Video
Opening Hours
Today
12:00 - 15:00
17:00 - 22:30
Mon - Sun
12:00 - 15:00
17:00 - 22:30
Public Holiday
12:00 - 15:00
17:00 - 23:00
Above information is for reference only. Please check details with the restaurant.
放假同母親大人去食沙田大喜屋放題，任食烤榴槤真係重口味，阿爸就話乳鴿好好味，好耐未試過咁瘋狂食榴槤，烤榴槤更加係第一次。沙田廣場裝修完都好好行，商場裏面好多嘢食，成日見到好多人排隊入座大喜屋 Daikiya 食放題，午餐放題價錢經濟實惠，同樣好多嘢食，環境舒適，乾淨企理，大滿足！QR code 落單，快捷方便冇漏單。自助區除咗有小食，最愛就係清酒、梅酒、啤酒任飲，好適合鍾意酒精嘅你。刺身食放題必定係叫刺身，好多款式選擇，新推介加拿大雪蟹腳，長腳蟹腳，鉸剪輕輕一剪，一條條新鮮蟹腳肉，鮮甜美味又多汁。大蝦夠鮮甜，帶子夠彈牙，甜蝦唔吝嗇 ，份量好多而且勁鮮甜。三文魚腩位魚油十足，爽脆希靈魚，回甘的油甘魚質素高！款款滋味鮮甜。極品金枕頭榴蓮燒烤榴槤驚喜非常，榴槤愛好者，絕對不能夠錯過。味道香濃，一咬落去外脆內軟。極品金枕頭榴蓮燒，即叫即燒，燒完 creamy ，外層榴槤甘香，裏面啖啖金黃榴槤肉，流心十足，夠晒香甜。最正係任食沒漏單，烤榴槤更加滋味，十分香甜。另外有好多嘢飲揀，有椰青水、珍珠奶茶、老火湯，小食有炸蝦多士，日式前菜同多款水果。壽司新鮮海鮮類壽司，色澤吸引，幾款特別有創意，重點食北海道帶子壽司， size 小小可以試多幾款啊！忍唔住 encore 咗幾件。花雕醉鮑魚，亦都開胃，可以淺嘗鮑魚嘅滋味，花雕醉汁絕對錦上添花，鮮甜彈牙，冰鎮都幾特別。熱食有原隻鮑魚拼花膠，高檔貨啊！放題食山珍海味，夾起大大塊花膠，好似手掌咁大塊。膠質滿滿，充滿骨膠原，口感有彈性。鮑魚亦都非常值得 encore。串燒即叫即燒，香噴噴熱辣辣，雞翼好嫩滑，菠蘿甜度剛剛好，鵝肝多士亦好出色！皇牌炸乳鴿仲有皮薄多汁嘅乳鴿，最緊要係任食，乳鴿喺酒樓食一隻點都要幾十蚊。乳鴿多肉多汁，鮮嫩熱辣辣，皮香脆可口。燕窩蛋白燉鮮奶最後甜品，鍾意食燕窩蛋白燉鮮奶，滿足食燕窩嘅願望，燕窩份量都唔少，再配合香滑蛋白燉鮮奶，而且夠晒滋補，食到上癮。高質素名牌的雪糕，仲有 Häagen-Dazs，曲奇味和朱古力味，飽到捧住個肚走出嚟啊！
continue reading
放假同老婆去食好耐未食過嘅大喜屋，平日下午五點未開市已經有人排隊，心諗有冇咁正🤔入到去，有得喺電話落單，亦可以出去拎，出面除咗有好多嘢飲揀之外（竟然有椰青水😍珍珠奶茶同紅白酒），仲有老火湯，炸蝦多士，前菜（爽魚皮好正）同水果，名牌雪糕雪條，仲有我忍不住拎嘅橡皮糖😂。一嚟到必定係叫刺身，三文魚件件都係腩位質素，魚油十足；大蝦夠鮮甜夠彈牙，帶子甜蝦size剛剛好，鮮甜；長腳蟹唔吝嗇，總括嚟講刺身質素高！壽司新鮮得黎細細件😎仲有花雕醉鮑魚😲熱食方面，串燒即叫即燒，每串都好香噴噴熱辣辣，天婦羅皮薄唔油，羊架燒得好嫩滑，熟度剛剛好，鵝肝多士亦好出色！仲有皮薄多汁乳鴿😮估唔到放題都有咁高質鵝肝同乳鴿😨最最估唔到係佢嘅上湯蝦球伊麵，首先蝦球好大舊，爽滑彈牙重蝦味，好新鮮😍麵質非常好，軟硬同份量適中唔會一餅嘢質飽你，調味好出色，正😳👍🏻Encore咗幾樣最正嘅（包括羊架，蝦球伊麵，串燒同刺身），都飽到89成，見佢有燒金枕頭榴槤，作為榴槤愛好者一定唔會錯過🤭一上枱已經覺得好正，色澤吸引，味道香濃，一咬落去外脆內creamy，比起平時直接食榴槤仲更加滋味，而且極之香甜，唔知係咪因為燒過嘅關係，仲有一浸微微嘅米香（絕對唔係過熟嘅酒味），忍唔住encore咗兩舊😂最後仲食咗個燕窩蛋白燉鮮奶🤭結果飽到捧住個肚走🫠真係估唔到食放題都有榴槤食，而且仲要咁高質素，佢哋高質嘅熱食令我喺呢個咁凍嘅天氣都會揀去依間放題度食嘢😙
continue reading
今日約左fd 食飯，由於大家都係為食之人，所以多數都離唔開自助餐、放題、任食哩d !而我地今次就揀左日式放題一坐低，就掃個QR code叫嘢食啦由於好多野都想試,但怕叫左唔啱食不過好在我地大家味覺都差唔多,所以我地都習慣每樣先叫一件,是旦一個食先,好食再按人頭叫咁就唔會浪費食物啦佢地D食物都好快到,野食都好好食,今餐食下傾下又一晚啦.
continue reading
👉🏻晚市放題（星期一至四，五點入座，七點前離座）$258/位刺身種類繁多， 除左有常見嘅三文魚， 北極貝仲有原條加拿大雪蟹腳，巨size甜蝦， 帶子。 所有食材都非常新鮮， 有海鮮應有嘅甜味， 冇雪咗好耐嘅冷藏味。 另外仲有串燒。我哋叫咗烤牛舌， 烤羊架。火候足夠， 仲有淡淡嘅煙燻味。 羊架好入味， 好嫩，個人十分推薦！其他烤物仲有好肥美嘅生蠔同燒鯖魚。 當然少不了飲品，無論你鍾意飲返兩杯定係鍾意包裝飲品， 大喜屋都可以滿足到你。餐廳嘅熱清酒有兩款亦有凍梅酒和凍清酒可選。 仲有珍珠奶茶同埋自家製冷泡茶。甜品亦好多款式，仲好精緻， 推薦點北海道牛奶布丁， 燉牛奶和烤榴槤。 除了烤榴槤還有榴槤泡芙，榴槤大福， 榴槤控一定不能錯過！
continue reading
朋友突然好想食放題，所以我哋行完商場之後就落咗樓下《大喜屋》食飯。近住門口既自助區有海鮮冷盤、沙律；小食區更有多款蔬菜、水果🍉同熱食🔥⋯⋯令人意想不到嘅係竟然連中式點心都有，eg:燒賣、牛肉球、鮮竹卷…就咁睇到都已經覺得好豐富！飲品選擇唔少，入面個冷凍飲品櫃好大個，各種汽水🥤、珍珠奶茶🧋、自家製冷泡茶．．都有，茶類飲品會比較多，就連涷／熱清酒、梅酒都有添👍🏻熱飲亦都包括咖啡、茶飲等等！除咗自助吧，仲有好多款既壽司🍣刺身🐟串燒🍢炸物🍤同創作料理……等可以落單🥰以下系我精選出梨值得一再encore既必食推介：👉🏻🍞肥美香口嘅鵝肝厚多士🪿🫐同蘋果片超夾嘅法式紅酒藍莓鵝肝🪿🦪脹卜卜又多汁嘅川燒珍寶鮮蠔燒🦪🐟鮮滑少骨嘅比目魚西京燒🐟🦆啖啖肉好香口嘅脆皮燒乳鴿🦆🐟骨膠原滿滿嘅吉品花膠盛宴🐟🐑美容養顏嘅香草燒羊鞍🌿🍴令我食指大動、可以無限追加嘅嘅榴連肉🍴仲有肥美鮮甜嘅各款刺身：三文魚、北寄貝、拖羅、帶子、劍魚腩…令我哋食到停唔到口🫣食到最後，當然唔少得食埋甜品同雪糕啦🍨甜品櫃都有幾多唔同款式嘅甜品🍧雪糕🍦更有多種口味，啱晒我哋呢啲選擇困難症🤭可惜個胃空間有限，好似仲有好多好嘢未食到，唯有下次過梨再試埋佢😜🟥大喜屋 📍沙田沙田正街21-27號沙田廣場1樓33-35, 44-46號舖
continue reading