Dazzling Cafe (The ONE)

Open Now

Now Closed

最近去左間少女心滿滿嘅餐廳係一間台灣過江龍Cafe主打蜜糖吐司 餐廳仲有唔少打卡位📸啱晒同朋友食Tea打卡🔸巧克力蕉響曲蜜糖吐司 $98蜜糖吐司烤完之後外層金黃香脆，內裡嘅質感就好軟綿，非常高質。吐司頂有朱古力cream同Haagen-Daz朱古力味雪糕，再淋上香滑榛子朱古力醬同配埋焦糖香蕉，賣相吸睛同時都好好味。🔸綿綿珍珠奶茶鬆餅 $90奶茶味嘅鬆餅顏色好特別，鬆餅可切成八件，每件都吱咗奶茶cream同鋪咗珍珠喺面，中間仲有奶茶味嘅雪糕，食落奶茶味香濃，甜度啱啱好，鐘意奶茶嘅朋友絕對唔可以錯過。🔸海鹽焦糖奶昔 $58面層超豐盛，輕盈嘅忌廉上面有蝴蝶酥、梳打餅、芝士餅、爆谷。奶昔帶有焦糖香氣，口感香滑，鹽味更能中和甜味。🔸芝士奶蓋桂花烏龍茶 $50面層有厚厚嘅芝士奶蓋，超級邪惡！呢款你尖沙咀限定飲品，必點呀！桂花烏龍茶清香，飲得好清新嘅感覺，配埋鹹鹹地嘅芝士奶蓋，口感豐富。

🍱餐廳：Dazzling Cafe (The ONE) (尖沙咀)🍽️類別：西式x 台式 FusionCafe💯推薦指數：7/10≡※≡※≡※≡※≡※ 🍑桃仔推薦必試菜式🍑 ≡※≡※≡※≡※≡▪️Lunch Set (意粉+咖啡) $150只需$150便能品嘗到一碟意粉加一倍咖啡，就商場餐廳而言相當划算。拿坡里大蝦義大利麵的味道頗豐富。鮮甜的大蝦和蕃茄，配搭微辣的蒜頭和香草，以及香醇的橄欖油，使其充滿層次感。加上意粉掛汁力強，每口都十分Juicy。飲料方面，小編配搭了抹茶鮮奶，味道正常。≡※≡※≡※≡※≡※≡ 💁🏻‍♀️值得一試系列💁🏻‍♀️ ≡※≡※≡※≡※≡※≡※▪️巧克力蕉響曲蜜糖吐司 $98體積相當巨型，擺盤別緻。吐司裡面是一條條沾滿蜜糖的麵包條，口感酥脆，沾上雪糕，配以焦糖香蕉吃味道不錯。≡※≡※≡※≡※≡※≡※≡ 👍🏼值得加分項目👍🏼 ≡※≡※≡※≡※≡※餐廳裝潢充滿少女風格，以粉紅色和白色為主調，營造出既夢幻且溫馨的感覺。餐廳佈置充滿創意，牆上掛著多款霓虹燈，不少座椅上設有兩隻兔仔耳朵，打卡一流。而且店員亦會穿著女僕套餐，給人一種置身於女僕Cafe的感覺。≡※≡※≡※≡※≡※≡※≡

Salted caramel milkshake 海鹽焦糖奶昔 🍹 $58呢一杯海鹽焦糖奶昔望落去好吸引✨，轉頭有大量焦糖爆谷🍿、芝士曲奇餅🍪同埋蝴蝶酥，入面嘅奶昔超級creamy ，牛奶味相當濃☁️，飲落去口感順滑，的確幾正LocoMoco 熔岩漢堡扒飯 🥩 $138Main course 類別嘅熔岩漢堡扒飯有得揀飛簷牛或者日本黑毛豬🍖，今次揀咗味道濃郁嘅飛驒牛🐮，免頭有半流心日本雞蛋🍳，中間夾住牛肉漢堡，成份嘢食撈埋健康嘅蘑菇粒🍄一齊食，都幾高質！Strawberry time honey toast 莓好時光蜜糖吐司 🍞 $118餐廳最出名嘅甜品莫過於蜜糖吐司🥯，今次叫咗最signature嘅草莓味🍓，用咗新鮮嘅士多啤梨，配埋Häagen-Dazs唔會太甜嘅嘅草莓雪糕，中間嘅多士充滿牛油香🧈，而且有少少烘底食落去香脆，高質又酸酸甜甜，而且好飽肚，值得推介👍🏻

呢間Cafe來自台灣，以蜜糖吐司同心型Waffle出名，除此之外提供多款粉麵飯主食、小食同特色飲品、裝潢設計十分可愛，行少女風，有多個打卡位，適合約姊妹一齊chill chill👭主食要咗暖心炸排骨滷肉飯，排骨大大塊，炸至外脆內嫩，厚切啖啖肉，下面有少量滷肉，飯粒軟糯可口，配著食好好味，不過醬汁偏少、旁邊有涼拌小菜同蛋花湯，有台灣風味～小食有炒菌菇，比想像中出色，炒至入味，建議撈埋飯食、甜點係Waffle，鬆餅又厚又脆，搭配冰涼雲尼拿雪糕、蜜糖同cream，滋味無窮！飲品有紅茶同玫瑰荔枝氣泡飲，甜度適中，解膩！

因為拎左有「香港夜饗樂」餐飲消費券，所以同朋友去左食好多年冇食過既DAZZLING CAFE。去到8點鐘，唔洗排隊就可以入去了。位於尖沙咀，位置方便，剛開業時經常排長龍。還記得之前D 員工都係台灣人係講國語的。家下已經轉晒本地人了。餐廳同之前一樣，都必定要每人叫一杯飲品。我叫左熱既水果荼。朋友叫左百香果鮮果茶。兩杯都不過不失啦。另外再叫左一個京東宇治抹茶紅豆鬆餅。本身拎餐飲消費券就係為左食佢既甜品，估唔到質素差左。個鬆餅很硬，已凍，沒有太多蛋香味。餐廳環境OK，適合朋友傾下計、打卡。但，員工同其他評語一樣，都真係麻麻地。所以正價黎食就應該唔會了。

餐廳各樣大不如前，食物質素大大下降，意粉乾得不行，烏魚子粒會緊緊黏實在麵條上，是因為實在太乾了，我吃了幾口吃不下去了，而且價格很貴絕對不值；黃金時間星期六下午，在尖沙咀The One商場很多人逛逛，卻沒有人走進這間店，餐廳座位都是空空的，都可以預想到一定有點問題，想當年是要排上一兩個小時的。店員態度有欠禮貌和耐性，見到下面很多食許評，已經註明店員態度很差，是真的。難怪銅鑼灣店要結業。作為多年的支持者感到很失望，可惜都不能再來了。

首先，open rice 時間窩close 10:00pm , 當然餐廳門外寫住用餐時間90分鐘！四眼仔話8:45 last order 都算，當時8:35 入坐，8:48 已order咗部份嘢食，我都同其中一位四眼男仔講唔好意思比多2 分鐘我，我想睇睇仲有冇其他嘢食order ,佢即刻黑面回應你哋已經遲咗order喇！態度極差！我唔介意你同我講唔好意思！廚房要收，可能真係要快少少！我絕對明白同體諒！四眼仔話你哋而家已經遲咗order當時係遲咗3分鐘，我冇諗過一間以為佢高尚嘅Cafe 5分鐘嘅走盞都做唔到！我相信任何一間茶餐廳5分鐘內嘅酌情處理係絕對可以做得到！佢唔想做咪出聲囉，我都唔介意我最多唔食!最嬲係佢態度惡劣服務非常差！9:25 另一個女子同我哋講佢哋要close ! 當時我問佢乜你哋唔10:00 close ? 90 分鐘用餐是什麽意思？佢答我唔到！而本人亦絕對唔會坐到去10點！亦唔阻人收工！但冇諗過呢間餐廳入邊嘅人嘅服務態度衰過一間茶餐廳！完全劣評！管理層好有問題，怪不得皇室堡都要執笠！

下午兩點後走入餐廳，餐廳沒什么人，旁邊桌的人用餐走了，我們要求換過去，侍應竟然叫客人自己把杯子端過去，一杯水不是多重，而是餐廳既然收了服務費，就是這樣提供服務嗎？況且，我們才剛向侍應點完菜，杯子都沒碰過，如果怕不衛生，給我們換杯水也可以吧！這餐廳不會再去第二次

因為有夜繽紛優惠券嘅關係，所以喺六點之後入座，就算係晚市都唔需要排隊，可以即刻有位。叫咗個佛羅倫斯花枝干貝麵，味道唔錯，有好多海鮮配料同埋有兩大粒乾干貝。一份豬扒三文治，外層麵包烘到脆卜卜，夾住豬扒一齊食好好味。再叫咗一份松露薯條，但薯條唔夠熱，好似放咗好耐，一啲都唔脆。入座每人都要叫一杯嘢飲，仲夏熱帶水果茶、法式莓果歐蕾，黑旋風摩卡，嘢飲一直都好出色，唔會好服。總體嚟講，食物尚算保持到水準，但仍有可以加強嘅空間。

⭐️明太子意大利麵 $98賣相就係普通嘅意大利粉，食落幾Creamy同埋掛汁，味道都幾唔錯！⭐️草莓繽紛冰淇淋鬆餅$95打卡之選！呢個鬆餅上面有好多cream，配上士多啤梨醬，雪糕，楓糖漿，可以比客人自由配搭。呢點覺得做得幾好，有得玩有得食。同埋個waffle都幾脆，唔會係擺咗好耐淋晒嗰啲waffle! 呢點要讚吓另外有樣嘢覺得唔係咁好嘅，係落晒單之後店員先會同你講要嗌多兩杯嘢飲，喺舖頭規矩。個人覺得一早寫明會好啲🙌🏻 因為個服務員態度都比較唔友善。

話說銅鑼灣個間執左，心血來潮，諗住想再食下就去左尖沙咀呢間，當日唔算多人，唔使等位既，咁安排左入面坐，但係我地覺得冷氣唔夠，所以問可唔可以坐餐廳出面既位置，職員話可以啦，但係要我地自己拎返杯水，但係我地係一坐低就想轉枱，掂都冇掂過個杯，咁都算，之後坐出面，一張奇細既二人台，個職員又擺d餐具係隔離張枱，又唔係放我地坐低個度，之後我地以為可以拍埋隔離張枱啦，點知一拉張枱就走過黎話品得，但係一路企係度又唔講野都唔知做咩，咁既服務都要收加一，真係唔會再去。

近近地去食個Tea ~ 佢地最低消費係每人一杯野飲～ 由於我大肚關係想飲奶，就叫左杯「法式莓果歐蕾」問左侍應，佢話無得走冰，叫我飲熱， 但佢喱杯野係無熱、叫我嗌外個兩杯～ 一杯有茶一杯吾記得係咩，吾岩口味！甘我就話少冰吾該～ （最多黎到自己*畢*走d冰）點知黎到完全吾覺係少左冰（同行朋友一樣吾覺有幫我少左冰）即時同個位侍應講我話我叫左少冰，佢話少左嫁啦 少左都差唔多成杯冰！ 吾少咪啜兩啖無左🥲食物不過不失，係個墨西哥起司薄餅比之前食濕左少少

On entry I m told the minimum order is one drink. I ordered a pasta and am told that I must order a drink. Their menu literally says minimum order is a drink. So I m forced to order a drink and a pasta. Then they come back and tell me they are sold out of the pasta and I will need to wait 20 minutes for them to make the order. Awful service, stupid policy that is either mistranslated, or understood wrongly by illiterate staff

好想食返榛果巧克力蜜糖吐司，all time favourite ，但係竟然無做…雖然其他都好食，但係呢個最好。幾乎每次都食：明太子義大利麵仲夏熱帶水果茶推介！另外 伯爵熱奶茶 係我另類最愛環境好好，稱之為我既canteen可惜皇室堡店結業

週末走到TheOne行街，時間嚟到下午茶就順便坐低食埋飯，帶位店員派咗個卡位畀我哋坐，座位都幾闊落。如果有得坐店外嘅座位，打卡影相嘅光線應該更加好睇🤭 我同女友都分別叫咗每人一個餐一杯飲品，都食得好飽，不過味道就稍為普通。暖心炸排骨鹵肉飯 - 98$ ⭐⭐⭐/⭐x5 推薦指數呢個餐絕對稱得上禾稈冚珍珠，意想不到係佢啲肉燥先係最好味，甜甜地配上滷肉帶有豬皮，豬嘅油脂，同白飯一齊食係停唔到口。相對地豬扒失色好多，炸得有啲嚡口，食到第二件都已經覺得有啲滯。順帶一提貓耳朵醃得好好味，食得出有小小酸同蒜頭芫茜香👍但係蛋花湯就真係蛋花湯，一般般。佛羅倫斯花枝干貝麵 - 108$ ⭐⭐⭐/⭐x5 推薦指數餐送到嘅時候，經過香草油嘅烹調，香味撲鼻，Nana已經流曬口水！花枝，干貝炒上意粉都相當入味，彈牙。但係如果唔鍾意食黑椒嘅朋友仔，呢碟意粉對你哋嚟講嘢可能有啲地獄，因為每一口都咬到黑椒碎，感覺上有啲似黑椒炒意粉多啲 🥹黑旋風摩卡 - 45$ ⭐⭐/⭐x5 推薦指數如果太多朱古力味，咖啡味會冇定企🫠 可惜可惜！草莓伯爵歐蕾 - 55$ ⭐⭐⭐⭐/⭐x5 推薦指數牛奶同伯爵茶好夠味，互相融合。草莓相對地