連餸的份量也不少, 飯雖不是太乾身, 但入口軟硬適中, 可惜排骨帶點肥, 鳳爪則又淋又入味